64 ಸಾರಿಗೆ ಸಿಬ್ಬಂದಿಗೆ ‘ಶ್ಲಾಘನೀಯ’, ‘ವಿಶೇಷ ಸೇವಾ’ ಪ್ರಶಸ್ತಿ

ಹುಬ್ಬಳ್ಳಿ ವಿಭಾಗದಲ್ಲಿ ಐದು ಡಿಪೊಗಳು, ವಿಭಾಗೀಯ ಕಾರ್ಯಾಗಾರ ಹಾಗೂ ವಿಭಾಗೀಯ ಕಚೇರಿಯಲ್ಲಿ ಒಟ್ಟು 2,004 ಸಿಬ್ಬಂದಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. 2023-24ನೇ ಸಾಲಿನಲ್ಲಿ ಪ್ರಯಾಣಿಕರು ಬಸ್ಸಿನಲ್ಲಿ ಬಿಟ್ಟುಹೋಗಿದ್ದ ಚಿನ್ನ-ಬೆಳ್ಳಿ ಆಭರಣ, ನಗದು  ಹಿಂದಿರುಗಿಸಿದ್ದು, ಜಾತ್ರೆ ಸಮಯದಲ್ಲಿ ಹೆಚ್ಚು ಆದಾಯ ಸಂಗ್ರಹ, ಉತ್ತಮ ಹಾಜರಾತಿ, ಅಪರಾಧ–ಅಪಘಾತ ರಹಿತ ಹಾಗೂ ದೂರುಗಳಿಲ್ಲದ ಸೇವೆ ಮೊದಲಾದ ಮಾನದಂಡಗಳ ಆಧಾರದಲ್ಲಿ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.

ಶ್ಲಾಘನೀಯ ಸೇವಾ ಪ್ರಶಸ್ತಿ: ಚಾಲಕರು 11, ಕಂಡಕ್ಟರ್‌ಗಳು 9, ತಾಂತ್ರಿಕ ಸಿಬ್ಬಂದಿ 7, ಆಡಳಿತ ಸಿಬ್ಬಂದಿ 16, ವಿಶೇಷ ಸೇವಾ ಪ್ರಶಸ್ತಿ: ಚಾಲಕರು 3, ಕಂಡಕ್ಟರ್‌ಗಳು 3, ತಾಂತ್ರಿಕ ಸಿಬ್ಬಂದಿ 1, ಆಡಳಿತ ಸಿಬ್ಬಂದಿ 14.

ಪ್ರಶಸ್ತಿಯು ಪ್ರಶಂಸನಾ ಪತ್ರ ಹಾಗೂ ಶ್ಲಾಘನೀಯ ಸೇವೆಗೆ ₹2,000 ಮತ್ತು ವಿಶೇಷ ಸೇವೆಗೆ ₹500 ನಗದು ಬಹುಮಾನ ಒಳಗೊಂಡಿದೆ. ಆಗಸ್ಟ್‌ 15ರಂದು ಬೆಳಿಗ್ಗೆ 7.30ಕ್ಕೆ ವಿಭಾಗೀಯ ಕಚೇರಿ ಹಾಗೂ ಡಿಪೊಗಳಲ್ಲಿ ನಡೆಯುವ ಸ್ವಾತಂತ್ರ್ಯೋತ್ಸವದ ಧ್ವಜಾರೋಹಣದ ನಂತರ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.