ರಾಜದಂಪತಿ ಮಗನ ಚಿತ್ರ ಬಿಡುಗಡೆ

ಕೆನ್ಸಿಂಗ್ಟನ್‌ ಅರಮನೆಯ ನಿವಾಸದಲ್ಲಿ ಮಿಡ್ಲ್‌ಟನ್‌ ಸೆರೆ ಹಿಡಿದಿರುವ ಭಾವಚಿತ್ರಗಳು ಇವಾಗಿವೆ. ಒಂದು ಚಿತ್ರದಲ್ಲಿ ಈ ದಂಪತಿಯ ಮೂರು ವರ್ಷದ ಮಗಳು ಚಾರ್ಲೊಟ್, ಮಲಗಿರುವ ಲೂಯಿಸ್‌ಗೆ ಮುತ್ತಿಡುತ್ತಿರುವ ದೃಶ್ಯವಿದ್ದು, ಇದನ್ನು ಮೇ 2ರಂದು ಸೆರೆ ಹಿಡಿಯಲಾಗಿದೆ. ಇನ್ನೊಂದರಲ್ಲಿ ಆ ಮಗು ಕಣ್ಣು ಬಿಟ್ಟು ಎತ್ತಲೋ ನೋಡುತ್ತಿದ್ದು, ಅದು ಏಪ್ರಿಲ್ 26ರಂದು ಸೆರೆಹಿಡಿದ ಭಾವಚಿತ್ರವಾಗಿದೆ.

‘ಚಾರ್ಲೊಟ್ ಮತ್ತು ಲೂಯಿಸ್‌ ಅವರ ಭಾವಚಿತ್ರಗಳನ್ನು ಹಂಚಿಕೊಳ್ಳಲು ಸಂತಸವಾಗುತ್ತಿದೆ’ ಎಂದು ಅರಮನೆಯ ಪ್ರಕಟಣೆ ತಿಳಿಸಿದೆ.