ಬೆಳಿಗ್ಗೆ 8 ಗಂಟೆ ಸುಮಾರಿಗೆ ರೈಲ್ವೆ ಹಳಿಯ ಮೇಲೆ ಶವ ಇರುವುದು ಸ್ಥಳೀಯರ ಗಮನಕ್ಕೆ ಬಂದಿದೆ. ಹಳಿಗಳ ನುಡುವೆ ದೇಹ ಇದ್ದುದರಿಂದ ರೈಲು ಸಂಚರಿಸಿದರೂ ದೇಹ ಛಿದ್ರವಾಗಿರಲಿಲ್ಲ. ಈ ಸುದ್ದಿ ಹರಡುತ್ತಿದ್ದಂತೆ ನೂರಾರು ಜನ ಬಂದು ಜಮಾಯಿಸಿದರು. ಮೃತ ವ್ಯಕ್ತಿ ಸಾಗರ್ ಎಂಬ ವಿಷಯ ತಿಳಿಯುತ್ತಿದ್ದಂತೆ ಪೋಷಕರು, ಸಂಬಂಧಿಕರು ಹಾಗೂ ಸ್ನೇಹಿತರು ತಂಡೋಪ ತಂಡವಾಗಿ ಬಂದರು. ಪೋಷಕರ ರೋದನ ಮುಗಿಲು ಮುಟ್ಟುತ್ತಿತ್ತು. ಕಣ್ಣೀರು ಹಾಕುತ್ತಿದ್ದ ಸ್ನೇಹಿತರನ್ನೂ ಸಮಾಧಾನಪಡಿಸುತ್ತಿದ್ದ ದೃಶ್ಯ ಕಂಡುಬಂತು.