ಇದಾದ ಬಳಿಕ, 2021ರ ಅಕ್ಟೋಬರ್ 8ರಂದು 15 ರಾಜ್ಯಗಳ ಮೂಲಕ ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೆ 6,275 ಕಿ.ಮೀವರೆಗೆ ಬೈಕ್ನಲ್ಲಿ ಸಾಗಿದ್ದರು. 13 ದಿನಗಳವರೆಗೆ ಇವರು ರೈಡ್ ಮಾಡಿದ್ದು, 97 ಸಿ.ಸಿ. ಸ್ಪ್ಲೆಂಡರ್ ಬೈಕಿನಲ್ಲಿ ಎಂಬುದೇ ವಿಶೇಷ. ಈ ಸವಾಲಿನ ಕಾರ್ಯದಲ್ಲಿ ಇವರಿಗೆ ಜೊತೆಯಾದವರು ಸ್ನೇಹಿತ ಮೊಹಮ್ಮದ್ ರಫೀಕ್. ಅಂದ ಹಾಗೆ, ವಿಜೇತ್ ಈ ಸಾಹಸ ಮಾಡಿದ್ದು, ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಸಂಚರಿಸುವ ಲಾರಿ ಚಾಲಕರಿಗೆ ಮಾಸ್ಕ್ ಹಾಗೂ ಸ್ಯಾನಿಟೈಸರ್ ವಿತರಿಸಲು. ಎರಡು ಸಾವಿರ ಮಾಸ್ಕ್, ಒಂದು ಸಾವಿರ ಸ್ಯಾನಿಟೈಸರ್ ವಿತರಿಸಿ ಮಾನವೀಯತೆ ಮೆರೆಯುವುದರೊಂದಿಗೆ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಗೆ ಸೇರ್ಪಡೆಯಾದರು. ಇದಕ್ಕಾಗಿ ಈಚೆಗೆ ತಮಿಳುನಾಡು ವಿ.ವಿಯಿಂದ ಗೌರವ ಡಾಕ್ಟರೇಟ್ಗೂ ಭಾಜನರಾಗಿದ್ದಾರೆ.