ಪ್ರತಿ ಭಾರತೀಯರನ್ನು ಕಾಡುವ ಗಾಂಧಿ

7
ಬೋಳುವಾರು ಮಹಮ್ಮದ್ ಕುಂಞ ಅವರ ‘ಗಾಂಧಿ–150’ ರಾಜ್ಯದಾದ್ಯಂತ ಪ್ರದರ್ಶನಕ್ಕೆ ಚಾಲನೆ

ಪ್ರತಿ ಭಾರತೀಯರನ್ನು ಕಾಡುವ ಗಾಂಧಿ

Published:
Updated:
Deccan Herald

ಧಾರವಾಡ: ‘ಕೈಯೊಳಗೆ ಭಗವದ್ಗೀತೆ ಹಿಡಿದು, ಎಲ್ಲರನ್ನೂ ಪ್ರೀತಿಸುತ್ತ ಅಹಿಂಸೆಯ ಸಂದೇಶ ಸಾರಿದ ಮಹಾತ್ಮ ಗಾಂಧಿ ಇಂದಿಗೂ ಪ್ರತಿಯೊಬ್ಬ ಭಾರತೀಯನನ್ನು ಕಾಡುವ ಮಹಾನ್ ಚೇತನ’ ಎಂದು ಚಿಂತಕಿ ಕೆ.ನೀಲಾ ಅಭಿಪ್ರಾಯಪಟ್ಟರು. 

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಆಯೋಜಿಸಿದ್ದ ಬೋಳುವಾರು ಮಹಮ್ಮದ್ ಕುಂಞ ಅವರ ‘ಪಾಪು ಗಾಂಧಿ-ಗಾಂಧಿ ಬಾಪು ಆದ ಕಥೆ’ ಆಧರಿಸಿದ ರಂಗರೂಪ ‘ಗಾಂಧಿ–150’ ರಂಗ ಪಯಣಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

‘ಭಾರತ ಎಲ್ಲ ಧರ್ಮೀಯರ ನೆಲ, ಇಲ್ಲಿ ಶಾಂತಿ ಬೇಕು ಎನ್ನುವುದು ಪ್ರತಿಯೊಬ್ಬರ ಆಶಯ. ಪರಸ್ಪರ ಪ್ರೀತಿಸುವ, ಗೌರವಿಸುವ ಭಾವವನ್ನು ಯುವ ಜನಾಂಗ ಬೆಳೆಸಿಕೊಳ್ಳಬೇಕು. ಈ ನಾಟಕ ಗಾಂಧಿಯವರ ಸಂದೇಶವನ್ನು ಯುವಜನತೆಗೆ ಮುಟ್ಟಿಸುವಲ್ಲಿ ಸಫಲವಾಗಲಿ' ಎಂದರು.

ಹಿರಿಯ ರಂಗಕರ್ಮಿ ಪ್ರಸನ್ನ ಮಾತನಾಡಿ, ‘ಪಾತ್ರಗಳನ್ನು ನಾವೆಲ್ಲ ನಿಜಜೀವನದಲ್ಲಿ ನಿರ್ವಹಿಸುತ್ತಿರುತ್ತೇವೆ. ಗಾಂಧೀ ಅವರ ಅನುಕರಣೆಗಿಂತ ವಿಚಾರಗಳ ಅಳವಡಿಕೆ ಮುಖ್ಯ’ ಎಂದರು.

ಇಡೀ ಭಾರತವನ್ನು ಸೈಕಲ್ ಮೂಲಕ ಸುತ್ತಿ ಮಹಾತ್ಮ ಗಾಂಧೀಜಿಯವರ ಚಟುವಟಿಕೆಗಳನ್ನು ದಾಖಲಿಸುತ್ತಿರುವ ಎಂ.ಆರ್.ಪ್ರಭಾಕರ್,  ರಂಜಾನ್ ದರ್ಗಾ,  ರಂಗ ನಿರ್ದೇಶಕ ಡಾ.ಶ್ರೀಪಾದಭಟ್,  ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಂಟಿ ನಿರ್ದೇಶಕ ಬಲವಂತರಾವ್ ಪಾಟೀಲ,  ರಂಗಾಯಣ ನಿರ್ದೇಶಕ ಪ್ರಮೋದ ಶಿಗ್ಗಾಂವ್, ರಂಗಾಯಣ ಆಡಳಿತಾಧಿಕಾರಿ ಬಸವರಾಜ ಹೂಗಾರ, ಡಾ.ಶಿವಾನಂದ ಶೆಟ್ಟರ್ ಇದ್ದರು. 

ಡಾ.ಶ್ರೀಪಾದಭಟ್ ನಿರ್ದೇಶನದ ‘ಗಾಂಧಿ–150’ ನಾಟಕದ ಮೊದಲ ಪ್ರದರ್ಶನ ನಡೆಯಿತು. ನಾಡಿನಾದ್ಯಂತ ಸುಮಾರು 4 ತಿಂಗಳ ಕಾಲ ಪ್ರದರ್ಶನಗಳು ನಡೆಯಲಿವೆ. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !