ಗ್ರಾಮದಲ್ಲಿ ನಿರ್ಭಯವಾಗಿ ಓಡಾಡಿದ ಆನೆ

ಹಾಸನ: ಸಕಲೇಶಪುರ ತಾಲ್ಲೂಕಿನ ಬೆಲಗೂಡು ಹೋಬಳಿಯ ಈಶ್ವರಹಳ್ಳಿಯಲ್ಲಿ ಸೋಮವಾರ ಬೆಳಿಗ್ಗೆ ಒಂಟಿ ಆನೆಯೊಂದು ನಿರ್ಭಯವಾಗಿ ಓಡಾಡಿದೆ.

‘ಭೀಮ’ ಎಂದು ಹೆಸರಿಟ್ಟಿರುವ ಈ ಕಾಡಾನೆಯು, ಏಕಾಏಕಿ ಗ್ರಾಮದೊಳಗೆ ನುಗ್ಗಿದ್ದರಿಂದ ಗ್ರಾಮಸ್ಥರು ಭೀತಿಗೆ ಒಳಗಾದರು. 

ಮಲೆನಾಡಿನಲ್ಲಿ ಇದೀಗ ನಿತ್ಯ ಆನೆಗಳ ದರ್ಶನ ಆಗುತ್ತಿದೆ. ಭತ್ತದ ಕಟಾವು ಮಾಡಿರುವುದರಿಂದ ಮೇವು ಸಿಗುತ್ತಿದ್ದು, ಆನೆಗಳು ಗ್ರಾಮಗಳು, ತೋಟ, ಗದ್ದೆಗಳಿಗೆ ಲಗ್ಗೆ ಇಡುತ್ತಿವೆ.