ಶರಣ ಚಳವಳಿ ಜಗದ ಮೊದಲ ಚಳವಳಿ: ಬಸವಪ್ರಭು ಸ್ವಾಮೀಜಿ

7
‘ಶರಣ ಚರಿತಾಮೃತ ಪ್ರವಚನ’ ಮಂಗಲ ಸಮಾರಂಭ

ಶರಣ ಚಳವಳಿ ಜಗದ ಮೊದಲ ಚಳವಳಿ: ಬಸವಪ್ರಭು ಸ್ವಾಮೀಜಿ

Published:
Updated:
Deccan Herald

ದಾವಣಗೆರೆ: ಜಾತಿಯ ಬೇರನ್ನು ಕುತ್ತು ಹಾಕಿ, ಸರ್ವಸಮಾನತೆಯ ಸಮಾಜವನ್ನು ಕಟ್ಟಿದವರು ಶರಣರು. ಶರಣ ಚಳವಳಿ ಜಗತ್ತಿನ ಮೊದಲ ಚಳವಳಿ ಎಂದು ವಿರಕ್ತಮಠದ ಬಸವಪ್ರಭು ಸ್ವಾಮೀಜಿ ಹೇಳಿದರು.

ಶ್ರಾವಣ ಮಾಸದ 108ನೇ ವರ್ಷದ ‘ಶರಣ ಚರಿತಾಮೃತ ಪ್ರವಚನ’ ಮಂಗಲ ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಜಗತ್ತಿನ ಮೊದಲ ಸಂಸತ್ತಾದ ‘ಅನುಭವ ಮಂಟಪ’ವನ್ನು ಕಟ್ಟಿ ಮಾನವ ಹಕ್ಕುಗಳನ್ನು ಪ್ರತಿಪಾದನೆ ಮಾಡಿದ ಬಸವಾದಿ ಶರಣರ ಬದುಕು ನೂತನ ಎಂದು ಪ್ರತಿಪಾದಿಸಿದರು.

ಬಸವತತ್ವ ಎಂಬುವುದು ವಿಶ್ವತತ್ವವಾಗಿದೆ. ಕಾಯಕ, ದಾಸೋಹ, ಸಮಾನತೆ, ವೈಚಾರಿಕತೆ, ಮಾನವೀಯತೆ, ಶಿವಯೋಗ ತತ್ವಗಳ ಮೂಲಕ ಪ್ರಚಾರ ಮಾಧ್ಯಮಗಳು ಇಲ್ಲದ 12ನೇ ಶತಮಾನದಲ್ಲಿಯೇ ಜನರನ್ನು ಆಕರ್ಷಿಸಿದ್ದರು. ಶರಣ ಚರಿತಾಮೃತ ಪ್ರವಚನ ನಮ್ಮ ಬದುಕಿಗೆ ಬೆಳಕನ್ನು ನೀಡುತ್ತದೆ. ಜೀವನದ ಸಮಸ್ಯೆಗಳಿಗೆ ಶರಣರ ಬದುಕು ಮತ್ತು ಬರಹಗಳಲ್ಲಿ ಪರಿಹಾರವಿದೆ. ಶರಣ ತತ್ವ ಪಾಲಿಸಿದರೆ ನಮ್ಮ ಬದುಕು ಬಂಗಾರವಾಗುತ್ತದೆ ಎಂದು ತಿಳಿಸಿದರು.

ಸಕಲ ಜೀವಾತ್ಮಗಳಿಗೆ ಲೇಸು ಬಯಸುವ ದೃಷ್ಟಿ, ಸದ್‌ವಿನಯ ಸಂಪನ್ನತೆ, ಮೃದು ವಚನ, ಆಚಾರ, ವಿಚಾರ, ವಿವೇಕಮ ವಿವೇಚನೆಗಳಲ್ಲಿ ಪಾರದರ್ಶಕತೆ, ನಿರ್ವಿಕಾರ, ನಿರಹಂಕಾರ, ನಿರ್ಮಲಭಾವದಿಂದ ತಾತ್ವಿಕ ತಳಹದಿಯ ಮೇಲೆ ಸಾತ್ವಿಕ ಸಮಾಜವನ್ನು ಶರಣರು ಕಟ್ಟಿದರು ಎಂದು ವಿವರಿಸಿದರು.

ಚಿತ್ರದುರ್ಗ ಜಿಲ್ಲಾ ಬಿಜೆಪಿ ಘಟಕದ ಅಧ್ಯಕ್ಷ ನವೀನ್‌, ಚಿಗಟೇರಿ ಜಯಪ್ರಕಾಶ್‌, ಮಡಿವಾಳ ಸಮಾಜದ ಜಿಲ್ಲಾಧ್ಯಕ್ಷ ಎನ್‌.ಎಂ. ಸತೀಶ್‌, ಪಾಲಿಕೆ ಸದಸ್ಯ ಬಸಪ್ಪ ಉಪಸ್ಥಿತರಿದ್ದರು. ಝಂಜರವಾಡ ಬಸವರಾಜೇಂದ್ರ ಶರಣರು ಪ್ರವಚನ ನಡೆಸಿಕೊಟ್ಟರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !