ಆಯ್ಕೆಯ ಸಂದರ್ಭದಲ್ಲಿ ಸದಸ್ಯರ ಗುಂಪಿನ ಮಧ್ಯೆ ನಡೆದ ಒಡಂಬಡಿಕೆಯಂತೆ 10 ತಿಂಗಳ ಅವಧಿ ಇವರಿಗೆ ನಿಗದಿಯಾಗಿತ್ತು. ಆ ಪ್ರಕಾರ ಅಧ್ಯಕ್ಷೆ ಗಂಗಮ್ಮ ಅವರು ಕಳೆದ ಡಿಸೆಂಬರ್‌ನಲ್ಲಿ ಸ್ಥಾನ ತೆರವು ಮಾಡಬೇಕಿತ್ತು. ಆದರೆ, ಅವರು ಒಡಂಬಡಿಕೆಯಂತೆ ನಡೆದುಕೊಳ್ಳದ ಕಾರಣ 23 ಸದಸ್ಯರ ಪೈಕಿ 19 ಸದಸ್ಯರು ಸೇರಿಕೊಂಡು ಜೂನ್ 3ರಂದು ಉಪವಿಭಾಗಾಧಿಕಾರಿ ಅವರಿಗೆ ಅವಿಶ್ವಾಸದ ಅರ್ಜಿ ಸಲ್ಲಿಸಿದ್ದರು.ಇದೀಗ ಉಪವಿಭಾಗಾಧಿಕಾರಿ ಅವರು ಜೂನ್ 23ರಂದು ಅವಿಶ್ವಾಸ ನಿರ್ಣಯ ಸಭೆಯನ್ನು ನಿಗದಿ ಮಾಡಿ ಸದಸ್ಯರಿಗೆ ನೋಟಿಸ್ ಜಾರಿ ಮಾಡಿದ್ದಾರೆ.
