ಹುಬ್ಬಳ್ಳಿ–ಹಾವೇರಿ ನಡುವೆ 63.4 ಕಿ.ಮೀ. ಷಟ್ಪಥ ರಸ್ತೆ (₹2,821.19 ಕೋಟಿ), ಹುಬ್ಬಳ್ಳಿ–ಹೊಸಪೇಟೆ ನಡುವಿನ 143 ಕಿ.ಮೀ.ಚತುಷ್ಪಥ ರಸ್ತೆ (₹2,722.26 ಕೋಟಿ), ರಾಷ್ಟ್ರೀಯ ಹೆದ್ದಾರಿ 218 ಮತ್ತು 63ರಿಂದ ಹುಬ್ಬಳ್ಳಿ ನಗರಕ್ಕೆ ಸಂಪರ್ಕ ಕಲ್ಪಿಸುವ 3.8 ಕಿ.ಮೀ. ಉದ್ದದ ರಸ್ತೆ (₹113.77 ಕೋಟಿ), ಬಂಕಾಪುರ ಚೌಕ್‌ದಿಂದ ರಾಣಿ ಚನ್ನಮ್ಮ ವೃತ್ತಕ್ಕೆ ಸಂಪರ್ಕ ಕಲ್ಪಿಸುವ 2.5 ಕಿ.ಮೀ. (₹39.09 ಕೋಟಿ) ರಸ್ತೆ, ವಿಜಯಪುರ–ಹುಬ್ಬಳ್ಳಿ ನಡುವೆ ಸಂಪರ್ಕ ಕಲ್ಪಿಸುವ 47 ಕಿ.ಮೀ. ಹೆದ್ದಾರಿ (₹165.67 ಕೋಟಿ), ಕಲಘಟಗಿ ಪಟ್ಟಣ ವ್ಯಾಪ್ತಿಯಲ್ಲಿ ದ್ವಿಪಥದಿಂದ ಚತುಷ್ಪಥವಾಗಿ ಅಭಿವೃದ್ಧಿ ಹೊಂದಿದ ಅಂಕೋಲಾ ಗೂಟಿ ವಿಭಾಗದ 4 ಕಿ.ಮೀ. ರಸ್ತೆ (₹50.23 ಕೋಟಿ) ಮತ್ತು ಧಾರವಾಡದ ಜುಬ್ಲಿ ವೃತ್ತದಿಂದ ನರೇಂದ್ರ ಬೈಪಾಸ್‌ಗೆ ಸಂಪರ್ಕಿಸುವ 5.62 ಕಿ.ಮೀ. (₹71.09) ರಸ್ತೆಗಳನ್ನು ಗಡ್ಕರಿ ಲೋಕಾರ್ಪಣೆ ಮಾಡಲಿದ್ದಾರೆ.
