ವಿಡಿಯೊಗಳು
Video of the day
ಜಿಲ್ಲಾ ಸುದ್ದಿ
ಮೇಷ
ಮಧ್ಯವರ್ತಿಗಳಾಗಿ ಕಾರ್ಯನಿರ್ವಹಿಸುತ್ತಿರುವವರಿಗೆ ಹೆಚ್ಚಿನ ಆದಾಯ. ವಿದ್ಯಾರ್ಥಿಗಳ ಅಭ್ಯಾಸದಲ್ಲಿ ಚಂಚಲತೆ. ವಯೋವೃದ್ಧರಿಗೆ ಆರೋಗ್ಯದಲ್ಲಿ ಏರಿಳಿತ. ಮಕ್ಕಳ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುವುದು ಒಳ್ಳೆಯದು.
ವೃಷಭ
ಸೈನಿಕರು, ಪೊಲೀಸ್‌ ಕೆಲಸದಲ್ಲಿ ತೊಡಗಿಕೊಂಡವರಿಗೆ ಬಿಡುವಿಲ್ಲದ ದಿನ. ಜೀವನದಲ್ಲಿ ಸಾಧನೆ ಮಾಡಿದ ತೃಪ್ತಿ ಹೊಂದಲಿದ್ದೀರಿ. ಶಿಕ್ಷಣ ಕ್ಷೇತ್ರದಲ್ಲಿರುವವರಿಗೆ ಉನ್ನತ ಪದವಿ ಹೊಂದುವ ಲಕ್ಷಣಗಳು ಕಂಡುಬರುತ್ತಿವೆ.
ಮಿಥುನ
ಉದ್ಯೋಗದಲ್ಲಿ ನೆಮ್ಮದಿಯನ್ನು ತರುವ ದಿನ. ಶುಭ ಸುದ್ದಿ ಕೇಳಿಬರಲಿದೆ. ಭೂ ಖರೀದಿ ಮಾಡುವ ಅಥವಾ ಲಾಭವಾಗುವ ಸಾಧ್ಯತೆ. ಗೊಂದಲದ ಮನಸ್ಥಿತಿ. ಹಿರಿಯರ ಸಾಂತ್ವನದಿಂದ ಆತ್ಮಸ್ಥೈರ್ಯ ವೃದ್ಧಿ.
ಕಟಕ
ಸಾಮಾಜಿಕ ಗೌರವ ಪ್ರಾಪ್ತಿ. ವ್ಯಾಪಾರಸ್ಥರಿಗೆ ಉತ್ತಮ ಲಾಭ. ರಾಜಕೀಯ ವ್ಯಕ್ತಿಗಳಿಗೆ ಇರುಸುಮುರುಸು. ಸಾಂಸಾರಿಕವಾಗಿ ಸಮಾಧಾನ. ತಾಂತ್ರಿಕ ವಿದ್ಯಾರ್ಥಿಗಳಿಗೆ ನೈಪುಣ್ಯತೆಯ ಬಗ್ಗೆ ಹೆಮ್ಮೆಯ ದಿನ
ಸಿಂಹ
ಸರ್ಕಾರಿ ನೌಕರಿಯಲ್ಲಿರುವವರಿಗೆ ಕಾರ್ಯ ಒತ್ತಡ ಕಡಿಮೆಯಾಗಿ ಮನಸ್ಸಿಗೆ ನಿರಾಳತೆ. ಮಿತ್ರ ವೃಂದದವರಿಂದ ಶುಭ ವಾರ್ತೆ ಕೇಳಿಬರಲಿದೆ. ಮಿತ ವ್ಯಯ ಮಾಡುವಿರಿ. ಆರ್ಥಿಕ ಅನುಕೂಲತೆ ಕೂಡಿಬರಲಿದೆ.
ಕನ್ಯಾ
ಮನಸ್ಸಿನಲ್ಲಿ ಗೊಂದಲಕರ ವಾತಾವರಣ ಕಂಡುಬರುತ್ತದೆ. ಸಮಾಧಾನದ ನಡವಳಿಕೆಯಿಂದಾಗಿ ಸಂಸಾರದಲ್ಲಿ ಸಂತಸ ಮೂಡಿಬರಲಿದೆ. ಮಕ್ಕಳಿಂದ ಸಂತೋಷ ಸುದ್ದಿಯನ್ನು ಕೇಳಲಿದ್ದೀರಿ. ದೃಢ ನಿರ್ಧಾರವಿರಲಿ.
ತುಲಾ
ವಿವಾಹಾಪೇಕ್ಷಿತರಿಗೆ ವಿವಾಹ ಕೂಡಿಬರುವ ಸಾಧ್ಯತೆ. ಹೆಚ್ಚಿನ ಯಶಸ್ಸಿಗೆ ವಿದ್ಯಾರ್ಥಿಗಳ ಶ್ರಮ ಅಗತ್ಯ. ಸಾಲದಿಂದ ಮುಕ್ತಿ ಹೊಂದುವುದರೊಂದಿಗೆ ನೆಮ್ಮದಿ. ಕನ್ಯೆಯರಿಗೆ ಮಾನಸಿಕ ಗೊಂದಲದ ದಿನ
ವೃಶ್ಚಿಕ
ಕಾರ್ಖಾನೆ, ಕೃಷಿ ಕ್ಷೇತ್ರದ ಕೆಲಸಗಾರರಿಗೆ ಕಾರ್ಯಸಿದ್ಧಿಯಿಂದ ಸಮಾಧಾನಕರ ದಿನ. ವಿಶೇಷ ಸಮಾರಂಭದಲ್ಲಿ ಭಾಗವಹಿಸುವ ಸಾಧ್ಯತೆ. ವಾತ ಸಂಬಂಧಿ ರೋಗ ಬಾಧೆಯಿಂದ ಸುಧಾರಿಸಿಕೊಳ್ಳಲಿದ್ದೀರಿ.
ಧನು
ನ್ಯಾಯ ತೀರ್ಮಾನ ಮಾಡುವಲ್ಲಿ ಮುತುವರ್ಜಿ. ತೈಲ ವ್ಯಾಪಾರಿಗಳಿಗೆ ವ್ಯವಹಾರದಲ್ಲಿ ಹಿನ್ನಡೆ. ಸರ್ಕಾರಿ ನೌಕರರಿಗೆ ಸಹೋದ್ಯೋಗಿಗಳ ಸಕಾಲಿಕ ನೆರವಿನಿಂದ ಸಂತೋಷ. ಮನೆಯಲ್ಲಿ ಹಬ್ಬದ ವಾತಾವರಣ ಮೂಡಲಿದೆ.
ಮಕರ
ರಾಜಕಾರಣಿಗಳಿಗೆ ಒತ್ತಡದ ದಿನ. ಕಾರ್ಯಬಾಹುಳ್ಯದಿಂದ ಸ್ವಲ್ಪಮಟ್ಟಿನ ವಿರಾಮ ದೊರಕಿ ಮಾನಸಿಕ ನೆಮ್ಮದಿ. ಸಂಸಾರದೊಂದಿಗೆ ಸಂತಸದ ಪ್ರಯಾಣ ಕೈಗೊಳ್ಳಲಿದ್ದೀರಿ. ಸಾರ್ವಜನಿಕ ರಂಗದಲ್ಲಿ ಇರುವವರಿಗೆ ಪುರಸ್ಕಾರ. ಧಾರ್ಮಿಕ ಕ್ಷೇತ್ರದಲ್ಲಿ ಆಸಕ್ತಿ
ಕುಂಭ
ಕೌಟುಂಬಿಕ ಕಲಹಗಳಗೆ ಇತ್ಯರ್ಥ ಕಂಡುಕೊಳ್ಳುವಿರಿ. ಬಹು ನಿರೀಕ್ಷಿತ ವ್ಯವಹಾರವೊಂದರಲ್ಲಿ ಯಶಸ್ಸಿನ ಸುದ್ದಿ ಕೇಳಿಬರಲಿದೆ. ಬಂಧುಗಳೊಬ್ಬರ ಭೇಟಿ ಸಾಧ್ಯತೆ. ಸಂಗಾತಿಯ ನೆಮ್ಮದಿಯ ಮಾತುಗಳಿಂದ ಸಂತೋಷಗೊಳ್ಳುವಿರಿ. ಮಕ್ಕಳ ಆರೋಗ್ಯದೆಡೆಗೆ ಗಮನವಿರಲಿ.
ಮೀನ
ಕನ್ಯೆಯರಿಗೆ ವಿಶೇಷ ಉಡುಗೊರೆ ಸ್ವೀಕರಿಸುವ ಅವಕಾಶಗಳು ದೊರಕಲಿವೆ. ಕಾರ್ಯನೈಪುಣ್ಯತೆಯಿಂದಾಗಿ ಸ್ನೇಹಿತರ ನಡುವೆ ಗೌರವಕ್ಕೆ ಪಾತ್ರರಾಗಲಿದ್ದೀರಿ. ಉದ್ಯೋಗ ವಿಚಾರದಲ್ಲಿ ಸ್ನೇಹಿತರಿಂದ ಸೂಕ್ತ ಸಲಹೆ. ರೈತರಿಗೆ ಸಂತೋಷದ ದಿನ. ಹೊಸ ಆಯಾಮಕ್ಕೆ ಸಿದ್ಧತೆ.
ಮೇಷ
ಅಶ್ವಿನಿ, ಭರಣಿ, ಕೃತ್ತಿಕಾ 1ನೇ ಪಾದ
ಎಲ್ಲಾ ಕೆಲಸಗಳಲ್ಲೂ ಮುನ್ನುಗ್ಗುವುದು ಬೇಡ, ಇದರಿಂದ ನಿಮಗೆ ಕೊಂಚ ಹಿನ್ನಡೆ ಆಗಬಹುದು. ಎಲ್ಲಾ ವಿಚಾರಗಳಲ್ಲೂ ನೀವೇ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಡಿರಿ. ಮನೆಯ ಸದಸ್ಯರ ಅಭಿಪ್ರಾಯವನ್ನು ಪರಿಗಣಿಸಿ ನಿರ್ಧಾರವನ್ನು ಕೈಗೊಳ್ಳಿರಿ. ಸುಳ್ಳು ಮಾತಿನಿಂದ ನಿಮ್ಮನ್ನು ಮರುಳು ಮಾಡುವ ಜನರಿಂದ ದೂರವಿರಿ. ಅವರು ನಿಮ್ಮ ಅಮೂಲ್ಯವಾದ ಸಮಯವನ್ನು ಹಾಳು ಮಾಡುವರು. ಖರ್ಚುಗಳಲ್ಲಿ ಸ್ವಲ್ಪ ಏರಿಕೆಯಾಗಬಹುದು. ಅಗತ್ಯಕ್ಕೆ ತಕ್ಕ ವಸ್ತುಗಳನ್ನು ಖರೀದಿಸುವಿರಿ. ನಿರಂತರ ಕೆಲಸಗಳಿಂದ ಆದಾಯದಲ್ಲಿ ಸ್ವಲ್ಪ ಏರಿಕೆ.
ವೃಷಭ
ಕೃತ್ತಿಕಾ 2,3,4, ರೋಹಿಣಿ, ಮೃಗಶಿರಾ 1,2
ಧನಾದಾಯವು ಉತ್ತಮವಾಗಿರುತ್ತದೆ. ದೀರ್ಘಕಾಲದಿಂದ ಉಪಚಾರ ಮಾಡುತ್ತಿದ್ದ ಖಾಯಿಲೆಯು ವಾಸಿಯಾಯಿತೆಂದು ಉಪೇಕ್ಷಿಸಬೇಡಿರಿ. ಔಷಧಿಯನ್ನು ಮುಂದುವರೆಸಿರಿ. ಇಲ್ಲವಾದಲ್ಲಿ ಖಾಯಿಲೆ ಮರುಕಳಿಸಬಹುದು. ಮನೆಗೆ ಬಂಧುಗಳ ಆಗಮನದಿಂದ ಮನಸ್ಸಿಗೆ ಸಂತೋಷವಾಗಬಹುದು. ನಿಮ್ಮ ಉದಾರತೆ ಮತ್ತು ಸ್ನೇಹಪರತೆಯು ನಿಮಗೆ ಗೌರವ ತಂದು ಕೊಡುತ್ತವೆ. ಯಾರೊಂದಿಗೂ ಹೆಚ್ಚು ವಾಗ್ವಾದ ಬೇಡ ಅದರ ಫಲಿತಾಂಶವೂ ಶುಭವಾಗಿರುವುದಿಲ್ಲ. ಮಕ್ಕಳ ಪ್ರಗತಿಯ ಬಗ್ಗೆ ಸರಿಯಾಗಿ ಗಮನಹರಿಸಿ ಸರಿಪಡಿಸಿರಿ.
ಮಿಥುನ
ಮೃಗಶಿರಾ 3,4, ಆರಿದ್ರಾ, ಪುನರ್ವಸು 1,2,3
ದೃಢ ಮನಸ್ಥಿತಿಯನ್ನು ಅರಿತು ನಿಮ್ಮ ದಾರಿಯ ಸ್ಪಷ್ಠತೆಯನ್ನು ತಿಳಿದು ಮುನ್ನೆಡೆಯುವಿರಿ. ಯಾವುದೇ ಹೊಯ್ದಾಟಗಳಿಗೆ ಅವಕಾಶ ಕೊಡದೆ ಕಾರ್ಯವನ್ನು ಹಮ್ಮಿಕೊಳ್ಳುವಿರಿ. ನಿಮ್ಮ ಕೆಲಸಗಾರರು ಉದ್ಯೋಗದಲ್ಲಿ ಸಂಪೂರ್ಣ ಸಹಕಾರ ನೀಡುವರು. ಹಳೆಯ ಸ್ವತ್ತುಗಳನ್ನು ಮಾರಾಟ ಮಾಡಿ ಉತ್ತಮ ಧನ ಸಂಪಾದನೆಯನ್ನು ಸಂಪಾದಿಸುವಿರಿ. ಜನರ ಮನಸ್ಸಿನಲ್ಲಿ ನಿಲ್ಲುವಂತಹ ಉತ್ತಮ ಕೆಲಸಗಳನ್ನು ಮಾಡಿ ಸಂತೋಷಿಸುವಿರಿ. ಮೂಳೆ ಸಮಸ್ಯೆಗಳ ಬಗ್ಗೆ ಗಮಹಹರಿಸಿರಿ.
ಕಟಕ
ಪುನರ್ವಸು 4, ಪುಷ್ಯ, ಆಶ್ಲೇಷ
ಸ್ವಂತ ಮನೆಯನ್ನು ಕಟ್ಟುವ ವಿಚಾರದಲ್ಲಿ ಮನೆಯವರ ಅಭಿಪ್ರಾಯವನ್ನು ಪರಿಗಣಿಸಿರಿ. ಈ ವಿಚಾರದಲ್ಲಿ ನಿಮ್ಮ ಬಂಧುಗಳಿಂದ ಧನ ಸಹಾಯವು ಹರಿದು ಬರುತ್ತದೆ. ನೀವು ಆತ್ಮವಿಶ್ವಾಸದಿಂದ ಆರಂಭಿಸುವ ಕೆಲಸಗಳಲ್ಲಿ ಉತ್ತಮ ಫಲವಿರುತ್ತದೆ. ಚಿಕ್ಕಮಕ್ಕಳಿಗೆ ಆಹಾರದ ವ್ಯತ್ಯಾಸದಿಂದಾಗಿ ಅನಾರೋಗ್ಯದ ಸಂಭವವಿದೆ. ಬೀದಿ ಬದಿಯ ವ್ಯಾಪಾರಿಗಳಿಗೆ ವ್ಯಾಪಾರ ಹೆಚ್ಚಾಗುತ್ತದೆ. ಹೊಟೇಲ್ ಉದ್ಯಮವನ್ನು ನಡೆಸುವವರಿಗೆ ವ್ಯಾಪಾರ ಹೆಚ್ಚಾಗಿ ಲಾಭ ಹೆಚ್ಚಾಗುವುದು ಮತ್ತು ಸರ್ಕಾರಿ ಅಧಿಕಾರಿಗಳು ತಪಾಸಣೆ ಮಾಡುವರು.
ಸಿಂಹ
ಮಖ, ಪೂರ್ವ ಫಲ್ಗುಣಿ, ಉತ್ತರ ಫಲ್ಗುಣಿ 1
ನಿಮ್ಮ ಸತ್ಯದ ಮಾತುಗಳು ಕಠೋರವಾಗಿದ್ದರೂ ಅದು ನಿಮ್ಮ ಗೌರವ ಮತ್ತು ಘನತೆಯನ್ನು ಎತ್ತಿ ಹಿಡಿಯುತ್ತವೆ. ನಿಮ್ಮ ಮೇಲಿನ ಅಧಿಕಾರಿಗಳು ನಿಮ್ಮ ಸತ್ಯ ಮತ್ತು ಆತ್ಮವಿಶ್ವಾಸವನ್ನು ಮೆಚ್ಚಿ ಹೊಸ ಜವಾಬ್ದಾರಿಗಳನ್ನು ಕೊಡುತ್ತಾರೆ. ಹಿರಿಯ ದಂಪತಿಗಳಿಗೆ ಮನಸ್ಸಿಗೆ ಸಂತಸವಾಗುವ ಘಟನೆಗಳು ಜರುಗಿ ಮನಸ್ಸು ಉಲ್ಲಾಸದಿಂದ ಇರುತ್ತದೆ. ಹೊಸದಾಗಿ ಕೆಲಸಕ್ಕೆ ಸೇರಿದವರು ಹೆಚ್ಚು ಶ್ರದ್ಧೆ ಮತ್ತು ಆತ್ಮವಿಶ್ವಾಸದಿಂದ ಕೆಲಸ ಮಾಡುವುದು ಉತ್ತಮ. ಈ ಹಿಂದೆ ಆರಂಭಿಸಿದ ಕಾರ್ಯಗಳು ಮುಗಿಯಿತೆನ್ನುವ ತೃಪ್ತಿ ಬರುತ್ತದೆ.
ಕನ್ಯಾ
ಉತ್ತರ ಫಲ್ಗುಣಿ 2,3,4, ಹಸ್ತ, ಚಿತ್ತಾ 1,2
ಹರ್ಷಯುತವಾಗಿರುವ ವಾರ್ತೆಗಳು ಕೇಳಿ ಬಂದು ನಿಮ್ಮ ಬದುಕಿನಲ್ಲಿ ಮಹತ್ತರ ತಿರುವುಗಳು ಬರಬಹುದು. ನೀವು ಮಾಡಲೇಬೇಕಾಗಿರುವ ಕಾರ್ಯದ ರೂಪುರೇಷೆಗಳು ಹಾಕಿಕೊಳ್ಳಿರಿ. ಸಹೋದ್ಯೋಗಿಗಳಿಂದಲೂ ಸಹಾಯ ಸಿಕ್ಕುವುದು ಕೆಲಸ ಹಗುರಾಗುವುದು. ಕುಟುಂಬದ ವಿರಸಗಳಲ್ಲಿ ಸ್ವಲ್ಪ ಗೊಂದಲಗಳಿದ್ದರೂ ಅದು ನಿಧಾನವಾಗಿ ಸರಿಯಾಗುವುದು. ಮನೆಯ ಸದಸ್ಯರೊಂದಿಗೆ ಹೆಚ್ಚು ಸಮಯ ಕಾಲ ಕಳೆದು ಸಂತಸವಾಗಿರಿ. ಇದರಿಂದ ಮನಸ್ಸು ಹಗುರವಾಗುವುದು. ಮನೆಯಲ್ಲಿನ ಸಂಬಂಧಗಳು ಸುಧಾರಿಸುವುದು.
ತುಲಾ
ಚಿತ್ತಾ 3,4, ಸ್ವಾತಿ, ವಿಶಾಖೆ 1,2,3
ಯಾರದೋ ಸಹಾಯ ಸಿಗುವುದೆಂದು ಈಗ ಸಹಾಯ ಮಾಡುತ್ತಿರುವವರನ್ನು ಕಡಗಣಿಸಬೇಡಿರಿ. ಧನಾದಾಯ ಬಹಳ ಉತ್ತಮವಾಗಿರುತ್ತದೆ. ನಿಮ್ಮ ಕೈಕೆಳಗೆ ಕೆಲಸ ಮಾಡುತ್ತಿರುವವರಿಗೆ ಸೂಕ್ತ ಗೌರವ ಕೊಡಿಸಿ ಇಲ್ಲವಾದಲ್ಲಿ ಅವರು ನಿಮ್ಮ ವಿರುದ್ಧ ಕೆಲಸ ಮಾಡಬಹುದು. ನಿಮ್ಮ ಕಾರ್ಯಗಳಲ್ಲಿ ಸೂಕ್ತ ಸಲಹೆಯನ್ನು ನೀಡುತ್ತಿರುವವರನ್ನು ಕಡೆಗಣಿಸಬೇಡಿರಿ. ಲೇವಾದೇವಿ ವ್ಯವಹಾರಗಳಲ್ಲಿ ವಿದೇಶಿ ವ್ಯಾಪಾರ ವ್ಯವಹಾರಗಳಲ್ಲಿ ಸ್ವಪ್ರತಿಷ್ಠೆಗಾಗಿ ಧನ ಹೂಡಬೇಡಿರಿ. ಇದು ಒಂದು ದಿನ ಕೈಕಚ್ಚಬಹುದು.
ವೃಶ್ಚಿಕ
ವಿಶಾಖ 4, ಅನುರಾಧ, ಜ್ಯೇಷ್ಠ
ಸಂಕಷ್ಠದಲ್ಲಿದ್ದ ಸ್ವಂತ ಉದ್ಯಮ ಲಾಭದತ್ತ ಹೊರಳುತ್ತದೆ. ಮಗನ ವಿದ್ಯಾಭ್ಯಾಸದಲ್ಲಿ ಸ್ವಲ್ಪ ಎಚ್ಚರವಹಿಸಿರಿ. ಮಗನ ಇತರೆ ಹವ್ಯಾಸಗಳ ಬಗ್ಗೆ ಗಮನಹರಿಸಿರಿ ಮತ್ತು ಅವನು ಹಾದಿ ತಪ್ಪುವ ಸಾಧ್ಯತೆ ಇದ್ದಲ್ಲಿ ತಿದ್ದಿರಿ. ವೃತ್ತಿಯಲ್ಲಿ ಸಹೋದ್ಯೋಗಿಗಳಿಂದ ಕಿರಿಕಿರಿ ಇರುತ್ತದೆ. ಕೆಲವೊಂದು ವಸ್ತುಗಳು ಅಥವಾ ದಾಖಲೆಗಳು ಕಾಣೆಯಾಗಬಹುದು. ಆದ್ದ‌ರಿಂದ ಅವುಗಳ ಬಗ್ಗೆ ಎಚ್ಚರ ವಹಿಸುವಿರಿ. ಗಣ್ಯವ್ಯಕ್ತಿಗಳಿಂದ ಅಪರೂಪದ ಸಹಾಯ ದೊರೆಯುತ್ತವೆ. ಇದು ನಿಮ್ಮ ಮುಂದಿನ ಜೀವನಕ್ಕೆ ಸಾಕಷ್ಟು ಅನುಕೂಲವಾಗಿರುತ್ತದೆ.
ಧನು
ಮೂಲ, ಪೂರ್ವಾಷಾಢ, ಉತ್ತರಾಷಾಡ 1
ಸಹ್ಯೋದ್ಯೋಗಿಗಳ ಜೊತೆ ಅಗತ್ಯಕ್ಕಿಂತ ಹೆಚ್ಚು ಚರ್ಚೆ ಬೇಡ. ಅವರು ನಿಮ್ಮ ಬಗ್ಗೆ ನಿಮ್ಮ ಹಿರಿಯ ಅಧಿಕಾರಿಗಳ ಬಳಿ ಚಾಡಿಯನ್ನು ಹೇಳುವರು. ಬಹಳ ದಿನಗಳಿಂದ ಆಗದೆ ಸತಾಯಿಸುತ್ತಿದ್ದ ಕೆಲಸವು ಈಗ ಆಗಿ ಸಂತಸವಾಗುತ್ತದೆ. ಒಂಟಿಯಾಗಿ ದೂರ ಪ್ರಯಾಣ ಮಾಡುವುದು ಅಷ್ಟು ಒಳಿತಲ್ಲ. ಜಾಣತನದಿಂದ ಜವಾಬ್ದಾರಿಗಳಿಂದ ಜಾರಿಕೊಳ್ಳುವ ಕಲೆ ಸಿದ್ಧಿಸುತ್ತದೆ. ಹಣಕಾಸಿನ ಸ್ಥಿತಿಯು ಸಾಮಾನ್ಯವಾಗಿರುತ್ತದೆ. ಆದಾಯ ಮತ್ತು ವೆಚ್ಚಗಳ ನಡುವೆ ಸಮತೋಲವನ್ನು ಸಾಧಿಸಿರಿ.
ಮಕರ
ಉತ್ತರಾಷಾಡ 2,3,4, ಶ್ರವಣ, ಧನಿಷ್ಠ 1, 2
ನಿಮ್ಮ ಕೆಲಸ ಕಾರ್ಯಗಳಲ್ಲಿ ಅನಪೇಕ್ಷಿತ ಅತಿಥಿಗಳು ಮೂಗು ತೂರಿಸಬಹುದು. ಇವರನ್ನು ಎದಿರು ಹಾಕಿಕೊಳ್ಳುವ ಬದಲು ಅವರನ್ನು ನಯವಾಗಿ ದೂರವಿಡುವಿರಿ. ಕೆಲಸದ ಸ್ಥಳಗಳಲ್ಲಿ ಸಾಕಷ್ಟು ಮಹತ್ತರವಾದ ಬದಲಾವಣೆಗಳಿರುತ್ತವೆ. ಹೊಸ ಕೆಲಸವನ್ನು ಏಕಾಗ್ರತೆಯಿಂದ ಗಮನಿಸಿ ಅದನ್ನು ಮಾಡುವುದು ಉತ್ತಮ. ಧನಾದಾಯ ಉತ್ತಮಗೊಳ್ಳುವುದು. ಅಪರಿಚಿತರೊಡನೆ ಅನಗತ್ಯವಾಗಿ ಹಣಕಾಸಿನ ವ್ಯವಹಾರಗಳನ್ನು ಇಟ್ಟುಕೊಳ್ಳಬೇಡಿರಿ ಅಥವಾ ಮಾಡಬೇಡಿರಿ. ಇದರಿಂದ ಮೋಸ ಹೋಗುವ ಸಾಧ್ಯತೆ ಇದೆ.
ಕುಂಭ
ಧನಿಷ್ಠ 3,4, ಶತಭಿಷ, ಪೂರ್ವಾಭಾದ್ರ 1,2,3
ಪ್ರತಿ ಕೆಲಸಗಳು ನೀವೊಂದುಕೊಂಡಂತೆ ಆಗಿ ಕಾರ್ಮಿಕರು ಮತ್ತು ನಿಮ್ಮ ಅಧಿಕಾರಿಗಳು ಬಹಳ ಪ್ರಾಮಾಣಿಕತೆಯನ್ನು ನಿಮ್ಮ ಬಳಿ ಅತೀ ವಿನಯತೆಯನ್ನು ಪ್ರದರ್ಶಿಸುವರು. ನಿಮಗೆ ಬರಬೇಕಾದ ಹಳೆ ಬಾಕಿ ಹಣಗಳು ವಾಪಸ್ಸು ಬರುತ್ತವೆ. ಈಗ ಇರುವ ವ್ಯಾಪಾರ ವ್ಯವಹಾರಗಳನ್ನು ವಿಸ್ತರಣೆಯನ್ನು ಮಾಡಬಹುದು. ಸಮಾಜದಲ್ಲಿ ಹಲವರಿಗೆ ಸಹಾಯದ ಪಾಠ ಮಾಡಿ ಸಮಾಜದಲ್ಲಿ ಉತ್ತಮ ಹೆಸರನ್ನು ಗಳಿಸುವಿರಿ. ನಿಮ್ಮ ಕೆಲಸಗಳಿಗೆ ಜನರ ಬೆಂಬಲ ದೊರೆಯುತ್ತದೆ.
ಮೀನ
ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ
ನಿಮ್ಮ ಕೆಲಸದಲ್ಲಿ ತೋರಿದ ಅಲಕ್ಷ್ಯ ನಿಮಗೇ ಬಹಳ ದುಬಾರಿಯಾಗಬಹುದು. ಬಂಧುಗಳು ನಿಮ್ಮ ಕುಟುಂಬದ ವ್ಯವಹಾರದಲ್ಲಿ ಮೂಗು ತೂರಿಸಿ ಇಲ್ಲದ ಗೊಂದಲಗಳನ್ನು ಹುಟ್ಟು ಹಾಕುವರು. ಸಹಕಾರ ಸಂಸ್ಥೆಗಳಿಂದ, ಬ್ಯಾಂಕುಗಳಿಂದ ನಿಮಗೆ ಬೇಕಾದ ಸಾಲಗಳನ್ನು ಪಡೆಯಬಹುದು. ಇತರರನ್ನು ಹಾಸ್ಯ ಮಾಡುವಾಗ ನೀವೇ ಪೇಚಿಗೆ ಸಿಲುಕುವ ಸಾಧ್ಯತೆಗಳಿವೆ. ಒಡಹುಟ್ಟಿದವರೊಡನೆ ಉತ್ತಮ ಸಂಬಂಧ ಏರ್ಪಟ್ಟು ವ್ಯವಹಾರದಲ್ಲಿ ಪಾಲು ದೊರೆಯುತ್ತದೆ ಮತ್ತು ಲಾಭ ಹೆಚ್ಚುತ್ತದೆ.
ಮೇಷ
ಯೋಚಿಸಿ ಜೀವನದ ನಿರ್ಧಾರಗಳನ್ನು ತೆಗೆದುಕೊಳ್ಳಿ. ಅಹಂಕಾರ ಬೇಡ. ಬೇರೆಯವರಿಗೆ ನಿಮ್ಮ ರಹಸ್ಯವನ್ನು ಹೇಳಬೇಡಿ; ಹುಶಾರಾಗಿರಿ.
ಶುಭ: 3, 9, 13, 22 , ಅಶುಭ: 5, 11, 17, 18
ವೃಷಭ
ಶುಭ ಕಾಲ ಮುಂದಿದೆ. ಆರೋಗ್ಯದಲ್ಲಿ ಬದಲಾವಣೆ. ಕೆಲಸ ಹೆಚ್ಚು. ಯೋಚಿಸಿ ಮಾತನಾಡಿ. ಮನೆಯಲ್ಲಿ ಶುಭಕಾರ್ಯ.
ಶುಭ: 1, 6, 18, 21, ಅಶುಭ: 4, 12, 16, 27
ಮಿಥುನ
ಅದೃಷ್ಟದ ಕಾಲ. ಕೆಲಸಗಳು ಸ್ವಲ್ಪ ನಿಧಾನಗೊಳ್ಳುವವು. ದುಡುಕಿನಿಂದ ಮಾತು ಕೊಡಬೇಡಿ. ಕೋಪದಲ್ಲಿ ಆಡಿದ ಮಾತಿನಿಂದ ತೊಂದರೆ.
ಶುಭ: 5, 10, 16, 26, ಅಶುಭ: 2, 7, 12, 21
ಕಟಕ
ಅತಿಯಾದ ಕೆಲಸದಿಂದ ಬಳಲುವಿಕೆ. ಯಾರನ್ನೂ ದೋಷಿಸಬೇಡಿ. ಅನಗತ್ಯ ವಸ್ತುಗಳನ್ನು ಖರೀದಿಸಿ ಹಣ ಪೋಲು. ಉದ್ಯೋಗದಲ್ಲಿ ಕಿರಿಕಿರಿ.
ಶುಭ: 1, 10, 22, 29, ಅಶುಭ: 8, 15, 26
ಸಿಂಹ
ಮುಂದಿನ ವರ್ಷ ಆಸ್ತಿ ಕೊಳ್ಳುವಕಾಲ. ಅದಕ್ಕೆ ಈಗಿಂದಲೇ ಹಣ ಕೂಡಿಡಬೇಕು. ಮನೆಯಲ್ಲಿ ಹಿರಿಯರ ಆರೋಗ್ಯದ ಬಗ್ಗೆ ಕಾಳಜಿ ಇರಲಿ.
ಶುಭ: 2, 9, 23, 30, ಅಶುಭ: 7, 14, 16, 25
ಕನ್ಯಾ
ಉದ್ಯೋಗದಲ್ಲಿ ಸ್ವಲ್ಪ ಕಿರಿಕಿರಿ ಇದ್ದರೂ ಉನ್ನತಿ ಉಂಟು. ನಿದ್ದೆಯಲ್ಲಿ ತೊಂದರೆ. ಮಾತು ಕೊಟ್ಟು ಕೆಡದಿರಿ. ಸಾಧ್ಯವಾದಷ್ಟು ಮೃದುವಾಗಿ ಮಾತಾಡಿ.
ಶುಭ: 3, 10, 20, 24, ಅಶುಭ: 7, 12, 17, 31
ತುಲಾ
ಶುಭ ಸಮಯ. ಮನೆ ಕಟ್ಟುವಿರಿ. ವಾಹನ ಕೊಳ್ಳುವಿರಿ. ಮನೆಯಲ್ಲಿ ಮದುವೆ ನಡೆಯಲಿದೆ. ನಿಮ್ಮ ಏಳಿಗೆಯ ಮೇಲೆ ಜನರ ಕಣ್ಣು.
ಶುಭ: 1, 11, 19, 29, ಅಶುಭ: 8, 15, 18, 22
ವೃಶ್ಚಿಕ
ಆರೋಗ್ಯದಲ್ಲಿ ಏರುಪೇರು. ಮಾತಿನಿಂದ ನಿಮ್ಮ ಅಧಿಕಾರಿಯ ಮೆಚ್ಚುಗೆ ಪಡೆಯಬೇಕು. ಅದರಿಂದ ಉನ್ನತಿ ಇದೆ. ನಿಮಗಾಗಿ ಸಮಯ ಕೊಡಿ.
ಶುಭ: 2, 9, 16, 30, ಅಶುಭ: 6, 14, 23, 26
ಧನು
ಮಕ್ಕಳಿಗಾಗಿ ವೆಚ್ಚ ಹೆಚ್ಚುವುದು. ಅವರಿಂದ ನಿಮ್ಮ ನಿರೀಕ್ಷೆ ನಿಜವಾಗುವುದು. ಗಂಡ-ಹೆಂಡಿರಲ್ಲಿ ಕಿರಿಕಿರಿ. ದುಂದುವೆಚ್ಚವನ್ನು ತಡೆಯಿರಿ.
ಶುಭ: 3, 10, 17, 31, ಅಶುಭ: 6, 15, 24, 27
ಮಕರ
ಮಾತು ಹರಿತವಾಗಿ ಜಗಳ ಉಂಟಾಗುವುದು. ಹಿರಿಯರೊಂದಿಗೆ ಉತ್ತಮ ಬಾಂಧವ್ಯವಿರಲಿ. ವೃತ್ತಿ ಬದಲಾವಣೆ. ಉನ್ನತ ಸ್ಥಾನದ ನಿರೀಕ್ಷೆ.
ಶುಭ: 1, 8, 15, 25, ಅಶುಭ: 5, 12, 22, 29
ಕುಂಭ
ಶುಭ ಸಮಯ. ದಣಿವಿನಿಂದ ಸ್ವಲ್ಪ ಕಸಿವಿಸಿ. ಮನೆಯಲ್ಲಿ ಶುಭ ಕಾರ್ಯ. ಊಹೆಗಳಿಂದ ಅನುಮಾನ. ಅಸೂಯೆಗೆ ದಾರಿ ಮಾಡಿಕೊಳ್ಳಬೇಡಿ.
ಶುಭ: 5, 7, 15, 22, ಅಶುಭ: 1, 10, 20, 29
ಮೀನ
ಹೊರಗಡೆ ತಿರುಗಾಟ ಹೆಚ್ಚುವುದು. ಆರೋಗ್ಯಕ್ಕಾಗಿ ಖರ್ಚು. ಉದ್ಯೋಗದಲ್ಲಿ ಬದಲಾವಣೆ ಬಯಸಿ ಕಷ್ಟಕ್ಕೆ ಸಿಲುಕದಿರಿ.
ಶುಭ: 1, 8, 19, 29, ಅಶುಭ: 6, 16, 22, 25
ಮೇಷ
ವರ್ಷಾರಂಭದಲ್ಲಿ ಕಳೆದ ಸಂವತ್ಸರದಂತೆ ಸಿಹಿ ಫಲಗಳನ್ನೇ ಕಾಣುವಿರಿ. ಅಭೀಷ್ಟಾರ್ಥಾಗಮನದಿಂದಲೂ ಸ್ನೇಹ, ಸಹಾಯ, ಸೌಭಾಗ್ಯ ವರ್ಧನೆಯಿಂದಲೂ ಜೀವನ ಆಶಾದಾಯಕವಾಗಲಿದೆ. ವರ್ಷದ ಉತ್ತರಾರ್ಧದಲ್ಲಿ ಅಷ್ಟಮಕ್ಕೆ ಹೋಗುವ ಗುರುವಿನ ಪ್ರಭಾವದಿಂದಾಗಿ ಖರ್ಚು, ದುಃಖ, ನೋವುಗಳನ್ನು ಎದುರಿಸ ಬೇಕಾದರೂ ಭಾಗ್ಯದ ಶನಿಯಿಂದ ಸುಖ-ದುಃಖಗಳ ಮಿಶ್ರಫಲವನ್ನು ಹೊಂದುವಿರಿ. ತಂದೆ-ತಾಯಿ ಅಥವಾ ಪೋಷಕರ ಶುಶ್ರೂಷೆ, ಚಿಕಿತ್ಸೆ ಸಂಭವದಿಂದ ಆರ್ಥಿಕ ಸ್ಥಿತಿಯಲ್ಲಿ ಏರು– ಪೇರು ಕಾಣುವಿರಿ. ರಾಜಕೀಯ ಧುರೀಣರಿಗೆ ಬಿಡುವಿಲ್ಲದ ಕೆಲಸ ಕಾರ್ಯಗಳು ಅನಾರೋಗ್ಯಕ್ಕೆ ಕಾರಣವಾದೀತು. ಕಾರ್ಯಕ್ಷೇತ್ರದಲ್ಲಿ ಏನನ್ನೋ ಸಾಧಿಸಿದ ಹೆಮ್ಮೆ ನಿಮ್ಮದಾಗಲಿದೆ. ಮಹಾಗಣಪತಿಯನ್ನು ಅನನ್ಯ ಭಾವದಿಂದ ಆರಾಧಿಸಿ.
ವೃಷಭ
ಹಲವು ಬಗೆಯ ಆರ್ಥಿಕ ಒತ್ತಡಗಳಿಂದ, ಅನಾರೋಗ್ಯ ಮತ್ತು ಶತ್ರು ಪೀಡೆಗಳಿಂದ ಬೇಸತ್ತಿರುವ ನಿಮಗೆ ವರ್ಷದ ಉತ್ತರಾರ್ಧದಲ್ಲಿ ಸತ್ಫಲಗಳನ್ನು ಅನುಭವಿಸುವ ಯೋಗವಿದೆ. ಅಕ್ಟೋಬರ್ ನಂತರ ಅವಿವಾಹಿತರಿಗೆ ವಿವಾಹ ಭಾಗ್ಯ. ಪಿತ್ರಾರ್ಜಿತವಾಗಿ ಬಂದ ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ಕೃಷಿ ಕ್ಷೇತ್ರದಲ್ಲಿ ಇರುವವರಿಗೆ ಅಧಿಕ ಲಾಭ, ತರಕಾರಿ ಮಾರಾಟಗಾರರಿಗೆ ಕುಬೇರನ ಅನುಗ್ರಹವು ಸಿಗಲಿದೆ. ಶೀತ– ಕಫದಂತಹ ಬೇನೆಯನ್ನು ನಿರ್ಲಕ್ಷಿಸಬೇಡಿ. ಮಿತ್ರ-ಶತ್ರು, ಬಂಧು-ಬಾಂಧವರಲ್ಲಿ ಯಾವುದೇ ವಿಚಾರದಲ್ಲೂ ವಿರೋಧವನ್ನು ವ್ಯಕ್ತಪಡಿಸಬೇಡಿ. ಕಾರ್ಯ ಕ್ಷೇತ್ರದಲ್ಲಿ ಶಾಂತ ಚಿತ್ತದಿಂದ ಕಾರ್ಮಿಕರ ಮಾತುಗಳನ್ನು ಆಲಿಸಿ ಸೂಕ್ತ ಕ್ರಮ ಕೈಗೊಳ್ಳುವುದು ಒಳ್ಳೆಯದು. ಮನೆಯಲ್ಲಿ ಧಾರ್ಮಿಕ ಕಾರ್ಯಕ್ರಮ ಮಾಡಲು ತೀರ್ಮಾನಿಸುವಿರಿ. ತಾಯಿ ರಾಜರಾಜೇಶ್ವರಿಯ ದರ್ಶನ, ಸೇವೆಯನ್ನು ಮಾಡುವುದರಿಂದ ಯಶಸ್ಸಿದೆ.
ಮಿಥುನ
ಕಳೆದ ವರ್ಷವಿಡೀ ಸುಖದ ಸಾಗರದಲ್ಲಿ ಪ್ರಯಾಣಿಸಿದ ನೀವು ಈ ವರ್ಷವೂ ಪ್ರಯಾಣವನ್ನು ಮುಂದುವರಿಸುವಿರಿ. ಪಂಚಮದ ಗುರುವಿನ ಅನುಗ್ರಹದಿಂದಾಗಿ ಅಪೇಕ್ಷಿತ ದಂಪತಿಗಳಿಗೆ ಪುತ್ರಲಾಭ, ಇತರರಿಗೆ ಧಾರ್ವಿಕ ಕೃತ್ಯಗಳಿಂದ ಪುಣ್ಯ ಸಂಪಾದನೆ. ಎಣಿಕೆಯ ಕಾರ್ಯಗಳೆಲ್ಲ ದೈಹಿಕ ಶ್ರಮವಿಲ್ಲದೆ ಪೂರ್ಣಗೊಳ್ಳುವುದರಿಂದ ವರ್ಷದ ಮೊದಲ ಮೂರು ತಿಂಗಳು ಬಹು ಸಂತೋಷದಿಂದ ಕಳೆಯಲಿದ್ದೀರಿ. ಧನಾಗಮನಕ್ಕೇನೂ ಕೊರತೆಯಿರದು. ಆದರೆ ಸಂಗ್ರಹ ಪೂರ್ತಿ ಸೋರಿ ಹೋಗಬಹುದು. ಎಚ್ಚರಿಕೆ ಹೆಜ್ಜೆ ಹೆಜ್ಜೆಗೂ ಅಗತ್ಯವಿದೆ. ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಉತ್ತಮ ಪ್ರಗತಿಯಿದೆ. ಗಣಿತ ಶಿಕ್ಷಕರಿಗೆ, ಸಂಗೀತ ಸಾಧಕರಿಗೆ, ಕ್ರೀಡಾಪಟುಗಳಿಗೆ, ಚಿತ್ರಕಾರರಿಗೆ, ಪತ್ರಿಕೋದ್ಯಮಿಗಳಿಗೆ ಪುರಸ್ಕಾರಗಳನ್ನು ಪಡೆಯುವ ಕಾಲ ಒದಗಿ ಬರಲಿದೆ. ಸುಬ್ರಹ್ಮಣ್ಯನ ಕೃಪೆಗೆ ಪಾತ್ರರಾಗಿ ಇಷ್ಟಾರ್ಥಗಳನ್ನು ಸಂಪಾದಿಸಿಕೊಳ್ಳಿರಿ.
ಕಟಕ
ತ್ತಲೆಯ ಪ್ರಪಂಚದಲ್ಲಿರುವ ನಿಮ್ಮ ಜೀವನಕ್ಕೆ ದೂರದಲ್ಲೊಂದು ಸುಜ್ಯೋತಿ ಕಾಣಲಿದೆ. ಮೇಲಧಿಕಾರಿಗಳ ಕಿರುಕುಳದಿಂದ ಹೊರಬರುವ ಕಾಲ ಸಮೀಪದಲ್ಲಿದೆ. ವಿದ್ಯಾರ್ಥಿಗಳಿಗೆ ಪರಿಶ್ರಮಕ್ಕೆ ತಕ್ಕ ಫಲ ಸಿಗದಿದ್ದಲ್ಲಿ ದುಡುಕು ನಿರ್ಧಾರ ತೆಗೆದುಕೊಳ್ಳಬೇಡಿ. ಆಗಸ್ಟ್ ತಿಂಗಳಲ್ಲಿ ಪಿತ್ರಾರ್ಜಿತ ಆಸ್ತಿಗಳು ಅಥವಾ ಆರ್ಥಿಕ ಲಾಭಗಳು ದೊರಕಲಿವೆ. ಅಕ್ಟೋಬರ್ ತಿಂಗಳ ಕೊನೆಯಲ್ಲಿ ನೇತ್ರ ತಪಾಸಣೆ ಮಾಡಿಸಬೇಕಾದೀತು. ರೈತಾಪಿ ವರ್ಗದವರಿಗೆ, ಚಾಲಕ ವೃತ್ತಿಯವರಿಗೆ ಮತ್ತು ಕೈಗಾರಿಕೋದ್ಯಮಿಗಳಿಗೆ ದುಪ್ಪಟ್ಟು ಲಾಭ ಪಡೆಯುವ ಅವಕಾಶವಿದೆ. ತಂದೆ– ತಾಯಿಗೆ ತೀರ್ಥ ಯಾತ್ರೆ ಯೋಗವಿದೆ. ನಿಮ್ಮ ಚಾಣಾಕ್ಷತನದ ನಿರ್ಧಾರಗಳು ನಿಮ್ಮನ್ನು ಊರಿನ ತೂಕದ ವ್ಯಕ್ತಿಯನ್ನಾಗಿ ಮಾಡಲಿದೆ. ದುರ್ಗಾಪರಮೇಶ್ವರಿಯನ್ನು ಆರಾಧಿಸಿ ಶುಭ ಫಲಗಳನ್ನು ಪಡೆಯುವಿರಿ.
ಸಿಂಹ
ಪಂಚಮದ ಶನಿಯಿಂದಾಗಿ ಕಷ್ಟ ಕಾರ್ಪಣ್ಯಗಳನ್ನು ಎದುರಿಸುತ್ತಿರುವ ನಿಮಗೆ ಈ ವರ್ಷವು ಮಿಶ್ರ ಫಲವನ್ನು ಕೊಡಲಿದೆ. ಆನುವಂಶಿಕವಾದ ಬಹುಕಾಲದ ಬೇಡಿಕೆಯೊಂದು ಈಡೇರುವುದರಿಂದ ಕೊಂಚ ನೆಮ್ಮದಿ ಸಿಗಲಿದೆ. ಪ್ರವಾಸ, ಪುಣ್ಯಕ್ಷೇತ್ರ ದರ್ಶನಗಳು ಜರುಗಲಿವೆ. ಪ್ರಯಾಣದಲ್ಲಿ ವಂಚನೆ, ಚೌರ್ಯ, ನಷ್ಟದ ಪ್ರಸಂಗಗಳಿದ್ದು ಎಚ್ಚರಿಕೆಯಿಂದಿರಿ. ಕಿರಾಣಿ ಅಂಗಡಿ, ಇಟ್ಟಿಗೆ, ಕಬ್ಬಿಣ, ಯಂತ್ರಸಾಮಗ್ರಿಗಳ ಮಾರಾಟ ಏರುಗತಿಯಲ್ಲಿ ನಡೆದೀತು. ವಾಹನ ಖರೀದಿಯ ನಿಮ್ಮ ಆಲೋಚನೆ ನೆರವೇರಲಿದೆ. ನೀವು ಹಿಂದೆ ಮಾಡಿದ ತಪ್ಪುಗಳು ಪುನರಾವರ್ತನೆಯಾಗದಂತೆ ಎಚ್ಚರ ವಹಿಸಿದರೆ ಲೇಸು. ವರ್ಷದ ಕೊನೆಯ ತನಕ ಭಾಗ್ಯ ವೃದ್ಧಿಯಿದ್ದರೂ ರಕ್ತಸಂಬಂಧಿ ಕಾಯಿಲೆಯ ಲಕ್ಷಣ ಕಾಣಿಸೀತು. ದಾಂಪತ್ಯದಲ್ಲಿ ನೆಮ್ಮದಿ ಕಾಪಾಡಿಕೊಳ್ಳಿ. ದೈವಚಿಂತನೆಯನ್ನು ಬಿಡದಿರಿ.
ಕನ್ಯಾ
ಈ ವರ್ಷದ ಮೊದಲಾರ್ಧದಲ್ಲಿ ನೀವು ಮಾಡಿದ ಕೆಲಸಕ್ಕೆ ದುಪ್ಪಟ್ಟು ಸಂಪಾದನೆಯಾಗುವ ಯೋಗವಿದೆ. ಮಾತುಗಾರರಿಗೆ, ವಾಗ್ಮಿಗಳಿಗೆ, ಬೋಧಕ ವರ್ಗದವರಿಗೆ ವೃತ್ತಿಯಲ್ಲಿ ಮುಂಬಡ್ತಿ ಅಥವಾ ಸನ್ಮಾನಗಳು ದೊರಕಲಿದೆ. ಕೈತಪ್ಪಿ ಹೋದ ಹಣ ಕೈ ಸೇರುವುದು. ವಾತ-ಪಿತ್ಥಗಳ ವಿಚಾರದಲ್ಲಿ ನಿರ್ಲಕ್ಷ್ಯ ಬೇಡ. ಕರ-ಕುಶಲ ವಸ್ತುಗಳ ತಯಾರಿಕೆಯಲ್ಲಿ ಆಸಕ್ತಿ ಹೆಚ್ಚುವುದು, ಜೊತೆಗೆ ಲಾಭವೂ ಇದೆ. ತಂದೆ-ತಾಯಿಯ ಆರೋಗ್ಯದ ಕಡೆಗೆ ಗಮನ ಕೊಡುವುದು ಅನಿವಾರ್ಯವಾಗುವುದು. ವಿದ್ಯಾರ್ಥಿಗಳಿಗೆ ಶ್ರೇಯಸ್ಸು, ಮೇಧಾಶಕ್ತಿ ಹೆಚ್ಚಲಿದೆ. ಉನ್ನತ ವ್ಯಾಸಂಗಕ್ಕೆ ವಿದೇಶಯಾನದ ಅವಕಾಶವಿದೆ. ನಿಮ್ಮ ಸರ್ವತೋಮುಖ ಅಭಿವೃದ್ಧಿಗೆ ಸೋದರ ವರ್ಗದವರ ಬೆಂಬಲ ಸಿಗಲಿದೆ. ಹನುಮ ಸಮೇತನಾದ ಶ್ರೀರಾಮನ ಪರಿವಾರವನ್ನು ಆರಾಧಿಸಿ ಶ್ರೇಯೋವಂತರಾಗಿರಿ.
ತುಲಾ
ಕಳೆದ ವರ್ಷದಲ್ಲಿ ನೀವು ಅನುಭವಿಸಿದ ಸಮಸ್ತ ಸಮಸ್ಯೆಗಳಿಗೆ ಮುಕ್ತಿ ಸಿಗಲಿದೆ. ಖರ್ಚು, ವೆಚ್ಚಗಳು ವರ್ಷದ ಮೊದಲಾರ್ಧದವರೆಗೆ ಹಿಂದಿನಂತೆಯೇ ನಡೆಯಲಿವೆ. ಅಪವಾದದ ಆರೋಪ ಹೊತ್ತಿರುವ ನಿಮಗೆ ನ್ಯಾಯ ಸಿಗಲಿದೆ. ಮನೆಯಲ್ಲಿ ಮಂಗಳ ಕಾರ್ಯ ಜರುಗುವುದು. ವ್ಯಾಪಾರಿಗಳಿಗೆ ಲಾಭದಾಯಕ ಬೆಳವಣಿಗೆ. ಸೇವಕ ವರ್ಗದವರಿಗೆ, ಆರಕ್ಷಕರಿಗೆ, ತಾಂತ್ರಿಕರಿಗೆ ಉದ್ಯೋಗದಲ್ಲಿ ಸನ್ಮಾನ ಅಥವಾ ಮುಂಬಡ್ತಿ ದೊರಕಲಿದೆ. ಬಂಧು-ಬಾಂಧವರಲ್ಲಿ ತಾಳ್ಮೆಯಿಂದ ವರ್ತಿಸಿ. ಧಾರ್ಮಿಕ ವಿಚಾರದಲ್ಲಿ ಆಸಕ್ತಿ ತೋರಿದಷ್ಟೂ ಸುಖ-ಶಾಂತಿ ಹೆಚ್ಚುವುದು. ಋಣ ಬಾಧೆಯು ಕಾಡಬಹುದು. ಗೃಹ ನಿರ್ಮಾಣ ಆಲೋಚನೆಯು ಕಾರ್ಯರೂಪಕ್ಕೆ ಬರುವುದು. ಮಹಾಗಣಪತಿಯನ್ನು ಭಾವ ಪೂರ್ವಕವಾಗಿ ಪೂಜಿಸಿ ಪುಣ್ಯ ಸಂಪಾದನೆ ಮಾಡಿ.
ವೃಶ್ಚಿಕ
ಶನಿಯ ಪ್ರಭಾವದಿಂದ ಜೀವನದಲ್ಲಿ ಬೇಸರಗೊಂಡಿರುವ ನಿಮಗೆ ಹಂತ ಹಂತವಾಗಿ ಜೀವನೋಲ್ಲಾಸ ಬರಲಿದೆ. ಮನದಾಳದಲ್ಲಿ ಅಡಗಿರುವ ನಿಮ್ಮ ಚಿಂತೆಯೊಂದಕ್ಕೆ ಉತ್ತರ ದೊರಕಲಿದೆ. ಅಧಿಕಾರ ವರ್ಗಕ್ಕೆ ಕೈ ಕೆಳಗಿನವರ ಸಹಕಾರವಿಲ್ಲದೆ ಕಾರ್ಯಸಾಧನೆಯಲ್ಲಿ ತಲೆತಗ್ಗಿಸುವಂತಾದೀತು. ವ್ಯಯದ ಗುರು ಶತ್ರುಗಳನ್ನು ಉಂಟು ಮಾಡಿಯಾನು. ಒಂದು ಹೆಜ್ಜೆ ಇಡಬೇಕಾದರೇ ಹತ್ತು ಬಾರಿ ಯೋಚನೆ ಮಾಡುವುದು ಒಳ್ಳೆಯದು. ಸಹೋದರರ ಅಥವಾ ದಾಯಾದಿಗಳ ಭಿನ್ನಾಭಿಪ್ರಾಯದಿಂದ ನ್ಯಾಯಾಲಯದ ಮೆಟ್ಟಿಲು ಹತ್ತ ಬೇಕಾಗುವುದು. ಮಡದಿ ಮಕ್ಕಳ ಆರೋಗ್ಯದಲ್ಲಿ ಗಮನ ಹರಿಸುವುದು ಅಗತ್ಯ. ಚಿನ್ನಾಭರಣ, ಮುತ್ತು-ರತ್ನಗಳ ಮಾರಾಟ ಮಾಡುವವರಿಗೆ ಬಿಡುವಿಲ್ಲದ ವ್ಯಾಪಾರವಾಗಲಿದೆ. ಆಂಜನೇಯನನ್ನು ಧ್ಯಾನಿಸಿ. ಮಾನಸಿಕ ಧೈರ್ಯ ಮೂಡುವುದು.
ಧನು
ಸಾಡೇಸಾತಿನ ಬೇನೆಯಿಂದ ಬಳಲಿರುವ ನಿಮಗೆ ವರ್ಷದ ಮೊದಲಾರ್ಧದಲ್ಲಿ ಗುರುವಿನ ಅನುಗ್ರಹ ಸಿಗಲಿದೆ. ಲಾಭದ ಗುರು ಸರ್ವ ಕ್ಷೇತ್ರದಲ್ಲಿಯೂ ನಿಮ್ಮನ್ನು ವಿಜಯರನ್ನಾಗಿ ಮಾಡುತ್ತಾನೆ. ಮೀನುಗಾರರು, ಹೈನುಗಾರಿಕೆಯವರು, ಪಶು ಸಂಗೋಪನೆಯವರು ವೃತ್ತಿಯಲ್ಲಿ ಕಾಳಜಿ ವಹಿಸುವುದು ಒಳಿತು. ಧಾರ್ಮಿಕ ಕಾರ್ಯಗಳಲ್ಲಿ ಹಣ ವ್ಯಯವಾಗುವುದು. ವೈದ್ಯಕೀಯ ವೃತ್ತಿಯನ್ನು ಅನುಸರಿಸುವವರಿಗೆ ಆಯ-ವ್ಯಯ ಸಮತೋಲನದಲ್ಲಿದ್ದರೂ ಅಪವಾದದ ಭೀತಿ ಎದುರಾಗುವುದು. ಆನುವಂಶಿಕ ಆಸ್ತಿಯನ್ನು ಅನುಭವಿಸುವ ಯೋಗ ಬರಲಿದೆ. ಶತ್ರುಗಳು ಮಿತ್ರರಾಗಲು ಬಯಸಿ ಬರುತ್ತಾರೆ. ಲಾಟರಿಯಂತಹ ಯೋಜನೆಗಳು ಕಣ್ಣಾ-ಮುಚ್ಚಾಲೆಯಾಟ ನಡೆಸಿದರೂ ನಿಮಗೆ ಜಯವಿದೆ. ‘ಸತ್ಯ ವಾಕ್ಯಕೆ ತಪ್ಪಿ ನಡೆದರೆ ಮೆಚ್ಚನಾ ಪರಮಾತ್ಮನು’ ಎಂಬ ಮಾತನ್ನು ನೆನಪಿನಲ್ಲಿ ಇಟ್ಟುಕೊಳ್ಳುವುದು ಒಳ್ಳೆಯದು
ಮಕರ
ಕಳೆದ ಸಂವತ್ಸರದಂತೆಯೇ ಈ ಸಂವತ್ಸರದಲ್ಲೂ ಕೂಡ ಸುಖ-ದುಃಖದ ಸಮ ಫಲವನ್ನು ಹೊಂದುವಿರಿ. ಉದ್ಯೋಗಾನ್ವೇಷಿಗಳಿಗೆ ವಿದ್ಯೆಗೆ ತಕ್ಕಂತೆ ಉದ್ಯೋಗಗಳು ದೊರಕಲಿವೆ. ಉದ್ಯೋಗಸ್ಥರಿಗೆ ವಿದೇಶ ಪ್ರವಾಸದ ಯೋಗವಿದೆ. ಉಪಾಹಾರ ಮಂದಿರ, ತಂಪುಪಾನೀಯದ ಅಂಗಡಿಯವರಿಗೆ ಈ ಸಂವತ್ಸರವು ಸುಗ್ಗಿ ಹಬ್ಬದಂತಾಗುವುದು. ಗುತ್ತಿಗೆದಾರರಿಗೆ ಬಿಡುವಿಲ್ಲದಂತಾದೀತು. ಜೂನ್– ಜುಲೈನಲ್ಲಿ ಕನ್ಯಾನ್ವೇಷಿಗಳಿಗೆ ಸುಸಮಯವಿದ್ದು ವಿವಾಹ ನಿಶ್ಚಿತಾರ್ಥ ನಡೆಯುವುದು. ಬಂಧುಗಳ ಸಲಹೆ-ಸಹಕಾರ ನೂತನ ಕಾರ್ಯಗಳಿಗೆ ಉತ್ತಮ ಫಲ ಕೊಡುವುದು. ಶ್ರಮ ಜೀವಿಗಳಾದ ನಿಮಗೆ ಗುರು-ಹಿರಿಯರ ಆಶೀರ್ವಾದವಿದ್ದರೆ ಶ್ರಮಕ್ಕೆ ತಕ್ಕ ಪ್ರತಿಫಲವನ್ನು ಅಪೇಕ್ಷಿಸಬಹುದು. ರಾಜಕೀಯ ವ್ಯಕ್ತಿಗಳಿಗೆ ಜನ ಬೆಂಬಲ ಸಿಗುವುದು. ದಾನ ಧರ್ಮದ ಮಾರ್ಗದಲ್ಲಿ ನಡೆಯುವುದರಿಂದ ಗುರಿ ತಲುಪಬಹುದು.
ಕುಂಭ
ನಿಮಗೀವರ್ಷ ಸ್ವರ್ಗಕ್ಕೆ ಮೂರೇ ಗೇಣು ಎಂಬುವ ಅನುಭವ ಸಿಗಲಿದೆ. ಸಾಹಿತಿಗಳಿಗೆ, ಸಂಶೋಧಕರಿಗೆ ರಾಜ್ಯ-ರಾಷ್ಟ್ರ ಮಟ್ಟದಲ್ಲಿ ಗೌರವ ಸಿಗಲಿದೆ. ಕಟ್ಟಡ ರಚನೆಯಂತಹ ಕಾರ್ಯಗಳು ಭರದಿಂದ ಸಾಗಲಿವೆ. ವ್ಯವಹಾರದಲ್ಲಿ ಲಾಭವಿದ್ದು ಶತ್ರುಗಳ ಕಾಟದಿಂದ ಬಂದ ಲಾಭ ಲಂಚಕೋರರ ಪಾಲಾಗಲಿದೆ. ಸಿನಿಮಾ ನಟರಿಗೆ ಈ ವರ್ಷವು ಹಲವು ಪಾಠವನ್ನು ಕಲಿಸಿ ಗೌರವಾನ್ವಿತ ವ್ಯಕ್ತಿಯನ್ನಾಗಿ, ಕೀರ್ತಿವಂತನನ್ನಾಗಿ, ಧನವಂತನನ್ನಾಗಿ ಮಾಡುವುದು. ಚಿನ್ನಾಭರಣ, ಭೂಮಿ, ವಾಹನ ಖರೀದಿಗೆ ಈ ವರ್ಷ ಸುಸಮಯ. ಹಿಂದಿನ ಕುಟುಂಬ ಕಲಹಗಳು ರಾಜಿಯಲ್ಲಿ ತೀರ್ಮಾನಗೊಳ್ಳಲಿವೆ. ಸ್ನೇಹಪರ ಸ್ವಭಾವದಿಂದಾಗಿ ವೈಯಕ್ತಿಕ ಸ್ಥಾನ– ಮಾನ ಲಭಿಸುವುದು. ಊರಿನ ಅಭಿವೃದ್ಧಿಗೆ ನಿಮ್ಮಿಂದ ಅಡಿಪಾಯ ಹಾಕುವಂತಹ ಕೆಲಸ ಕಾರ್ಯಗಳು ಜರುಗುವವು. ಸುಬ್ರಹ್ಮಣ್ಯನನ್ನು ಆರಾಧಿಸಿ ಇಷ್ಟಾರ್ಥಗಳನ್ನು ಪಡೆಯಿರಿ.
ಮೀನ
ಸುಖದ ಅಂಗಳದಲ್ಲಿರುವ ನೀವು ಈ ವರ್ಷದ ಅರ್ಧದವರೆಗೆ ರಾಜಪುತ್ರರಂತೆ ಇರುವಿರಿ. ಗೃಹೋಪಯೋಗಿ ವಸ್ತುಗಳ ಮಾರಾಟಗಾರರಿಗೆ, ಶಿಲ್ಪಿಗಳಿಗೆ, ಸಮುದ್ರೋತ್ಪನ್ನಗಳ ಮಾರಾಟಗಾರರಿಗೆ ವೃತ್ತಿಯಲ್ಲಿ ಲಾಭ. ಸಂಘ– ಸಂಸ್ಥೆಗಳ ಪದಾಧಿಕಾರ ದೊರಕುವುದು. ಸುಖ ಸಂಪತ್ತಿನ ಜೊತೆಯಲ್ಲಿ ಚಿಂತೆಯು ನಿದ್ದೆಗೆಡಿಸುತ್ತದೆ. ಪಿತೃವರ್ಗದಲ್ಲಿ ಆರೋಗ್ಯ ನಷ್ಟದಿಂದಾಗಿ ಆಸ್ಪತ್ರೆಯ ತಿರುಗಾಟದ ಕ್ಲೇಶ. ಅವಿವಾಹಿತರಿಗೆ ಕಂಕಣ ಭಾಗ್ಯ. ಸೇವಕ ವರ್ಗದವರಿಗೆ ಆದಾಯ ಹೆಚ್ಚಿದಂತೆ ಕೆಲಸದ ವಿಸ್ತೀರ್ಣವೂ ಹೆಚ್ಚುವುದು. ಪರ್ವತಾರೋಹಿಗಳಿಗೆ, ಕ್ರೀಡಾಪಟುಗಳಿಗೆ, ಸಾಧನೆಯ ಅವಕಾಶ ಸಿಕ್ಕಿದರೂ ಅನಾರೋಗ್ಯ ಎದುರಾಗಬಹುದು. ವೃತ್ತಿಗಿಂತ ಪ್ರವೃತ್ತಿಯಲ್ಲಿ ಆಸಕ್ತಿ ಹೆಚ್ಚಲಿದೆ. ಮಕ್ಕಳ ವಿದ್ಯಾಭ್ಯಾಸದ ಪ್ರಗತಿಯಿಂದ ಹರ್ಷ. ಮಲ್ಲಿಕಾರ್ಜುನನ ಸೇವೆಯಿಂದ ಆರೋಗ್ಯ ಭಾಗ್ಯ ಮತ್ತು ನೆಮ್ಮದಿ.
