ಹುಬ್ಬಳ್ಳಿ: ನಗರದ ಸದ್ಗುರು ಸಿದ್ಧಾರೂಢ ಸ್ವಾಮಿ ಮಠದ ಕಾಣಿಕೆ ಪೆಟ್ಟಿಗೆಯನ್ನು ಇತ್ತೀಚೆಗೆ ಎಣಿಕೆ ಮಾಡಲಾಗಿದ್ದು, ಅದರಲ್ಲಿ ₹22.55 ಲಕ್ಷ ಸಂಗ್ರಹವಾಗಿದೆ. ಏಪ್ರಿಲ್ 19ರಿಂದ ಮೇ 17ರತನಕ 28 ದಿನಗಳಲ್ಲಿ ಸಂಗ್ರಹವಾದ ಮೊತ್ತ ಇದಾಗಿದೆ.
ಎಸ್ಬಿಐನ ಸಿದ್ಧಾರೂಢನಗರ ಶಾಖೆಯ ಮ್ಯಾನೇಜರ್, ಸಿಬ್ಬಂದಿ ಹಾಗೂ ಭಕ್ತರ ಸಮ್ಮುಖದಲ್ಲಿ ಕಾಣಿಕೆ ಹಣವನ್ನು ಯಂತ್ರದ ಮೂಲಕ ಎಣಿಕೆ ಮಾಡಲಾಯಿತು. ಕಾಣಿಕೆ ಪೆಟ್ಟಿಗೆಯಲ್ಲಿ ₹6.42 ಲಕ್ಷ ಮೌಲ್ಯದ ಬಂಗಾರ ಹಾಗೂ ಬೆಳ್ಳಿಯ ಸಾಮಗ್ರಿಗಳು ದೊರೆತಿವೆ ಎಂದು ಮಠದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.