ವಿಸ್ತರಣೆಗೊಂಡ ರೈಲು ಮಾರ್ಗ ಉದ್ಘಾಟನೆ

ನ. 1ರಂದು ಅಶೋಕಪುರಂನಿಂದ ಬೆಳಿಗ್ಗೆ 5.15ಕ್ಕೆ ಹೊರಡುವ ರೈಲು ಸಂಜೆ 6.53ಕ್ಕೆ ಹುಬ್ಬಳ್ಳಿಗೆ ಬರಲಿದೆ. ಇಲ್ಲಿಂದ ರಾತ್ರಿ 7.05ಕ್ಕೆ ಹೊರಟು ರಾ. 10.30ಕ್ಕೆ ಬೆಳಗಾವಿ ಮುಟ್ಟಲಿದೆ. ಮರುದಿನ ಬೆಳಿಗ್ಗೆ 5 ಗಂಟೆಗೆ ಬೆಳಗಾವಿಯಿಂದ ಹೊರಟು 8.30ಕ್ಕೆ ಹುಬ್ಬಳ್ಳಿಗೆ ಬರಲಿದೆ. 8.45ಕ್ಕೆ ಇಲ್ಲಿಂದ ಹೊರಡುವ ರೈಲು ರಾತ್ರಿ 9.15ಕ್ಕೆ ಅಶೋಕಪುರಂಗೆ ತಲುಪಲಿದೆ ಎಂದು ನೈರುತ್ಯ ರೈಲ್ವೆಯ ಪ್ರಕಟಣೆ ತಿಳಿಸಿದೆ. ಈ ರೈಲು ಕರ್ನಾಟಕದ 15 ಜಿಲ್ಲೆಗಳಿಗೆ ಸಂಪರ್ಕ ಕೊಂಡಿಯಾಗಿದೆ.

ತಾತ್ಕಾಲಿಕ ನಿಲುಗಡೆ: ಪಂಢರಾಪುರದಲ್ಲಿ ಜಾತ್ರೆ ಇರುವ ಕಾರಣ ಅ. 31, ನ.7 ಮತ್ತು ನ. 14ರಂದು ಯಶವಂತಪುರ–ಪಂಢರಾಪುರ ವಾರದ ರೈಲು ಘಟಪ್ರಭಾದಲ್ಲಿ ಒಂದು ನಿಮಿಷ ನಿಲುಗಡೆಯಾಗಲಿದೆ. ಈ ನಿಲ್ದಾಣಕ್ಕೆ ಬೆಳಿಗ್ಗೆ 6.29ಕ್ಕೆ ರೈಲು ಬರಲಿದೆ.

ನ. 1, 8 ಮತ್ತು 15ರಂದು ಇದೇ ರೈಲು ಪಂಢರಾಪುರದಿಂದ ಹೊರಡುವಾಗ ಘಟಪ್ರಭಾದಲ್ಲಿ (ಸಂಜೆ 5.44) ಒಂದು ನಿಮಿಷ ನಿಲ್ಲಲಿದೆ.