ಹಿರಿಯ ನಾಗರಿಕರ ಕ್ರೀಡಾಕೂಟ: ಛಲದಿಂದ ಓಡಿ ಪ‍ದಕ ಗೆದ್ದ ಸಾಧಕರು

7
ಮಳೆಯ ನಡುವೆಯೇ ಓಡಿದ ಸ್ಪರ್ಧಿಗಳು

ಹಿರಿಯ ನಾಗರಿಕರ ಕ್ರೀಡಾಕೂಟ: ಛಲದಿಂದ ಓಡಿ ಪ‍ದಕ ಗೆದ್ದ ಸಾಧಕರು

Published:
Updated:
Deccan Herald

ಹುಬ್ಬಳ್ಳಿ: ಆಗಾಗ್ಗೆ ಬೀಳುತ್ತಿದ್ದ ತುಂತುರು ಮಳೆಯಿಂದಾಗಿ ಬಿವಿಬಿ ಕಾಲೇಜಿನ ಮೈದಾನ ಹಸಿಯಾಗಿತ್ತು. ಇದರ ನಡುವೆಯೇ ಛಲದಿಂದ ಓಡಿದ ಸ್ಪರ್ಧಿಗಳು ಮೊದಲ ಸ್ಥಾನಕ್ಕಾಗಿ ಭಾರಿ ಪೈಪೋಟಿ ನಡೆಸಿದರು.

ಇದು ಶುಕ್ರವಾರ ನಡೆದ ಹಿರಿಯ ನಾಗರಿಕರ ಕ್ರೀಡಾಕೂಟದಲ್ಲಿ ಕಂಡು ಬಂದ ಚಿತ್ರಣ. ಧಾರವಾಡ ಜಿಲ್ಲಾ ಪಂಚಾಯ್ತಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ, ಅಂಗವಿಕಲರ ಮತ್ತು ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆ, ರಾಜ್ಯ ನಿವೃತ್ತ ಸರ್ಕಾರಿ ನೌಕರರ ಹಾಗೂ ಹಿರಿಯ ನಾಗರಿಕರ ಕ್ಷೇಮಾಭಿವೃದ್ಧಿ ಸಂಘದ ಸಂಯುಕ್ತ ಆಶ್ರಯದಲ್ಲಿ ಕ್ರೀಡಾಕೂಟ ಆಯೋಜಿಸಲಾಗಿತ್ತು. ಸಾಂಸ್ಕೃತಿಕ ಸ್ಪರ್ಧೆಗಳು ಕೂಡ ನಡೆದವು.

ಇಲ್ಲಿ ಮೊದಲ ಸ್ಥಾನ ಪಡೆದ ಕ್ರೀಡಾಪಟುಗಳು ಸೆ. 18 ಮತ್ತು 19ರಂದು ಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ನಡೆಯಲಿರುವ ಹಿರಿಯ ನಾಗರಿಕರ ಕ್ರೀಡಾಕೂಟದಲ್ಲಿ ಧಾರವಾಡ ಜಿಲ್ಲಾ ತಂಡವನ್ನು ಪ್ರತಿನಿಧಿಸಲಿದ್ದಾರೆ.

ದೈಹಿಕ ಚಟುವಟಿಕೆ ಅಗತ್ಯ

ನಿವೃತ್ತ ನೌಕರರ ಸಂಘದ ಅಧ್ಯಕ್ಷ ಬಿ.ಎ. ಪಾಟೀಲ ಕ್ರೀಡಾಕೂಟಕ್ಕೆ ಚಾಲನೆ ನೀಡಿ ‘ನಿವೃತ್ತಿ ಕೆಲಸಕ್ಕೆ ಸಂಬಂಧಪಟ್ಟಿದ್ದೇ ಹೊರತು, ಜೀವನಕ್ಕಲ್ಲ. ನಿವೃತ್ತಿ ನಂತರ ಜೀವನವನ್ನು ಸುಂದರವಾಗಿಟ್ಟುಕೊಳ್ಳುವುದು ನಮ್ಮ ಕೈಯಲ್ಲಿದೆ’ ಎಂದರು.

ವಿಶ್ವಕರ್ಮ ಮಹಿಳಾ ಮತ್ತು ಮಕ್ಕಳ ಶಿಕ್ಷಣ ಸೇವಾಶ್ರಮ ಸಮಿತಿಯ ಮುಖ್ಯಸ್ಥ ಐ.ಕೆ. ಲಕ್ಕುಂಡಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪನಿರ್ದೇಶಕಿ ಡಾ. ಎಚ್‌.ಎಚ್‌. ಕುಕನೂರ, ಜಿಲ್ಲಾ ವಿಕಲಚೇತನರ ಕಲ್ಯಾಣಧಿಕಾರಿ ಕೆ.ಎಂ. ಅಮರನಾಥ, ಕ್ರೀಡಾಪಟುಗಳಾದ ಪಿ.ಬಿ. ಹಿರೇಮಠ, ಎಂ.ಬಿ. ಗಂಗಣ್ಣನವರ, ಬಿವಿಬಿ ಎಂಜಿನಿಯರಿಂಗ್‌ ಕಾಲೇಜಿನ ಕ್ರೀಡಾವಿಭಾಗದ ಮುಖ್ಯಸ್ಥ ಎಂ.ಎಂ. ಕುರಗೋಡಿ, ಪ್ರೊ. ರಮಾ ನೀಲಪ್ಪಗೌಡರ, ಹಿರಿಯ ನಾಗರಿಕ ಸಮಿತಿಯ ಸದಸ್ಯ ಎಸ್‌.ಬಿ. ಗಾಮನಗಟಗಟ್ಟಿ ಇದ್ದರು.

ಫಲಿತಾಂಶಗಳು: ಪುರುಷರ ವಿಭಾಗ:

(ಕ್ರಮವಾಗಿ ಮೊದಲ ಮೂರು ಸ್ಥಾನ ಪಡೆದವರು): 60–70 ವರ್ಷದ ಒಳಗಿನವರು: 100 ಮೀ. ಓಟ: ಈರಪ್ಪ ಕಾಡಪ್ಪನವರ, ನಿಂಗಪ್ಪ ಬಂಡಿವಾಡ, ದೊಡ್ಡಬಸಯ್ಯಾ ನೂಲ್ವಿ. ಶಾಟ್‌ಪಟ್‌: ಎಂ.ಎಂ. ಕುರಗೋಡಿ, ಐ.ಎಸ್‌. ಕಾಡಪ್ಪನವರ, ಎ.ಎಫ್‌. ರೇಶ್ಮಿ.

71–80 ವರ್ಷದ ಒಳಗಿವನರು: 75 ಮೀ. ಓಟ: ಶಿವಪ್ಪ ಸಲಕಿ, ಜೆ.ಎಫ್‌. ಮೋರೆ, ಚನ್ನಬಸಯ್ಯ ಹಿರೇಮಠ. ಶಾಟ್‌ಪಟ್‌: ಎಂ.ಸಿ. ರವದಿ, ಎಸ್‌.ಎಸ್‌. ಗುಡ್ಡದಮಠ, ಸುಭಾಶ ಚಂದರಗಿ.

80 ವರ್ಷ ಮೇಲ್ಪಟ್ಟವರು: 200ಮೀ. ನಡಿಗೆ: ಮಲ್ಲಪ್ಪ ಗಂಗಣ್ಣವರ, ಹುಚ್ಚಪ್ಪ ತಳವಾರ, ಆರ್‌.ಟಿ. ದೊಡ್ಡಮನಿ. ಕ್ರಿಕೆಟ್‌ ಚೆಂಡು ಎಸೆತ: ಪಿ.ಬಿ. ಹಿರೇಮಠ, ರಾಮಣ್ಣ ಬಿ., ಮಲ್ಲಪ್ಪ ಬ. ಗಂಗಣ್ಣವರ.

ಮಹಿಳೆಯರ ವಿಭಾಗ: 60–70 ವರ್ಷದ ಒಳಗಿನವರು: 400 ಮೀ. ನಡಿಗೆ: ಸರೋಜಾ ಮೋಹಿತೆ–2, ಸೌಶಾದಬಿ ಕುಸುಗಲ್‌–3. ಕ್ರಿಕೆಟ್‌ ಚೆಂಡು ಎಸೆತ: ಭವಾನಿ ಬಿ. ಭಂಡಾರಿ, ಸೌಶಾದಬಿ ಕುಸುಗಲ್‌,, ಸುಧಾ ವಿ. ಟಿಕಾರ.

71–80 ವರ್ಷದ ಒಳಗಿವನರು: 200ಮೀ. ನಡಿಗೆ: ಅನಸೂಯಾ ಕನವಳ್ಳಿ, ಎಸ್‌.ಎಂ. ಗೀತಾ, ಹಮಲಾಕ್ಷಿ ಹಿರೇಗೌಡರ. ಕ್ರಿಕೆಟ್‌ ಚೆಂಡು ಎಸೆತ: ಕಮಲಾಕ್ಷಿ ಹಿರೇಗೌಡರ, ಎಸ್ತಾರ ಹೇಮು, ಕೃಷ್ಣಾಬಾಯಿ ಎಚ್‌. ಕುಲಕರ್ಣಿ.

 

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !