ರೈತರಿಂದ ಮೌನ ಪ್ರತಿಭಟನೆ

7
ಕಂದಾಯ ಭವನದಲ್ಲಿ ಜಮಾವಣೆ: ಮುಖ್ಯಮಂತ್ರಿ ನಡವಳಿಕೆ ಖಂಡನೆ

ರೈತರಿಂದ ಮೌನ ಪ್ರತಿಭಟನೆ

Published:
Updated:
Deccan Herald

ರಾಮನಗರ: ‘ಸಾಲಮನ್ನಾ ಮಾಡದೆ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಮಾತು ತಪ್ಪಿದ್ದಾರೆ’ ಎಂದು ಆರೋಪಿಸಿ ಇಲ್ಲಿನ ಕಂದಾಯ ಭವನದ ಎದುರು ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ಪದಾಧಿಕಾರಿಗಳು ಕಪ್ಪುಪಟ್ಟಿ ಧರಿಸಿ ಬುಧವಾರ ಮೌನ ಪ್ರತಿಭಟನೆ ನಡೆಸಿದರು.

‘ಸಾಲ ಮನ್ನಾ ಮಾಡುವುದಾಗಿ ಪ್ರಣಾಳಿಕೆಯಲ್ಲಿ ಹೇಳಿದ್ದಂತೆ ಹಾಗೂ ವಿಧಾನ ಸೌಧದಲ್ಲಿ ರೈತ ಮುಖಂಡರಿಗೆ ನೀಡಿದ್ದ ಭರವಸೆಯಂತೆ ರೈತರ ಎಲ್ಲಾ ಸಾಲಗಳನ್ನು ಮನ್ನಾ ಮಾಡಿ ಋಣ ತೀರಿಸಬೇಕು’ ಎಂದು ತಿಳಿಸಿದರು.

ರೈತರು ಎರಡನೇ ಹಂತದಲ್ಲಿ ಪಡೆದಿರುವ ಎಲ್ಲಾ ರೀತಿಯ ಕೃಷಿ ಅಭಿವೃದ್ಧಿಯ ಸಾಲ, ಪರಿಕರಗಳನ್ನು ಕೊಳ್ಳಲು ತೆಗೆದುಕೊಂಡಿರುವ ಸಂಪೂರ್ಣ ಸಾಲವನ್ನು ಮನ್ನಾ ಮಾಡಬೇಕು. ಗ್ರಾಮೀಣ ಜನರಿಗೆ ನೀಡಿರುವ ಕುರಿ, ಹಸು, ಕೋಳಿ ಸಾಕಾಣಿಕೆ, ಎತ್ತಿನಗಾಡಿ ಸಾಲಗಳನ್ನು ಮತ್ತು ಮಹಿಳಾ ಸ್ವಸಹಾಯ ಸಂಘಗಳ ಸಾಲವನ್ನು ಮನ್ನಾ ಮಾಡಬೇಕು ಎಂದರು.

ಸಾಲ ಮನ್ನಾ ಘೋಷಣೆಯನ್ನು ಮಾಡುವವರೆಗೂ ನಿರಂತರವಾಗಿ ವಿವಿಧ ರೀತಿಯ ಚಳವಳಿಗಳನ್ನು ಮುಂದುವರೆಸಲಾಗುವುದು. ಜೆಡಿಎಸ್ ಪಕ್ಷದಿಂದ ಆಯ್ಕೆಯಾಗಿರುವ ಎಲ್ಲಾ 37 ಶಾಸಕರ ಮನೆ ಮತ್ತು ಕಚೇರಿಯ ಮುಂದೆ ಪ್ರತಿಭಟಿಸಲಾಗುವುದು. ಮುಖ್ಯಮಂತ್ರಿಗಳು ಭಾಗವಹಿಸುವ ಸಭೆ, ಸಮಾರಂಭಗಳ ಮುಂದೆಯೂ ಪ್ರತಿಭಟಿಸಲಾಗುವುದು ಎಂದು ಎಚ್ಚರಿಸಿದರು.

ಸಂಕಷ್ಟದಲ್ಲಿರುವ ಕೃಷಿ ಕ್ಷೇತ್ರಕ್ಕೆ ಉತ್ತೇಜನ ನೀಡಲು ಹಾಗೂ ಗ್ರಾಮೀಣ ಪ್ರದೇಶದ ಆರ್ಥಿಕ ಪುನುಶ್ಚೇತನಕ್ಕಾಗಿ ಕೇಂದ್ರ ಸರ್ಕಾರವು ಶೇ 65ರಷ್ಟು ಹಾಗೂ ರಾಜ್ಯ ಸರ್ಕಾರವು ಶೇ 35ರ ಅನುಪಾತದಲ್ಲಿ ವಿಶೇಷ ಪ್ಯಾಕೇಜ್‌ ನೀಡಬೇಕು ಎಂದು ರಾಜ್ಯದ ಸಂಸದರ ಮನೆ ಅಥವಾ ಕಚೇರಿಯ ಮುಂದೆ ಚಳವಳಿ ಹಮ್ಮಿಕೊಳ್ಳಲಾಗುವುದು ಎಂದರು.

ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ಪದಾಧಿಕಾರಿಗಳಾದ ಎಂ. ರಾಮು, ಕೆ. ಮಲ್ಲಯ್ಯ, ಎಂ. ಪುಟ್ಟಸ್ವಾಮಿ, ತುಂಬೇನಹಳ್ಳಿ ಕುಮಾರ್, ಮುನಿರಾಜು, ಎಸ್. ಸಿದ್ದೇಗೌಡ, ರೇಖಾ, ಎಚ್.ಸಿ. ಕೃಷ್ಣಪ್ಪ, ತಿಮ್ಮೇಗೌಡ, ವೆಂಕಟಪ್ಪ, ನಾಗರಾಜು ಇದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !