‘ಒಂದು ಟ್ರ್ಯಾಕ್ಟರ್, ಹಿಂಭಾಗದಲ್ಲಿ 500 ಲೀಟರ್ ಸಿಂಟ್ಯಾಕ್ಸ್, ಮುಂಭಾಗದಲ್ಲಿ ಬ್ರಶ್ ಒಳಗೊಂಡಿದ್ದು, ರಸ್ತೆಯನ್ನು ಸುಲಭವಾಗಿ ಶುಚಿಗೊಳಿಸಬಹುದು. ಪುಣೆ, ಚೆನ್ನೈ, ಮೈಸೂರು ಮಹಾನಗರ ಪಾಲಿಕೆಗಳಲ್ಲಿ ಈ ಯಂತ್ರ ಬಳಕೆ ಆಗುತ್ತಿದೆ. ರಸ್ತೆಯಲ್ಲಿರುವ ದೂಳನ್ನು ಸುಲಭವಾಗಿ ತೆಗೆಯಬಹುದಾಗಿದೆ. ವಿಶೇಷವೆಂದರೆ ಮಳೆಗಾಲದಲ್ಲಿಯೂ ಇದನ್ನು ಬಳಕೆ ಮಾಡಿ, ರಸ್ತೆ ಅಂಚಿನಲ್ಲಿರುವ ಕೆಸರು ಶುಚಿಗೊಳಿಸಲು ಸಾಧ್ಯ. ಯಂತ್ರದ ಕಾರ್ಯ ವೈಖರಿಯನ್ನು ಪ್ರಾತ್ಯಕ್ಷಿಕೆ ಮೂಲಕ ನೋಡಲಾಗಿದೆ. ಅದನ್ನು ಖರೀದಿಸುವ ಕುರಿತು ಇನ್ನೂ ಅಂತಿಮ ನಿರ್ಧಾರ ತೆಗೆದುಕೊಂಡಿಲ್ಲ’ ಎಂದು ಪಾಲಿಕೆ ಕಮಿಷನರ್ ಸುರೇಶ ಇಟ್ನಾಳ್ ‘ಪ್ರಜಾವಾಣಿ’ಗೆ ತಿಳಿಸಿದರು.