ಮಹಿಳೆ ಕೊಲೆ ಮಾಡಿದ ಆರೋಪಿ ಶರಣು

ಹುಬ್ಬಳ್ಳಿ: ಇಲ್ಲಿನ ಆನಂದನಗರದ ಬ್ಯಾಹಟ್ಟಿ ಪ್ಲಾಟ್ ನಿವಾಸಿ ಮಂಜುಳಾ ಮುತ್ತಗಿ ಅವರನ್ನು ಸೋಮವಾರ ಕೊಡಲಿಯಿಂದ ಕೊಚ್ಚಿ ಕೊಲೆ‌ ಮಾಡಲಾಗಿದೆ.

ಪತಿ ಭೀಮಪ್ಪ ಮುತ್ತಗಿ ಕೊಲೆ‌ ಮಾಡಿರುವ ಆರೋಪಿಯಾಗಿದ್ದು, ಹಳೇಹುಬ್ಬಳ್ಳಿ ಠಾಣೆ ಪೊಲೀಸರಿಗೆ ಶರಣಾಗಿದ್ದಾನೆ.

ಕೌಟುಂಬಿಕ‌ ಕಲಹದ ಹಿನ್ನೆಲೆಯಲ್ಲಿ ಕೊಲೆ ಮಾಡಿದ್ದಾನೆ ಎನ್ನಲಾಗಿದೆ. ಎಸಿಪಿ‌ ಆರ್.ಕೆ.‌ ಪಾಟೀಲ, ಇನ್'ಸ್ಪೆಕ್ಟರ್ ಸುರೇಶ ಹಳ್ಳೂರು ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದ್ದಾರೆ.

ಕಸಬಾ ಠಾಣೆ ವ್ಯಾಪ್ತಿಯಲ್ಲಿ ವಾರದ ಹಿಂದಷ್ಟೇ ಪತಿ, ಪತ್ನಿಯ ಕತ್ತು ಹಿಸುಕಿ ಕೊಲೆ ಮಾಡಿರುವ ಪ್ರಕರಣ ಮಾಸುವ ಮುನ್ನವೇ, ಮತ್ತೊಂದು‌ ಪ್ರಕರಣ ನಡೆದಿದೆ.