ನವಲಗುಂದ: ಮೊಹರಂ ಆಚರಣೆ, ಪಂಜಾಗಳ ಮೆರವಣಿಗೆ

ನಗರದ ಕಳ್ಳಿಮಠ ಓಣಿ, ಜಟಕಾ ಓಣಿ, ನಾಶಿಪುಡಿ ಓಣಿ, ಜಮಖಾನ ಓಣಿ, ಗುಡ್ಡದಕೇರಿ ಓಣಿ, ಹೊರಗಿನ ಟಕ್ಕೆ ಮುಂತಾದ ಕಡೆ ದರ್ಗಾಗಳಲ್ಲಿ ಒಂದು ವಾರದಿಂದ ಪ್ರತಿಷ್ಠಾಪಿಸಿದ ಪಂಜಾಗಳು ಮೆರವಣಿಗೆ ಮೂಲಕ ಪಟ್ಟಣದ ಚವಡಿ ಬಯಲಿನಲ್ಲಿ ಸೇರಿದವು. ನಗರದ ಹಿರಿಯರು, ಯುವಕರು, ಮಹಿಳೆಯರು, ಮಕ್ಕಳು ಅಪಾರ ಸಂಖ್ಯೆಯಲ್ಲಿ ಸೇರಿ ಮೊಹರಂ ಪಂಜಾಗಳ ಮೆರವಣಿಗೆ ಸವಾರಿಯನ್ನು ಕಣ್ತುಂಬಿಕೊಂಡರು.

ಮಂಗಳವಾರ ಬೆಳಿಗ್ಗೆಯಿಂದಲೇ ದರ್ಗಾಗಳಲ್ಲಿ ಅಲಾಯಿ, ಪಂಜಾ ಡೋಲಿಗಳನ್ನು ಎಬ್ಬಿಸುವ ಸಾಂಪ್ರದಾಯಿಕ ಆಚರಣೆ ನಡೆದವು. ಮುಸ್ಲಿಂ ಧರ್ಮಗುರುಗಳು ಹಾಗೂ ಮುಖಂಡರ ನೇತೃತ್ವದಲ್ಲಿ ಮೆರವಣಿಗೆಗೆ ಚಾಲನೆ ನೀಡಲಾಯಿತು.

ಹುಲಿ ವೇಷಧಾರಿಗಳು, ಕುದುರೆ ಕುಣಿತ ತಂಡ ಮೊಹರಂ ಪಂಜಾ ದೇವರುಗಳ ಮುಂದೆ ಕುಣಿದು ಹರಕೆ ತೀರಿಸಿದವು.