ಮೇವು ದುಬಾರಿ:ನಿರ್ವಹಣೆ ಕಷ್ಟವಾಗಿ ಜಾನುವಾರುಗಳನ್ನ ಮಾರಲು ಮುಂದಾಗುತ್ತಿರುವ ರೈತರು

ರೋಣ: ರೈತನ ಜೀವನಾಡಿಯಾದ ಪಶುಗಳ ಆಹಾರವಾದ ಹೊಟ್ಟು, ಮೇವಿನ ದರ ವಿಪರೀತ ಏರಿಕೆಯಾಗಿದ್ದು, ರೈತರನ್ನು ಕಂಗಾಲಾಗಿಸಿದೆ. ದುರಾರಿಯಾದ ಮೇವು ಖರೀದಿಸಲಾಗದೇ ಕೆಲವು ರೈತರು ಜಾನುವಾರುಗಳನ್ನೇ ಮಾರಾಟ ಮಾಡಲು ಮುಂದಾಗುತ್ತಿದ್ದಾರೆ.

. ಕಳೆದ ವರ್ಷ ಒಂದು ಟ್ರ್ಯಾಕ್ಟರ್ ಬಿಳಿಜೋಳದ ಮೇವು ₹1,000– 1500ಕ್ಕೆ ಸಿಗುತ್ತಿತ್ತು. ಆದರೆ, ಈ ವರ್ಷ₹3,500ದಿಂದ ₹4 ಸಾವಿರಕ್ಕೆ ಏರಿಕೆಯಾಗಿದೆ.ಅದೇ ರೀತಿ, ಕಳೆದ ವರ್ಷ ₹1500– ₹2 ಸಾವಿರಕ್ಕೆ ಮಾರಾಟವಾಗುತ್ತಿದ್ದ ಕಡಲೆ ಮತ್ತು ಗೋಧಿ ಹೊಟ್ಟು ಪ್ರಸಕ್ತ ವರ್ಷ ₹4000- ₹4,500ಕ್ಕೆ ಏರಿಕೆಯಾಗಿದೆ. ಇನ್ನು ಶೇಂಗಾ ಹೊಟ್ಟಿಗೆ ಬಂಗಾರದ ಬೆಲೆ ಬಂದಿದ್ದು₹10 ಸಾವಿರಕ್ಕೆ ಜಿಗಿದಿದೆ.

. ಎಣ್ಣೆಕಾಳುಗಳಿಂದ ತೆಗೆಯುತ್ತಿದ್ದ ಹಿಂಡಿ ಬೆಲೆಗಳಲ್ಲಿಯೂ ವಿಪರೀತ ಏರಿಕೆ ಕಂಡುಬಂದಿದ್ದು ರೈತರಿಗೆ ಹಾಗೂ ಪಶುಪಾಲಕರಿಗೆ ಇಂತಹ ಏರಿಕೆಗಳ ಮಧ್ಯೆ ಪಶು ಪಾಲನೆ ಮಾಡುವುದೇ ದುಸ್ತರವಾಗಿದೆ.

. ಕೃಷಿ ಕಾರ್ಮಿಕರ ಅಲಭ್ಯತೆ ಕಾರಣದಿಂದಾಗಿ ತಾಲ್ಲೂಕಿನಲ್ಲಿ ಬಿಳಿಜೋಳ ಬೆಳೆಯುವ ಕ್ಷೇತ್ರದ ಪ್ರಮಾಣ ಕಡಿಮೆಯಾಗಿದೆ. ಇದರಿಂದಾಗಿ ಬಿಳಿಜೋಳದ ಮೇವು ಸಿಗುತ್ತಿಲ್ಲ. ಸಾಮಾನ್ಯವಾಗಿ ಬಿಳಿಜೋಳ ಕೀಳಲು ವೇತನ ಪಡೆಯದ ಕಾರ್ಮಿಕರು ಹಣಕ್ಕೆ ಬದಲಾಗಿ, ಬಿಳಿಜೋಳ ಕೊಡುವಂತೆ ಬೇಡಿಕೆ ಇಡುತ್ತಾರೆ.

. ಇದರ ಪ್ರಮಾಣ ಪ್ರತಿ ಎಕರೆಗೆ 2ರಿಂದ 3 ಕ್ವಿಂಟಲ್ ಭರ್ತಿ ಚೀಲಗಳನ್ನು ಕೂಲಿಯಾಗಿ ಕೇಳುತ್ತಿರುವುದರಿಂದ ಹಾಗೂ ಬಿಳಿಜೋಳದ ಇಳುವರಿ ಕೂಡ ನಿರೀಕ್ಷಿತ ಪ್ರಮಾಣದಲ್ಲಿ ಬರದೇ ಇರುವುದರಿಂದ ರೈತರು ಬಿಳಿಜೋಳ ಬೆಳೆಯುವುದರ ಬಗ್ಗೆ ಆಸಕ್ತಿ ಕಳೆದುಕೊಂಡಿದ್ದಾರೆ. ಇದು ಕೂಡ ಮೇವಿನ ಬೆಲೆ ಏರಿಕೆಗೆ ಕಾರಣವಾಗಿದೆ.

. ಮತ್ತೊಂದೆಡೆ, ಹೊಟ್ಟಿನ ಬೆಲೆ ಏರಿಕೆಗೆ ಪರರಾಜ್ಯ ಹಾಗೂ ನಮ್ಮದೇ ರಾಜ್ಯದ ಕೆಲವು ದಲ್ಲಾಳಿಗಳು ಕಾರಣರಾಗಿದ್ದಾರೆ ಎಂದು ರೈತರು ಆರೋಪಿಸಿದ್ದಾರೆ.

. ಕಟಾವು ಮುಗಿದ ತಕ್ಷಣ ದೊಡ್ಡ ದೊಡ್ಡ ಕ್ಯಾಂಟರ್ ವಾಹನಗಳೊಂದಿಗೆ ಊರಿಗೆ ದಾಂಗುಡಿ ಇಡುವ ಈ ದಲ್ಲಾಳಿಗಳು ರೈತರ ಹೊಲದಲ್ಲಿಯೇ ಹೊಟ್ಟು ಖರೀದಿಸಿ ಕೊಂಡೊಯ್ಯುತ್ತಿರುವುದು ಬೆಲೆ ಏರಿಕೆಗೆ ಕಾರಣವಾಗಿದೆ. ತಾಲ್ಲೂಕಿನ ರೈತರು ಸಂಗ್ರಹಿಸಿರುವ ಹೊಟ್ಟು ಹಾಗೂ ಮೇವಿನ ಬಣವೆಗಳಿಗೆ ಆಗಾಗ ಬೀಳುತ್ತಿರುವ ಬೆಂಕಿಯ ಕಾರಣದಿಂದಾಗಿಯೂ ಮೇವಿನ ಕೊರತೆ ಉಂಟಾಗಿದೆ.

. ಕಳೆದ ಬಾರಿ ತಾಲ್ಲೂಕಿನ ಹಲವು ಭಾಗಗಳಲ್ಲಿ ಬಣವೆಗಳಿಗೆ ಬೆಂಕಿ ಬಿದ್ದ ಪರಿಣಾಮ ಸಾಕಷ್ಟು ಹಾನಿ ಸಂಭವಿಸಿದೆ. ಈ ಬಾರಿ ಕೂಡ ತಾಲ್ಲೂಕಿನ ಹಲವು ಹಳ್ಳಿಗಳಲ್ಲಿ ರೈತರ ಬಣವೆಗಳಿಗೆ ಬೆಂಕಿ ತಗುಲಿದ ಪ್ರಕರಣಗಳು ವರದಿಯಾಗಿವೆ.

. ಅಕಾಲಿಕ ಮಳೆಯಿಂದ ಹಾನಿ: ತಾಲ್ಲೂಕಿನಾದ್ಯಂತ ಕಳೆದ ಬಾರಿ ಮತ್ತು ಪ್ರಸಕ್ತ ವರ್ಷ ಮಾರ್ಚ್ನಲ್ಲಿ ಸುರಿದ ಅಕಾಲಿಕ ಮಳೆಯಿಂದಾಗಿ ಬಿಳಿ ಜೋಳದ ಬೆಳೆ ಹಾಳಾಗುತ್ತಿರುವುದು ಕೂಡ ಮೇವಿನ ಕೊರತೆಗೆ ಪ್ರಮುಖ ಕಾರಣವಾಗಿದೆ.

. ಈ ಬಾರಿ ಸುರಿದ ಆಲಿಕಲ್ಲು ಮಳೆಯಿಂದ ಬಹುತೇಕ ರೈತರ ಬಿಳಿಜೋಳದ ಫಸಲು ನೆಲಕಚ್ಚಿದೆ. ಕೊಯ್ಲು ಮಾಡಿದ ರೈತರು ಸಹ ಮಳೆಯ ಮುನ್ಸೂಚನೆ ಇಲ್ಲದ ಕಾರಣ ಹೊಲದಲ್ಲಿಯೇ ಮೇವು ಬಿಟ್ಟಿದ್ದರು. ಅಕಾಲಿಕ ಮಳೆ ಹಾಗೂ ಮಳೆಯಿಂದ ಜಮೀನುಗಳಿಗೆ ತೆರಳುವ ದಾರಿ ಕೆಸರಿನಿಂದ ತುಂಬಿರುವ ಕಾರಣ ಸಾಗಾಟ ಮಾಡಲಾಗದೆ ಹೊಲದಲ್ಲಿಯೇ ಕೊಳೆಯುವ ಸ್ಥಿತಿಗೆ ತಲುಪಿದೆ.

. ಹೊಟ್ಟು ಮೇವಿನ ಬೆಲೆ ಏರಿಕೆಯಾಗಿದ್ದು, ಎತ್ತುಗಳ ಬದಲು ಟ್ರ್ಯಾಕ್ಟರ್ ಕೊಳ್ಳುವುದು ಸೂಕ್ತ ಎನಿಸುತ್ತಿದೆ. ಎತ್ತುಗಳ ಬೆಲೆ ಹೆಚ್ಚಳವಾಗಿದ್ದು ಅವುಗಳ ಆಹಾರದ ಬೆಲೆಯು ಹೆಚ್ಚಾದರೆ ರೈತರಿಗೆ ಎತ್ತುಗಳ ನಿರ್ವಹಣೆ ಹಾಗೂ ಸಾಕಾಣಿಕೆ ಕಷ್ಟಸಾಧ್ಯ ಭರಮಪ್ಪ ಸಂಗನಾಳ, ರೋಣ ಪಟ್ಟಣದ ರೈತ . ಸಂಕಷ್ಟಗಳ ಮಧ್ಯೆಯೂ ಸಂಪ್ರದಾಯ ಮುರಿಯದ ರೈತರು

ರೈತರು ಹೊಟ್ಟು, ಮೇವಿನ ಸಂಕಷ್ಟ ಎದುರಿಸುತ್ತಿದ್ದರೂ ತಾಲ್ಲೂಕಿನ ಮಾಡಲಗೇರಿ ಗ್ರಾಮದ ರೈತರು ಮಾತ್ರ ಸಂಕಷ್ಟದ ಮಧ್ಯೆಯೂ ಮಠ ಮಂದಿರಗಳ ಗೋಶಾಲೆಗಳಿಗೆ ಉಚಿತವಾಗಿ ಮೇವು ಪೂರೈಕೆ ಮಾಡುವುದನ್ನು ನಿಲ್ಲಿಸಿಲ್ಲ.

ಗ್ರಾಮದ ಹಿರಿಯರು ಹಾಕಿಕೊಟ್ಟ ಸಂಪ್ರದಾಯದಂತೆ ಉಚಿತ ಮೇವು ಪೂರೈಕೆ ಪ್ರತಿವರ್ಷದಂತೆ ಈ ವರ್ಷವೂ ಮುಂದುವರಿಸಿದ್ದಾರೆ. ಹುಬ್ಬಳ್ಳಿಯ ಸಿದ್ದಾರೂಢ ಮಠಕ್ಕೆ 30 ಟ್ರ್ಯಾಕ್ಸರ್ ಲೋಡ್, ಶಿವಯೋಗ ಮಂದಿರಕ್ಕೆ 12, ಕೊಪ್ಪಳದ ಗವಿಸಿದ್ದೇಶ್ವರ ಮಠಕ್ಕೆ 5 ಲೋಡ್ ಮೇವು ಪೂರೈಕೆ ಮಾಡಿದ್ದು ಮಾಡಲಗೇರಿ ಗ್ರಾಮದ ರೈತರ ಹೃದಯ ವೈಶಾಲ್ಯತೆಗೆ ತಾಲ್ಲೂಕಿನ ರೈತರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೇವು ದುಬಾರಿ:ನಿರ್ವಹಣೆ ಕಷ್ಟವಾಗಿ ಜಾನುವಾರುಗಳನ್ನ ಮಾರಲು ಮುಂದಾಗುತ್ತಿರುವ ರೈತರು

ಚಿನಕುರುಳಿ ಕಾರ್ಟೂನ್: ಮೇ 12 ಮಂಗಳವಾರ 2026

‘ಕಷ್ಟದ ಸಂದರ್ಭದಲ್ಲಿ ನಗುವುದು ಸುಲಭವಲ್ಲ’ ಸ್ವರ್ಣ ಮಂದಿರದಲ್ಲಿ ನಟ ದರ್ಶನ್ ಪತ್ನಿ

ಸನಾತನ ಧರ್ಮ ಜನರನ್ನು ವಿಭಜಿಸುತ್ತದೆ, ಅದನ್ನು ನಿರ್ಮೂಲನೆ ಮಾಡಬೇಕು: ಉದಯನಿಧಿ

ಗುಂಡಣ್ಣ ಕಾರ್ಟೂನು: ಮಂಗಳವಾರ 12 ಮೇ 2026

IPL 2026: GT vs SRH- ಟೈಟನ್ಸ್‌ ವೇಗಕ್ಕೆ ನಲುಗಿದ ‘ಸನ್‌’

ಕ್ರಿಕೆಟ್‌ ಆಟಗಾರ, ಟೆಕಿ ವಿನಯ್ ಬಾದಾಮಿ ನಿಧನ

ಮಕ್ಕಳ ಸೃಜನಶೀಲತೆಗೆ ಹಿಡಿದ ಕೈಗನ್ನಡಿ: ಮರದ ಬಂಡಿಗೆ ಕ್ರಿಕೆಟ್ ದೇವರು ಫಿದಾ

ಫ್ರಾಂಚೈಸಿ ಲೀಗ್‌ನಲ್ಲಿ ತಂಡ ಖರೀದಿಸಿದ ರಾಹುಲ್ ದ್ರಾವಿಡ್: ಅಶ್ವಿನ್ ನಾಯಕ

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಒಳನೋಟ: ಮೃಗಾಲಯದಲ್ಲಿ ಮೂಕರೋದನ

ಚಿನಕುರುಳಿ ಕಾರ್ಟೂನ್: ಮೇ 12 ಮಂಗಳವಾರ 2026

‘ಕಷ್ಟದ ಸಂದರ್ಭದಲ್ಲಿ ನಗುವುದು ಸುಲಭವಲ್ಲ’ ಸ್ವರ್ಣ ಮಂದಿರದಲ್ಲಿ ನಟ ದರ್ಶನ್ ಪತ್ನಿ

ಸನಾತನ ಧರ್ಮ ಜನರನ್ನು ವಿಭಜಿಸುತ್ತದೆ, ಅದನ್ನು ನಿರ್ಮೂಲನೆ ಮಾಡಬೇಕು: ಉದಯನಿಧಿ

ಗುಂಡಣ್ಣ ಕಾರ್ಟೂನು: ಮಂಗಳವಾರ 12 ಮೇ 2026