‘ಎಡ್ಯುವರ್ಸ್: ಭರಪೂರ ಮಾಹಿತಿ; ಗೊಂದಲಗಳಿಗೆ ಮುಕ್ತಿ

ಗುರುವಾರ , ಜೂನ್ 20, 2019
26 °C
ಜ್ಞಾನದೇಗುಲ’ದ 11ನೇ ಶೈಕ್ಷಣಿಕ ಮಾರ್ಗದರ್ಶನ ಮೇಳ

‘ಎಡ್ಯುವರ್ಸ್: ಭರಪೂರ ಮಾಹಿತಿ; ಗೊಂದಲಗಳಿಗೆ ಮುಕ್ತಿ

Published:
Updated:

ಹುಬ್ಬಳ್ಳಿ: ಪಿಯುಸಿ ಬಳಿಕ ಯಾವ ಕೋರ್ಸ್‌ ಆಯ್ಕೆ ಮಾಡಿಕೊಂಡರೆ ಸೂಕ್ತ? ಎಂಜಿನಿಯರಿಂಗ್, ವೈದ್ಯಕೀಯ, ವೃತ್ತಿಪರ ಕೋರ್ಸ್‌ಗಳ ಪ್ರವೇಶ ಪ್ರಕ್ರಿಯೆ ಹೇಗೆ? ಕೌನ್ಸೆಲಿಂಗ್ ಹೇಗೆ ನಡೆಯುತ್ತದೆ? ಅಗತ್ಯ ದಾಖಲೆಗಳು ಏನಿರಬೇಕು? ಪ್ರವೇಶ ಶುಲ್ಕ, ಶೈಕ್ಷಣಿಕ ಸಾಲ, ಅತ್ಯುತ್ತಮ ಕಾಲೇಜುಗಳ ಯಾವುವು...?

ಹೀಗೆ... ಪಿಯುಸಿ ನಂತರ ಮುಂದೇನು? ಎಂಬ ವಿದ್ಯಾರ್ಥಿಗಳ ಮತ್ತು ಪಾಲಕರ ಮನಸ್ಸಿನ ಹಲವು ಪ್ರಶ್ನೆಗಳು ಹಾಗೂ ಗೊಂದಲಗಳಿಗೆ ಇಲ್ಲಿಯ ಗೋಕುಲ ಗಾರ್ಡನ್‌ನಲ್ಲಿ ಶನಿವಾರ ನಡೆದ ‘ಎಡ್ಯುವರ್ಸ್: ಜ್ಞಾನದೇಗುಲ’ದ 11ನೇ ಶೈಕ್ಷಣಿಕ ಮಾರ್ಗದರ್ಶನ ಮೇಳ ಉತ್ತರ ಒದಗಿಸಿತು.

ಮಕ್ಕಳ ಭವಿಷ್ಯಕ್ಕೆ ಮಾರ್ಗದರ್ಶಿಯಾಗುವ ಕೋರ್ಸ್‌ಗಳ ಮಾಹಿತಿಯನ್ನು ವಿದ್ಯಾರ್ಥಿಗಳಷ್ಟೇ ಉತ್ಸಾಹದಲ್ಲಿ, ಪೋಷಕರೂ ಪಡೆದು ತಮ್ಮಲ್ಲಿದ್ದ ಗೊಂದಲಗಳಿಗೆ ತಜ್ಞರಿಂದ ಪರಿಹಾರ ಕಂಡುಕೊಂಡರು.

ಮೇಳ ಉದ್ಘಾಟಿಸಿ ಮಾತನಾಡಿದ ಶಿಕ್ಷಣ ತಜ್ಞ ಡಾ. ಗುರುರಾಜ ಕರಜಗಿ, ‘ತಮ್ಮ ಈಡೇರದ ಬಯಕೆಗಳನ್ನು ಮಕ್ಕಳ ಮೇಲೆ ಹೇರದೆ, ಅವರ ಮನಸ್ಸಿನ ಮಾತು ಆಲಿಸಿ. ಅವರಿಗಿಷ್ಟವಾಗುವ ವಿಷಯ ಯಾವುದೆಂದು ತಿಳಿದುಕೊಳ್ಳಿ. ಅವರಿಚ್ಛಿಸುವ ಕೋರ್ಸ್ ಕೊಡಿಸಿದರೆ, ಮುಂದೆ ಚನ್ನಾಗಿ ಓದಿ ನಿಮಗೆ ಕೀರ್ತಿ ತರುತ್ತಾರೆ’ ಎಂದು ತಂದೆ–ತಾಯಿಗಳಿಗೆ ಕಿವಿಮಾತು ಹೇಳಿದರು.

ಇನ್ನು ವಿಷಯ ತಜ್ಞರಾದ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಸಾರ್ವಜನಿಕ ಸಂಪರ್ಕಾಧಿಕಾರಿ ಎ.ಎಸ್. ರವಿ, ‘ಸಿಇಟಿ ಮತ್ತು ನೀಟ್ ಪ್ರವೇಶ ಪ್ರಕ್ರಿಯೆ’ ಕುರಿತು ಮಾಹಿತಿ ನೀಡಿ, ವಿದ್ಯಾರ್ಥಿಗಳು ಮತ್ತು ಪೋಷಕರ ಗೊಂದಲಗಳಿಗೆ ತೆರೆ ಎಳೆದರು. ಅದರಂತೆ, ಡಾ. ಶಾಂತರಾಮ್ ನಾಯಕ್ ಕಾಮೆಡ್‌–ಕೆ ಬಗ್ಗೆ ವಿಸ್ತೃತವಾಗಿ ವಿವರಿಸಿದರು. ಇದರ ಜತೆಗೆ, ಶುಲ್ಕ ಪಾವತಿ, ರೀಫಂಡ್ ಹಾಗೂ ಶೈಕ್ಷಣಿಕ ಸಾಲ ಲಭ್ಯತೆ ಬಗ್ಗೆಯೂ ಮಾಹಿತಿ ನೀಡಿದರು.

ವಿಷಯ ತಜ್ಞರ ಉಪನ್ಯಾಸದ ನಂತರ, ವಿದ್ಯಾರ್ಥಿಗಳು ಮತ್ತು ಪೋಷಕರು ಪ್ರಶ್ನೆ ಕೇಳಿ ತಮ್ಮ ಅನುಮಾನಗಳನ್ನು ಬಗೆಹರಿಸಿಕೊಳ್ಳಲು ಎಡ್ಯುವರ್ಸ್ ವೇದಿಕೆಯಾಯಿತು. ಮೊದಲ ದಿನದ ಮೇಳದಲ್ಲಿ ಭಾಗವಹಿಸಿದ್ದವರು ತಮ್ಮ ಗೊಂದಲಗಳನ್ನು ಜ್ಞಾನದೇಗುಲದಲ್ಲಿ ಪರಿಹಾರ ಪಡೆದು, ರಿಲ್ಯಾಕ್ಸ್ ಆಗಿ ಮನೆಯತ್ತ ಹೆಜ್ಜೆ ಹಾಕಿದರು.

ಕರಜಗಿ ಅವರ ಒಂದು ತಾಸಿನ ಸ್ಫೂರ್ತಿಯ ಮಾತುಗಳಿಗೆ ಮಾರುಹೋದ ಮಂದಿ, ಮೇಳದ ಕಡೆಯಲ್ಲಿ ಅವರನ್ನು ಮುತ್ತಿಕೊಂಡು ಮಾತನಾಡಿಸಿದ ದೃಶ್ಯ ಕಂಡುಬಂತು. ಮೇಳದಲ್ಲಿ ವಿದ್ಯಾರ್ಥಿಗಳಷ್ಟೇ ಸಂಖ್ಯೆಯಲ್ಲಿ ಪಾಲಕರೂ ಪಾಲ್ಗೊಂಡಿದ್ದು ಗಮನ ಸೆಳೆಯಿತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !