ಪಂಚರ್ ಅಂಗಡಿಯ ಸಂದೀಪ್ ಒಂದು ಟೈರ್ಗೆ ಪಂಚರ್ ಹಾಕಿದ ನಂತರ ಇನ್ನೊಂದು ಟೈರ್ಗೆ ಪಂಚರ್ ಹಾಕುತ್ತಿದ್ದರು. ಆಗ ಪಂಚರ್ ಹಾಕಿದ ಟೈರ್ ಅನ್ನು ಟ್ರ್ಯಾಕ್ಟರ್ ಟ್ರಾಲಿಯಲ್ಲಿಟ್ಟು ಮಾರುತಿ ಹವಾ ಹಿಡಿಯುತ್ತಿದ್ದರು. ಅಧಿಕ ಗಾಳಿ ತುಂಬಿಸಿದ್ದರಿಂದ ಟೈರ್ ಸ್ಫೋಟಗೊಂಡಿದೆ. ಸ್ಫೋಟದ ತೀವ್ರತೆಗೆ ಟೈರ್ನ ರಿಂಗ್ ಬಡಿದು ಮಾರುತಿ ಏಳೆಂಟು ಅಡಿ ಎತ್ತರಕ್ಕೆ ಚಿಮ್ಮಿ ನೆಲಕ್ಕೆ ಬಿದ್ದಿದ್ದಾರೆ. ಎಡಗಾಲು, ಎದೆ, ಪಕ್ಕೆ ಹಾಗೂ ದೇಹದ ಇತರೆಡೆ ತೀವ್ರ ಗಾಯಗಳಾಗಿದ್ದ ಮಾರುತಿಯನ್ನು ದಾವಣಗೆರೆ ಎಸ್.ಎಸ್.ಹೈಟೆಕ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಸೋಮವಾರ ಮೃತಪಟ್ಟರು.