ಕ್ರಿಕೆಟ್‌: ಎಸ್‌ಡಿಎಂ ತಂಡಕ್ಕೆ ಸುಲಭ ಗೆಲುವು

7

ಕ್ರಿಕೆಟ್‌: ಎಸ್‌ಡಿಎಂ ತಂಡಕ್ಕೆ ಸುಲಭ ಗೆಲುವು

Published:
Updated:

ಹುಬ್ಬಳ್ಳಿ: ಅಮೃತ ಬೊಮ್ಮನಗೌಡರ (26ಕ್ಕೆ4) ಮತ್ತು ಖಾಸೀಂ ಅಲಿ (22ಕ್ಕೆ3) ಅವರ ಚುರುಕಿನ ಬೌಲಿಂಗ್‌ ನೆರವಿನಿಂದ ಧಾರವಾಡದ ಎಸ್‌ಡಿಎಂ ಕ್ರಿಕೆಟ್‌ ಕ್ಲಬ್‌ ‘ಬಿ’ ತಂಡ ಕೆಎಸ್‌ಸಿಎ ಆಶ್ರಯದ ಮೊದಲ ಡಿವಿಷನ್‌ ಕ್ರಿಕೆಟ್‌ ಟೂರ್ನಿಯ ಶುಕ್ರವಾರದ ಪಂದ್ಯದಲ್ಲಿ ಬಿಡಿಕೆ ಸ್ಪೋರ್ಟ್ಸ್‌ ಫೌಂಡೇಷನ್‌ ‘ಸಿ’ ತಂಡದ ಎದುರು 215 ರನ್‌ಗಳ ಸುಲಭ ಗೆಲುವು ಪಡೆಯಿತು.

ಕರ್ನಾಟಕ ಜಿಮ್ಖಾನಾ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಎಸ್‌ಡಿಎಂ ‘ಬಿ’ ತಂಡ 50 ಓವರ್‌ಗಳಲ್ಲಿ 7 ವಿಕೆಟ್‌ ನಷ್ಟಕ್ಕೆ 319 ರನ್ ಗಳಿಸಿತು. ರೋಷನ ಜವಳಿ, ಸಚಿನ ಕೊಡ್ಲಿ, ನಿಹಾಲ ಶೆಟ್ಟಿ ಅರ್ಧಶತಕ ಬಾರಿಸಿ ಸವಾಲಿನ ಮೊತ್ತಕ್ಕೆ ಕಾರಣರಾದರು. ಬಿಡಿಕೆ ‘ಸಿ’ ತಂಡ 33.3 ಓವರ್‌ಗಳಲ್ಲಿ 104 ರನ್‌ಗೆ ಆಲೌಟ್‌ ಆಯಿತು.

ದಿನದ ಇನ್ನೊಂದು ಪಂದ್ಯದಲ್ಲಿ ಹುಬ್ಬಳ್ಳಿ ಕ್ರಿಕೆಟ್‌ ಅಕಾಡೆಮಿ, ಎಸ್‌ಡಿಎಂ ತಂಡದ ಎದುರು ಆರು ವಿಕೆಟ್‌ಗಳ ಜಯ ಸಾಧಿಸಿತು. ಮೊದಲು ಬ್ಯಾಟ್‌ ಮಾಡಿದ್ದ ಹುಬ್ಬಳ್ಳಿ ಅಕಾಡೆಮಿ 42 ಓವರ್‌ಗಳಲ್ಲಿ 159 ರನ್‌ ಗಳಿಸಿತ್ತು. ಸುಲಭ ಗುರಿಯನ್ನು ಎಸ್‌ಡಿಎಂ 33.5 ಓವರ್‌ಗಳಲ್ಲಿ ತಲುಪಿತು. ಮೊಹಮ್ಮದ್ ಅಜೀಮ್‌ (60) ಮತ್ತು ಪರೀಕ್ಷಿತ್‌ (ಅಜೇಯ 54) ತಂಡದ ಸುಲಭ ಗೆಲುವಿಗೆ ಕಾರಣರಾದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !