ರೈತರಿಂದ ಶೇಂಗಾ ಖರೀದಿಸಿ, ಅದನ್ನು ತಮ್ಮ ಘಟಕದಲ್ಲಿ ಒಡೆದು ಅಂದರೆ ಸಿಪ್ಪೆ ಬೇರ್ಪಡಿಸಿ, ಕಾಳು ತೆಗೆದು ಅದನ್ನು ಬೇರೆಡೆಗೆ ರಫ್ತು ಮಾಡುತ್ತಾರೆ. ಪ್ರತಿನಿತ್ಯ ಸುಮಾರು 500ಚೀಲದಷ್ಟು ಶೇಂಗಾ ಒಡೆಯುತ್ತಾರೆ. ಗುಣಮಟ್ಟದ ಕಾಳನ್ನು ಪ್ರತ್ಯೇಕಿಸಿ, ಮಹಾರಾಷ್ಟ್ರ, ಪುಣೆ, ಮುಂಬೈ, ಗೋವಾ, ಚಳ್ಳಕೆರೆ ಸೇರಿದಂತೆ ಹಲವೆಡೆ ಪೂರೈಸುತ್ತಾರೆ. ಶೇಂಗಾ ಹಂಗಾಮಿನಲ್ಲಿ ಮತ್ತು ಬೇಡಿಕೆ ಹೆಚ್ಚಿದ್ದಾಗ, ರಾತ್ರಿ ವೇಳೆಯೂ ಇವರ ಘಟಕ ಕಾರ್ಯನಿರ್ವಹಿಸುತ್ತದೆ. ರಾತ್ರಿಯಲ್ಲೂ 400ರಿಂದ 500 ಚೀಲದಷ್ಟು ಶೇಂಗಾದ ಸಿಪ್ಪೆ ಬೇರ್ಪಡಿಸುತ್ತಾರೆ.