ಟ್ಯಾಂಕರ್‌ ಮೂಲಕ ಬೆಳೆಗಳಿಗೆ ನೀರು

7
ರೋಣ ವ್ಯಾಪ್ತಿಯಲ್ಲಿ ಮಳೆ ಕೊರತೆ; ಒಣಗುತ್ತಿರುವ ಬೆಳೆ, ರೈತರ ಪರದಾಟ

ಟ್ಯಾಂಕರ್‌ ಮೂಲಕ ಬೆಳೆಗಳಿಗೆ ನೀರು

Published:
Updated:
Deccan Herald

ರೋಣ: ಜಿಲ್ಲೆಯ ಬಯಲು ಸೀಮೆ ಎಂದೇ ಹೆಸರಾದ ರೋಣ ತಾಲ್ಲೂಕಿನಲ್ಲಿ ಮಳೆ ಕೊರತೆಯಿಂದಾಗಿ ಬೆಳೆಗಳು ಒಣಗುತ್ತಿದ್ದು, ರೈತರು ಟ್ಯಾಂಕರ್‌ ಮೂಲಕ ಜಮೀನಿಗೆ ನೀರುಣಿಸಿ, ಬೆಳೆ ಉಳಿಸಿಕೊಳ್ಳಲು ಹೋರಾಟ ನಡೆಸಿದ್ದಾರೆ

ಈ ಬಾರಿ ತಾಲ್ಲೂಕು ವ್ಯಾಪ್ತಿಯಲ್ಲಿ ಈರುಳ್ಳಿ, ಶೇಂಗಾ, ಹೆಸರು, ಮೆಣಸಿನಕಾಯಿ ಬೆಳೆಗಳು ನಿರೀಕ್ಷೆ ಮೀರಿ ಬಿತ್ತನೆಯಾಗಿವೆ. ಆದರೆ, ಸಕಾಲಕ್ಕೆ ಮಳೆ ಬಾರದೆ ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಸಣ್ಣ ಹಿಡುವಳಿದಾರರು, ಟ್ಯಾಂಕರ್‌ ಮೂಲಕ ನೀರು ಹಾಕಿಸುವಷ್ಟು ಆರ್ಥಿಕ ಸಾಮರ್ಥ್ಯ ಇಲ್ಲವಾದವರು ಮುಂಗಾರು ಬೆಳೆಯ ಆಸೆಯನ್ನೇ ಕೈಬಿಟ್ಟಿದ್ದಾರೆ.ಆರ್ಥಿಕವಾಗಿ ಚೆನ್ನಾಗಿರುವ ರೈತರು ಪ್ರತಿ ನಿತ್ಯ 8ರಿಂದ 10 ಟ್ಯಾಂಕರ್‌ ನೀರು ತರಿಸಿಕೊಂಡು ಜಮೀನಿಗೆ ಹಾಕುತ್ತಿದ್ದಾರೆ.

‘2ರಿಂದ 3 ಎಕರೆ ಪ್ರದೇಶಕ್ಕೆ ನಿತ್ಯ ಟ್ಯಾಂಕರ್‌ ನೀರು ಹಾಕಿಸಲು ₹ 500ರಿಂದ ₹ 600 ಖರ್ಚಾಗುತ್ತದೆ. ಹನಿ ನೀರಾವರಿ ಪದ್ಧತಿ ಮೂಲಕ ಬೆಳೆಗಳಿಗೆ ಉಣಿಸುತ್ತೇವೆ’ ಎಂದು ರೈತ ಮುತ್ತಣ್ಣ ಗಡಗಿ ಹೇಳಿದರು.

ಈರುಳ್ಳಿ ಬಿತ್ತನೆಗೆ ಪ್ರತಿ ಎಕರೆಗೆ ₹ 10 ಸಾವಿರ ಖರ್ಚಾಗಿದೆ. ಟ್ಯಾಂಕರ್‌ ಮೂಲಕ ನೀರು ಹಾಯಿಸಿ, ಬೆಳೆ ಉಳಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದೇವೆ
– ಮುತ್ತಣ್ಣ ಗಡಗ, ರೈತ

ತಾಲೂಕಿನಲ್ಲಿ ಒಟ್ಟು ಬಿತ್ತನೆ ಪ್ರದೇಶ 65,000 ಹೆಕ್ಟರ್
ಹೆಸರು ಬಿತ್ತನೆಯಾಗಿರುವ ಪ್ರದೇಶ 30,000 ಹೆಕ್ಟರ್
ಮುಸುಕಿನ ಜೋಳ ಬಿತ್ತನೆ ಪ್ರದೇಶ 16,000 ಹೆಕ್ಟರ್
ಬಿ.ಟಿ ಹತ್ತಿ ಬಿತ್ತನೆ ಪ್ರದೇಶ 3,000 ಹೆಕ್ಟೇರ್‌

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !