4.2 ಗುಂಟೆ ಶಾಲಾ ವಿಸ್ತೀರ್ಣ ಇದ್ದು, ಆಟದ ಮೈದಾನ 3.19 ಗುಂಟೆ ಇದೆ. ಈ ಶಾಲೆ ಆರಂಭಿಸಲು ಅಂದಿನ ಕಾಲದಲ್ಲಿ ದೊಡ್ಡ ಈಶ್ವರಪ್ಪ, ಶೆಟ್ಟರ್ ಚನ್ನಬಸಪ್ಪ ಹಾಗೂ ತಿಮ್ಮರಾಜ್ ಶಾನುಭೋಗ ಅವರು ಜಮೀನು ನೀಡಿದ್ದರು. ಅದರ ಫಲವಾಗಿ ಶಾಲೆಯು ಇಂದು ಹೆಮ್ಮರವಾಗಿ ಬೆಳೆದಿದೆ. ಪ್ರಸ್ತುತ 10 ಕೊಠಡಿಗಳಿದ್ದು, 1 ರಂಗ ಮಂದಿರ, 1 ಹೈಟೆಕ್ ಬಿಸಿಯೂಟ ಕೇಂದ್ರ ಹಾಗೂ ಬಾಲಕ, ಬಾಲಕಿಯರಿಗಾಗಿ ಪ್ರತ್ಯೇಕ ಶೌಚಾಲಯಗಳನ್ನು ಗ್ರಾಮದ ದಾನಿಗಳಿಂದ ಸುಸಜ್ಜಿತವಾಗಿ ನಿರ್ಮಾಣ ಮಾಡಲಾಗಿದೆ. ಹೊದಿಗೆರೆ, ಬೆಂಕಿಕೆರೆ, ಮಾದಾಪುರ, ಹೆಬ್ಬಳಗೆರೆ, ಶೆಟ್ಟಿಹಳ್ಳಿ, ಯರಗಟ್ಟಿಹಳ್ಳಿ ಹಾಗೂ ರಾಮೇನಹಳ್ಳಿ ಗ್ರಾಮಗಳ ವಿದ್ಯಾರ್ಥಿಗಳಿಗೆ ಈ ಪ್ರೌಢಶಾಲೆಯೇ ವಿದ್ಯಾಭ್ಯಾಸಕ್ಕೆ ಆಧಾರವಾಗಿದೆ.