ನೇಕಾರನಗರದ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ತೆರೆಯಲಾದ ವಾರ್ಡ್ ನಂ. 80ರ ಅತಿಸೂಕ್ಷ್ಮ ಮೂರನೇ ಮತಗಟ್ಟೆಯಲ್ಲಿ ಬಿಜೆಪಿ ಅಭ್ಯರ್ಥಿ ಶಾಂತಾ ಹಿರೇಮಠ ಪರ ಶಿವಯ್ಯ ಹಿರೇಮಠ ಏಜೆಂಟರಾಗಿ ನಿಯೋಜನೆಗೊಂಡಿದ್ದರು. ಅವರು ಹೊರಗಡೆ ಓಡಾಡುತ್ತಿರುವುದನ್ನು ಗಮನಿಸಿದ ಪೊಲೀಸ್ ಇನ್ಸ್ಪೆಕ್ಟರ್ ಎಂ. ರಾಜನ್, 'ಹೀಗೆಲ್ಲ ಯಾಕೆ ಮತಗಟ್ಟೆಯಿಂದ ಹೊರಗಡೆ ಓಡಾಡುತ್ತೀರಿ. ಅದಕ್ಕೆ ಅವಕಾಶವಿಲ್ಲ' ಎಂದು ತರಾಟೆಗೆ ತೆಗೆದುಕೊಂಡರು. ಇದರಿಂದ ಆಕ್ರೋಶಗೊಂಡ ಏಜೆಂಟ್ ಹಾಗೂ ಬಿಜೆಪಿ ಕಾರ್ಯಕರ್ತರ ನಡುವೆ ವಾಗ್ವಾದ ನಡೆಯಿತು.