ಹೆಲ್ಮೆಟ್‌ ಎಲ್ಲಿ ಎಂದ ಪೊಲೀಸರ ಮೇಲೆ ಹಲ್ಲೆ

7

ಹೆಲ್ಮೆಟ್‌ ಎಲ್ಲಿ ಎಂದ ಪೊಲೀಸರ ಮೇಲೆ ಹಲ್ಲೆ

Published:
Updated:
Deccan Herald

ದಾವಣಗೆರೆ: ಬೈಕ್‌ ಸವಾರನೊಬ್ಬ ಕರ್ತವ್ಯನಿರತ ಸಂಚಾರ ಪೊಲೀಸರ ಮೇಲೆ ಗಂಭೀರವಾಗಿ ಹಲ್ಲೆ ನಡೆಸಿದ್ದಾನೆ.

ನಗರದ ಹದಡಿ ರಸ್ತೆಯಲ್ಲಿ ಬುಧವಾರ ಹೆಲ್ಮೆಟ್‌ ಹಾಕದೆ ಬೈಕ್‌ ಓಡಿಸುತ್ತಿದ್ದ ಸವಾರನನ್ನು ದಕ್ಷಿಣ ಸಂಚಾರ ಪೊಲೀಸ್‌ ಠಾಣೆಯ ಎಎಸ್‌ಐ ಅಂಜಿನಪ್ಪ ಮತ್ತು ಹೆಡ್‌ ಕಾನ್‌ಸ್ಟೆಬಲ್‌ ನಾರಾಯಣರಾಜ್ ಅರಸ್‌ ತಡೆದು ನಿಲ್ಲಿಸಿದ್ದಾರೆ. ಇದರಿಂದ ಕೋಪಗೊಂಡ ಸವಾರ ಸಿದ್ದರಾಮೇಶ್ವರ ಬಡಾವಣೆಯ ರುದ್ರೇಶ್ (38) ಇಬ್ಬರ ಮೇಲೂ ಹಲ್ಲೆ ನಡೆಸಿದ್ದಾನೆ. ಆರೋಪಿಯನ್ನು ಕೆಟಿಜೆ ನಗರ ‍ಠಾಣೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಎಎಸ್‌ಐ ಅಂಜಿನಪ್ಪ, ಹೆಡ್‌ ಕಾನ್‌ಸ್ಟೆಬಲ್‌ ನಾರಾಯಣರಾಜ್ ಅರಸ್‌ ಮತ್ತು ಕಾನ್‌ಸ್ಟೆಬಲ್‌ ಸಿದ್ದೇಶ್‌, ಚಾಲಕ ಶಿವಾಜಿ ರಾವ್‌ ಅವರು ಇಂಟರ್‌ಸೆಪ್ಟರ್‌ ವಾಹನವನ್ನು ಬುಧವಾರ ಮಧ್ಯಾಹ್ನ ಡಿಆರ್‌ಆರ್‌ ಪಾಲಿಟೆಕ್ನಿಕ್‌ ಮುಂಭಾಗ ಹದಡಿ ರಸ್ತೆಯಲ್ಲಿ ನಿಲ್ಲಿಸಿ ಪಕ್ಕದ ಕನ್ನೇಶ್ವರ ದೇವಸ್ಥಾನ ಬಳಿ ವಾಹನಗಳ ತಪಾಸಣೆ ನಡೆಸುತ್ತಿದ್ದರು. ಕೆಟಿಜೆ ನಗರ 18ನೇ ಕ್ರಾಸ್‌ನಲ್ಲಿ ಜೆರಾಕ್ಸ್‌ ಅಂಗಡಿ ಇಟ್ಟುಕೊಂಡಿರುವ ರುದ್ರೇಶ್‌ ಎಂಬಾತ ಗುಂಡ ಎಂಬುವರನ್ನು ಕೂರಿಸಿಕೊಂಡು ಹೆಲ್ಮೆಟ್‌ ಹಾಕದೆ ವಿದ್ಯಾರ್ಥಿಭವನ ಕಡೆಯಿಂದ ಬೈಕ್‌ ಚಲಾಯಿಸಿಕೊಂಡು ಬಂದಿದ್ದಾನೆ. ಬೈಕ್‌ ನಿಲ್ಲಿಸಲು ಸೂಚನೆ ನೀಡಿದರೂ ಆತ ಮುಂದಕ್ಕೆ ಸಾಗಲು ಪ್ರಯತ್ನಿಸಿದ್ದಾನೆ. ಆಗ ಅಡ್ಡಗಟ್ಟಿ ನಿಲ್ಲಿಸಿದ್ದಾರೆ. 

ಇದರಿಂದ ಸಿಟ್ಟಿಗೆದ್ದ ರುದ್ರೇಶ್‌, ಪಕ್ಕದಲ್ಲಿಯೇ ಮಾರಾಟಕ್ಕೆ ಇಟ್ಟಿದ್ದ ಮಣ್ಣಿನ ದೀಪ, ಅಲಂಕಾರಿಕ ವಸ್ತುಗಳನ್ನು ತೆಗೆದು ನಾರಾಯಣರಾಜ್‌ ಅರಸ್‌ ಅವರ ಹಣೆಗೆ ಹೊಡೆದಿದ್ದಾನೆ. ಬಳಿಕ ಪಕ್ಕದಲ್ಲಿದ್ದ ಇಟ್ಟಿಗೆ ಚೂರನ್ನು ಅವರತ್ತ ಎಸೆದು ಹಲ್ಲೆ ನಡೆಸಿದ್ದಾನೆ. ಆರೋಪಿಯನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಹಲ್ಲೆ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದೆ.

 

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 1

    Sad
  • 0

    Frustrated
  • 0

    Angry

Comments:

0 comments

Write the first review for this !