ಅಳ್ನಾವರ: ಸಮೀಪದ ಹೂಲಿಕೇರಿ ಗ್ರಾಮದ ಇಂದಿರಮ್ಮನ ಕೆರೆಗೆ ಶುಕ್ರವಾರ ಗ್ರಾಮಸ್ಥರು, ರೈತರು ಬಾಗಿನ ಅರ್ಪಿಸಿದರು.
ಗ್ರಾಮಸ್ಥರು ಬೆಳಿಗ್ಗೆ ಗ್ರಾಮದಿಂದ ಡೊಳ್ಳು ಸೇರಿದಂತೆ ವಿವಿಧ ಕಲಾತಂಡಗಳೊಂದಿಗೆ ಗಂಗಾ ಮಾತೆಯ ಮೂರ್ತಿ, ಕುಂಭದಾರತಿ ಜತೆಗೆ ಪೂಜಾ ಸಾಮಗ್ರಿಗಳನ್ನು ಹೊತ್ತು ಮೆರವಣಿಗೆ ಮೂಲಕ ಕೆರೆಗೆ ತೆರಳಿದರು.
ಅರ್ಚಕ ಚನ್ನಯ್ಯ ಆರಾಧ್ಯಮಠ ಅವರು ಪೂಜಾ ವಿಧಿವಿಧಾನಗಳನ್ನು ನೆರವೇರಿಸಿದರು.
ಮುಖಂಡ ಬಸವರಾಜ ಇನಾಮದಾರ, ಸರ್ವೋದಯ ನೀರು ಬಳಕೆದಾರರ ಸಂಘದ ಅಧ್ಯಕ್ಷ ಶಿವಾಜಿ ಡೊಳ್ಳಿನ ಮಾತನಾಡಿ, ‘ಕೆರೆಯನ್ನು ನಂಬಿಕೊಂಡ ಸಾಕಷ್ಟು ರೈತರು ಕೃಷಿ ಮಾಡುತ್ತಿದ್ದಾರೆ. ಗ್ರಾಮದ ಜೀವನಾಡಿಯಾಗಿರುವ ಕೆರೆ ತುಂಬಿರುವುದು ಸಮೃದ್ಧಿಯ ಸಂಕೇತ’ ಎಂದರು.
