‘ನಸುಕಿನಲ್ಲಿ ಸ್ನಾನ ಮಾಡಿ, ದೇವರ ಪೂಜೆ ಮುಗಿಸಿ ನಿಗದಿತ ಸಮಯಕ್ಕೆ ಉಪವಾಸ ಆರಂಭಿಸುತ್ತೇನೆ. ಅಲ್ಲಾ, ಅಮೃತೇಶ್ವರ ಎಲ್ಲಾ ನೀನೆ ಎಂದು ದೇವರಿಗೆ ನಮಸ್ಕರಿಸುತ್ತೇನೆ. ಅಲ್ಲಿಂದ ನನ್ನ ಉಪವಾಸ ಆರಂಭವಾಗುತ್ತದೆ. ಮುಸ್ಲಿಮರಂತೆ ನಾನೂ ಕಟ್ಟುನಿಟ್ಟಾಗಿ ಉಪವಾಸ ಆಚರಿಸುತ್ತೇನೆ. ಸೂರ್ಯಾಸ್ತದ ಬೆನ್ನಲ್ಲೆ ಉಪವಾಸ ಕೊನೆಗೊಳಿಸಲ್ಲ. ಕೆಲಸದಿಂದ ಮನೆಗೆ ತೆರಳಿ, ಸ್ನಾನ ಮಾಡಿ ಮತ್ತೆ ದೇವರಿಗೆ ಕೈಮುಗಿದ ಬಳಿಕವೇ ಅನ್ನ–ನೀರು ಮುಟ್ಟುವುದು. ಅಷ್ಟೊತ್ತಿಗೆ ರಾತ್ರಿ 8 ಗಂಟೆ ದಾಟಿರುತ್ತದೆ’ ತಮ್ಮ ಆಚರಣೆಯ ರೀತಿಯನ್ನು ವಿವರಿಸಿದರು.