ಗದಗ–ಬೆಟಗೇರಿ ನಗರಸ ಸಭೆ ಚುನಾವಣೆ: 34 ನಾಮಪತ್ರಗಳು ತಿರಸ್ಕೃತ

35 ವಾರ್ಡ್‌ಗಳ ನಗರಸಭೆ ಚುನಾವಣೆಗೆ ಕಾಂಗ್ರೆಸ್‌ನಿಂದ 49, ಬಿಜೆಪಿ 57, ಜೆಡಿಎಸ್ 13, ಪಕ್ಷೇತರ 74, ಕೆಆರ್‌ಎಸ್ 2, ವೆಲ್ಫೇರ್‌ ಪಾರ್ಟಿ ಆಫ್ ಇಂಡಿಯಾ, ಎಐಎಂ, ಎಂಐಎಂಐಎಂ ಹಾಗೂ ಎಎಪಿಯಿಂದ ತಲಾ 1, ಎಐಎಂಐಎಂ 2, ರಾಣಿ ಚನ್ನಮ್ಮ ಪಕ್ಷದಿಂದ 5 ನಾಮಪತ್ರಗಳು ಸೇರಿದಂತೆ ಒಟ್ಟು 206 ನಾಮಪತ್ರಗಳು ಸಲ್ಲಿಕೆಯಾಗಿದ್ದವು. ಈ ಪೈಕಿ 34 ನಾಮಪತ್ರಗಳು ತಿರಸ್ಕೃತಗೊಂಡಿದ್ದು, 172 ನಾಮಪತ್ರಗಳು ಕ್ರಮಬದ್ಧವಾಗಿವೆ.

ನಾಮಪತ್ರ ಹಿಂಪಡೆಯಲು ಶುಕ್ರವಾರ (ಡಿ.17) ಅಂತಿಮ ದಿನವಾಗಿದೆ. ಡಿ.27ರಂದು ಮತದಾನ ನಡೆಯಲಿದೆ.

‘ವಾರ್ಡ್ ನಂ.1ರಲ್ಲಿ 4, ವಾರ್ಡ್ ನಂ.2ರಲ್ಲಿ 3, ವಾರ್ಡ್ ನಂ.3ರಲ್ಲಿ 1, ವಾರ್ಡ್ ನಂ.4ರಲ್ಲಿ 1, ವಾರ್ಡ್ ನಂ.5ರಲ್ಲಿ 2, ವಾರ್ಡ್ ನಂ.6ರಲ್ಲಿ 2, ವಾರ್ಡ್ ನಂ.9ರಲ್ಲಿ 1, ವಾರ್ಡ್ ನಂ.10ರಲ್ಲಿ 1, ವಾರ್ಡ್ ನಂ.11ರಲ್ಲಿ 3, ವಾರ್ಡ್ ನಂ.12ರಲ್ಲಿ 3, ವಾರ್ಡ್ ನಂ.23ರಲ್ಲಿ 1, ವಾರ್ಡ್ ನಂ.26ರಲ್ಲಿ 2, ವಾರ್ಡ್ ನಂ.29ರಲ್ಲಿ 2, ವಾರ್ಡ್ ನಂ.30ರಲ್ಲಿ 2, ವಾರ್ಡ್ ನಂ.31ರಲ್ಲಿ 3, ವಾರ್ಡ್ ನಂ.32ರಲ್ಲಿ 1, ವಾರ್ಡ್ ನಂ.33ರಲ್ಲಿ 1 ಹಾಗೂ ವಾರ್ಡ್ ನಂ.35ರಲ್ಲಿ ಒಬ್ಬರು ಅಭ್ಯರ್ಥಿಯ ನಾಮಪತ್ರ ಸೇರಿದಂತೆ ಒಟ್ಟು 34 ನಾಮಪತ್ರಗಳು ತಿರಸ್ಕೃತಗೊಂಡಿವೆ’ ಎಂದು ಗದಗ ತಹಶೀಲ್ದಾರ್‌ ಕಿಶನ್ ಕಲಾಲ ತಿಳಿಸಿದ್ದಾರೆ.