ವೀರಗಾಸೆ ಕಲಾವಿದರಿಗೆ ಅವಮಾನಿಸಿದ ದೃಶ್ಯಗಳಿಗೆ ಕತ್ತರಿ ಹಾಕಲು ಆಗ್ರಹ

‘ಚಿತ್ರದಲ್ಲಿ ವೀರಭದ್ರ ಸ್ವಾಮಿ ದೇವರ ಅನುಯಾಯಿಗಳಿಗೆ ಅವಮಾನ ಮಾಡುವ ಮೂಲಕ ಅವರ ಭಾವನೆಗಳಿಗೆ ಧಕ್ಕೆ ಆಗಿದೆ. ದೃಶ್ಯ ತೆಗೆಯುವವರೆಗೂ ಚಲನಚಿತ್ರ ಪ್ರದರ್ಶನ ತಡೆ ಹಿಡಿಯಬೇಕು’ ಎಂದುರಾಜ್ಯ ವೀರಶೈವ- ಲಿಂಗಾಯತ ಸಮನ್ವಯ ಸಮಿತಿಯ ಅಧ್ಯಕ್ಷ ಎಸ್.ವಿ. ಪಾಟೀಲ್ ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಆಗ್ರಹಿಸಿದರು.

‘ಚಿತ್ರದಲ್ಲಿ ವೀರಗಾಸೆಯ ವೇಷ, ಭೂಷಣಗಳನ್ನು ಕಲಾವಿದರಿಗೆ ತೊಡಿಸಿ ವೀರಗಾಸೆಯವರ ಮೇಲೆ ಹಲ್ಲೆ ಮಾಡುವುದು, ಮೇಲಕ್ಕೆ ಎತ್ತಿ ಎಸೆಯುವುದು, ಹೊಡೆಯುವುದು ಮುಂತಾದ ರೀತಿಯಲ್ಲಿ ಚಿತ್ರೀಕರಣ ಮಾಡಿದ್ದು, ಆ ಮೂಲಕ ವೀರಗಾಸೆ, ಕಲೆ, ಪರಂಪರೆ ಹಾಗೂ ಸಂಸ್ಕೃತಿಗೆ ಅಪಚಾರ ಎಸಗಲಾಗಿದೆ. ಈ ರೀತಿ ಮಾಡಿರುವುದರಿಂದ ಸಮುದಾ
ಯವನ್ನು ಅವಮಾನಿಸಿದಂತೆ ಆಗಿದೆ. ಈ ರೀತಿ ಚಿತ್ರೀಕರಣ ಮಾಡಿರುವ ಚಿತ್ರದ ನಿರ್ಮಾಪಕರು, ನಿರ್ದೇಶಕರು ಹಾಗೂ ಕಥೆ-ಸಂಭಾಷಣೆ ಬರಹಗಾರರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು’ ಎಂದು ಆಗ್ರಹಿಸಿದರು.

‌ಅಖಿಲ ಭಾರತ ವಿಶ್ವಕರ್ಮ ಪರಿಷತ್ತಿನ ಅಧ್ಯಕ್ಷ ಎಚ್.ಪಿ. ಸತೀಶ್ ಕುಮಾರ್, ಕರವೇ ಪ್ರವೀಣ್ ಶೆಟ್ಟಿ ಬಣದ ನಾಗರಾಜ್ ಜಮ್ಮಳ್ಳಿ, ಕಾಳಾಚಾರಿ, ರಾಜು ವೀರಣ್ಣನವರ ಇದ್ದರು.