ನೇಕಾರರು ಕಣ್ಣಿನ ಆರೋಗ್ಯ ಕಾಪಾಡಿಕೊಳ್ಳಿ: ಹನಮಂತ ಮಾವಿನಮರದ

ಅವರು ಮಂಗಳವಾರ ಕೋಟೆಕಲ್ ಪಿಕೆಪಿಎಸ್, ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರ ಸಹಯೋಗದಲ್ಲಿ ಪಟ್ಟಣದ ಕೈಮಗ್ಗ ನೇಕಾರರ ಉತ್ಪನ್ನಗಳ ಉತ್ಪಾದನಾ ಕೇಂದ್ರದ ನೇಕಾರ ಕಾರ್ಮಿಕರಿಗೆ ಹಮ್ಮಿಕೊಂಡಿದ್ದ ಉಚಿತ ನೇತ್ರ ತಪಾಸಣೆ ಮತ್ತು ಕನ್ನಡಕ ವಿತರಣಾ ಶಿಬಿರದ ಅಧ್ಯಕ್ಷತೆ ವಹಿಸಿ ಮಾತನಾಡಿ, ನಮ್ಮ ನೇಕಾರ ಕೇಂದ್ರದ ಕಾರ್ಮಿಕರು ಆರೋಗ್ಯದ ಕಡೆ ವಿಶೇಷ ಗಮನ ಹರಿಸಬೇಕು. ಅದರಲ್ಲಿಯೂ ಕಣ್ಣಿನ ದೃಷ್ಠಿ ಹೀನತೆಯನ್ನು ಬೇಗನೇ ಅರಿತು ಅದಕ್ಕೆ ಚಿಕಿತ್ಸೆ ಪಡೆಯಬೇಕು. ನಿರ್ಲಕ್ಷದಿಂದ ಅದೆಷ್ಟೋ ನೇಕಾರರು ತಮ್ಮ ಕಣ್ಣುಗಳ ದೃಷ್ಠಿಯನ್ನೇ ಕಳೆದುಕೊಂಡ ಉದಾಹರಣೆಗಳಿವೆ. ಅದಕ್ಕಾಗಿ ಆರೋಗ್ಯದ ಕಡೆಗೆ ಗಮನ ಹರಿಸಬೇಕು ಎಂದು ಹೇಳಿದರು.

ನೇತ್ರ ತಜ್ಞ ವೈದ್ಯ ಡಾ.ಎನ್.ಎಚ್.ಕಿತ್ತಲಿ, ಎಂ.ಪಿ.ಪಾಗದ, ಪ್ರೊ.ಸಿ.ಎಂ.ಜೋಶಿ ಮಾತನಾಡಿದರು. ಸುಮಾರು 55 ಜನರಿಗೆ ನೇತ್ರ ತಪಾಸಣೆ ಮತ್ತು ಬಿ.ಪಿ., ಶುಗರ್ ತಪಾಸಣೆ ಮಾಡಲಾಯಿತು. ಸುಮಾರು 25 ಜನ ಫಲಾನುಭವಿಗಳಿಗೆ ಉಚಿತ ಕನ್ನಡಕ ವಿತರಿಸಲಾಯಿತು. ಪುರಸಭೆ ಸದಸ್ಯ ಸಂತೋಷ ನಾಯನೇಗಲಿ, ಪಿಕೆಪಿಎಸ್ ವ್ಯವಸ್ಥಾಪಕ ಚಂದ್ರಮೋಹನ ಕಲ್ಯಾಣಿ, ಆರೋಗ್ಯ ಇಲಾಖೆಯ ಮಂಜು ಪದರಾ, ಪರಶು ಮಾದರ, ಶಕುಂತಲಾ ಹೊಸಮನಿ, ಬಾದಾಮಿ ಆರೋಗ್ಯ ಇಲಾಖೆಯ ಆರ್.ಬಿ.ಎಸ್.ಕೆ. ಯೋಜನೆಯ ನೇತ್ರಾಧಿಕಾರಿಗಳಾದ ತ್ರಿವೇಣಿ ಮಾಗಿ, ಅನುಷ್ಯಾ ಐಹೊಳ್ಳಿ ನೇತ್ರ ತಪಾಸಣೆ ಮಾಡಿದರು.