ಧಾರವಾಡದ ರಂಗ ಆಯೋಜಕ ಹಾಗೂ ಕಲಾವಿದ ರವಿ ಕುಲಕರ್ಣಿ ಪ್ರಮುಖ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರೆ, ಅವರ ಸಂಗಾತಿಯಾಗಿ ನೀನಾಸಂ ಪ್ರತಿಭೆ ಶೋಭಾ ಜೋಶಿ ಮತ್ತು ಮಗಳಾಗಿ ವಿಜಯಪುರದ ಪೂಜಾಮಣಿ ಜಹಗೀರದಾರ ನಟಿಸಿದ್ದಾರೆ. ನಾಟಕದಲ್ಲಿ ಎದುರು ಮನೆಯ ಕುಟುಂಬದವರಾಗಿ ಧಾರವಾಡದ ಶಿಲ್ಪಾ ಪಾಂಡೆ, ಶಿರಸಿಯ ಕಿಟ್ಟಿ ಗಾಂವ್ಕರ್, ಹುಬ್ಬಳ್ಳಿಯ ಪ್ರದೀಪ ಮುಧೋಳ ಜೊತೆಗೆ, ಯಶವಂತ ಸರದೇಶಪಾಂಡೆ ಕೂಡ ಕಾಣಿಸಿಕೊಂಡಿದ್ದಾರೆ. ನಾಟಕದ ಮೇಲ್ವಿಚಾರಣೆಯನ್ನು ಜೀವನ ಫರ್ನಾಂಡಿಸ್ ಮತ್ತು ಧ್ವನಿ– ಬೆಳಕಿನ ಹೊಣೆಯನ್ನು ನಾಗರಾಜ ಪಾಟೀಲ ನಿರ್ವಹಿಸಿದ್ದಾರೆ.