ಸರ್ಕಾರ ಉರುಳಿಸುವ ಯತ್ನಕ್ಕೆ ಟೀಕೆ

7
ಚನ್ನಪಟ್ಟಣದಲ್ಲಿ ಕಸ್ತೂರಿ ಕರ್ನಾಟಕ ಜನಪರ ವೇದಿಕೆ ಕಾರ್ಯಕರ್ತರ ಪ್ರತಿಭಟನೆ

ಸರ್ಕಾರ ಉರುಳಿಸುವ ಯತ್ನಕ್ಕೆ ಟೀಕೆ

Published:
Updated:
Deccan Herald

ಚನ್ನಪಟ್ಟಣ: ವಿರೋಧ ಪಕ್ಷವು ಭೂಗತ ಪಾತಕಿಗಳ ಜೊತೆ ಸೇರಿ ರಾಜ್ಯದ ಸಮ್ಮಿಶ್ರ ಸರ್ಕಾರವನ್ನು ಉರುಳಿಸಲು ತಂತ್ರಗಾರಿಕೆ ಮಾಡುತ್ತಿರುವುದು ನಾಚಿಕೆಗೇಡಿನ ಸಂಗತಿಯಾಗಿದೆ ಎಂದು ಕಸ್ತೂರಿ ಕರ್ನಾಟಕ ಜನಪರ ವೇದಿಕೆಯ ರಾಜ್ಯ ಘಟಕದ ಅಧ್ಯಕ್ಷ ರಮೇಶ್ ಗೌಡ ಆಕ್ರೋಶ ವ್ಯಕ್ತಪಡಿಸಿದರು.

ಪಟ್ಟಣದ ಅಂಚೆಕಚೇರಿ ರಸ್ತೆಯ ಕಾವೇರಿ ವೃತ್ತದ ಬಳಿ ವೇದಿಕೆ ವತಿಯಿಂದ ವಿರೋಧ ಪಕ್ಷದ ತಂತ್ರವನ್ನು ಖಂಡಿಸಿ ಭಾನುವಾರ ಪ್ರತಿಭಟನೆಯಲ್ಲಿ ಅವರು ಮಾತನಾಡಿದರು.

ರಾಜ್ಯದಲ್ಲಿ ಹಲವಾರು ಸಮಸ್ಯೆಗಳಿದ್ದು ಅವುಗಳ ಬಗ್ಗೆ ಗಮನ ಹರಿಸುವುದನ್ನು ಬಿಟ್ಟು ಸರ್ಕಾರ ಉರುಳಿಸಲು ಸಂಚು ರೂಪಿಸುವುದು ಖಂಡನೀಯ ಎಂದರು.

ರಾಜ್ಯದಲ್ಲಿ ಕೊಡಗು ಜಿಲ್ಲೆಯಲ್ಲಿ ಮಳೆಯ ಪ್ರವಾಹಕ್ಕೆ ಎಲ್ಲವೂ ಸರ್ವನಾಶವಾಗಿದ್ದು, ಲಕ್ಷಾಂತರ ಜನರು ನಿರಾಶ್ರಿತರಾಗಿದ್ದಾರೆ. ಅವರಿಗೆ ಜೀವಂತವಾಗಿ ಬದುಕಲಾದರೂ ಒಂದು ಪರ್ಯಾಯ ವ್ಯವಸ್ಥೆ ಮಾಡಿ ಕೊಡಗು ಜಿಲ್ಲೆಯನ್ನು ಅಭಿವೃದ್ಧಿ ಮಾಡಬೇಕು ಎಂದು ಒತ್ತಾಯಿಸಿದರು.

ರಾಜ್ಯ ಸರ್ಕಾರಕ್ಕೆ ಕೇಂದ್ರದಿಂದ ಹೆಚ್ಚಿನ ಅನುದಾನ ದೊರಕಿಸಿಕೊಡಲು ರಾಜ್ಯ ಬಿಜೆಪಿ ವರಿಷ್ಠರು ಹಾಗೂ ಶಾಸಕರು ಶ್ರಮಿಸಬೇಕಿತ್ತು. ಅವರು ರಾಜ್ಯದ ಸಮ್ಮಿಶ್ರ ಸರ್ಕಾರವನ್ನು ಉರುಳಿಸಲು ಇಸ್ಪೀಟ್ ದಂಧೆಕೋರರು, ಬಡ್ಡಿ ದಂಧೆಕೋರರು, ಭೂಗತ ಪಾತಕಿಗಳ ಜೊತೆ ಸೇರಿ ತಂತ್ರ ಮಾಡುತ್ತಿರುವುದು ಎಂತಹ ಕೆಟ್ಟ ರಾಜಕಾರಣ ಎಂಬುದನ್ನು ತಿಳಿಸುತ್ತದೆ ಎಂದು ಕಿಡಿಕಾರಿದರು.

ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರು ಈ ಯಾವುದೇ ತಂತ್ರಗಾರಿಕೆಗಳಿಗೆ ಹೆದರದೆ ರಾಜ್ಯದ ಅಭಿವೃದ್ಧಿಯತ್ತ ಗಮನ ನೀಡಬೇಕು. ಸರ್ಕಾರ ಉರುಳಿಸಲು ತಂತ್ರಗಾರಿಕೆ ನಡೆಸುತ್ತಿರುವ ಕಿಂಗ್ ಪಿನ್‌ಗಳನ್ನು ಕೂಡಲೇ ಬಂಧಿಸಿ ಸೆರೆಗೆ ಕಳಿಸಬೇಕು ಎಂದು ತಿಳಿಸಿದರು.

ಬಿಜೆಪಿಯವರು ಸರ್ಕಾರವನ್ನು ಉರುಳಿಸುವ ತಂತ್ರವನ್ನು ಮುಂದುವೆರೆಸಿದರೆ ವೇದಿಕೆಯು ಉಗ್ರ ಹೋರಾಟ ಮಾಡಿ, ಬಿಜೆಪಿ ಶಾಸಕರ ಮನೆಗೆ ಮುತ್ತಿಗೆ ಹಾಕಿ ಪ್ರತಿಭಟನೆ ಮಾಡಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.

ವೇದಿಕೆಯ ಜಿಲ್ಲಾ ಘಟಕದ ಅಧ್ಯಕ್ಷ ಬೇವೂರು ಯೋಗೀಶ್ ಗೌಡ, ರಾಜ್ಯ ಸಂಘಟಕ ಕೃಷ್ಣೇಗೌಡ, ತಾಲ್ಲೂಕು ಘಟಕದ ಗೌರವಾಧ್ಯಕ್ಷ ಮರಿಅಂಕೇಗೌಡ, ಸಾತನೂರು ಘಟಕದ ಅಧ್ಯಕ್ಷ ಪ್ರತಾಪ್, ಕನಕಪುರ ಘಟಕದ ಅಧ್ಯಕ್ಷ ಮಹೇಶ್ ಪಾಲ್ಗೊಂಡಿದ್ದರು.

ಮುಖಂಡರಾದ ನಾಗವಾರ ರಂಗಸ್ವಾಮಿ, ಚೇತನ್ ಕೀಕರ್, ರಾಂಪುರ ಸ್ವಾಮಿ, ರ‍್ಯಾಂಬೋ ಸುರೇಶ್, ಆಟೋ ಶ್ರೀನಿವಾಸ್, ಪೈಲ್ವಾನ್ ಅಕ್ರಂ ಪಾಷ, ಬಾಳೆಮಂಡಿ ಕುಮಾರ್, ಚನ್ನಂಕೇಗೌಡನದೊಡ್ಡಿ ಚಂದ್ರು, ತಗಚಗೆರೆ ಮಹಲಿಂಗು, ಮದ್ದೂರೇಗೌಡ, ಎಲ್.ಐ.ಸಿ. ಕಳಸೇಗೌಡ, ಶ್ರೀಕಾಂತ್, ಮಹದೇವಸ್ವಾಮಿ, ಶಿವಣ್ಣ ಭಾಗವಹಿಸಿದ್ದರು.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !