ದುಂದೂರು ಭಾಗದಲ್ಲಿ ಮಳೆ; ಬೆಳೆ ಹಾನಿ

ಈ ಭಾಗದಲ್ಲಿ ‌ನಾಲ್ಕೈದು ದಿನಗಳಿಂದ ನಿರಂತರವಾಗಿ ಸುರಿಯುತ್ತಿರುವ ಮಳೆಯ ಕಾರಣದಿಂದ ಹೊಲಗಳಲ್ಲಿ ನೀರು ನಿಂತಿದ್ದು ಕಟಾವಿಗೆ ಬಂದಿದ್ದ ಹೆಸರು ಬೆಳೆಗೆ ಹಾನಿಯಾಗಿದೆ.

‘ತೇವಾಂಶ ಹೆಚ್ಚಾದ ಕಾರಣ ಹೆಸರು ಕಟಾವಿಗೆಂದು ಕರೆಯಿಸಿದ್ದ ಕೊಯ್ಲು ಯಂತ್ರಗಳು ಸಹ ಹೊಲದಲ್ಲೇ ಸಿಲುಕಿವೆ. ಯಂತ್ರಗಳು ಕೊಯ್ಲು ಮಾಡದಿದ್ದರೂ ಬಾಡಿಗೆ ಭರಿಸಬೇಕಾದ ಸಂಕಷ್ಟಕ್ಕೆ ರೈತರು ಸಿಲುಕಿದ್ದಾರೆ’ ಎಂದು ದುಂದೂರು ಗ್ರಾಮದ ರೈತ ಶ್ರೀನಿವಾಸ ಬಂಡಿ ಅಲವತ್ತುಕೊಂಡಿದ್ದಾರೆ.