ಕೆರೆ ಸ್ವಚ್ಛಗೊಳಿಸಿದ ಗ್ರಾಮಸ್ಥರು

ಪ್ರಸಕ್ತವರ್ಷದ ಮಳೆಗಾಲ ಮುಂಚಿತವಾಗಿ ಆರಂಭವಾದ್ದರಿಂದ ಜಂಗಲ್ ಬೆಳೆದಿದೆ. ಪೊದೆಗಳಲ್ಲಿ ಹಾವು, ಹುಳು–ಹುಪ್ಪಟೆ ಸೇರಿಕೊಳ್ಳುತ್ತವೆ. ಹಸು, ಕರು, ಕುರಿಗಳು ಮೇವು ತಿನ್ನಲು ಬಂದು ಕೆರಯಲ್ಲಿ ಬೀಳುವ ಅಪಾಯವಿದೆ. ಇಲ್ಲಿ ಸಂಚರಿಸುವವರಿಗೂ ತೊಂದರೆಯಾಗುತ್ತಿದ್ದರಿಂದ ಸ್ವಚ್ಛಗೊಳಿಸಲಾಯಿತು ಎಂದು ಐರಣಿ ಮಹೇಶ್ ತಿಳಿಸಿದರು.

ನಾಗರ ಪಂಚಮಿ ಅಂಗವಾಗಿ ಬರುವ ತಿಂಗಳು ಕೆರೆಜಾತ್ರೆ ಇದೆ. ಕೆರೆಯು ಮಳೆ ನೀರಿನಿಂದ ಭರ್ತಿಯಾಗಿ ಕಂಗೊಳಿಸುತ್ತಿದೆ. ಸರ್ಕಾರದ ಅನುದಾನಕ್ಕೆ ಕಾಯದೆ ಗ್ರಾಮಸ್ಥರೇ ಸ್ವಯಂ ಪ್ರೇರಣೆಯಿಂದ ಕೆರೆ ಸ್ವಚ್ಛತಾ ಕೆಲಸ ಆರಂಭಿಸಿದ್ದೇವೆ ಎಂದು ಮಾಹಿತಿ ನೀಡಿದರು.