ಎಲೆಕೋಸು ನಾಶಪಡಿಸಿದ ಬೇಲೂರಿನ ರೈತ

₹ 75 ಸಾವಿರ ವೆಚ್ಚದಲ್ಲಿ ಬೆಳೆದ ಎಲೆಕೋಸನ್ನು ಕೊಳ್ಳಲು ಯಾರೂ ಮುಂದೆ ಬಂದಿರಲಿಲ್ಲ. ಅಪರೂಪಕ್ಕೆ ಬಂದವರು ಕೂಡ ಪ್ರತಿ ಕೆ.ಜಿ ಕೋಸಿಗೆ 50ಪೈಸೆಯಿಂದ ₹ 1 ದರದಲ್ಲಿ ಕೇಳುತ್ತಿದ್ದರು. ತಾವೇ ಖುದ್ದಾಗಿ ಎಪಿಎಂಸಿಗೆ ಕೊಂಡೊಯ್ದಾಗಲೂ ದಲ್ಲಾಳಿಗಳು 50 ಚೀಲ ಎಲೆಕೋಸನ್ನು ₹ 500 ದರದಲ್ಲಿ ಕೇಳಿದ್ದರು. ಹೀಗಾಗಿ ಅದನ್ನು ಅಲ್ಲಿಯೇ ಬಿಟ್ಟುಬಂದಿದ್ದರು. ಇದರಿಂದ ಬೇಸತ್ತ ಅವರು, ಬುಧವಾರ ತಮ್ಮ ಮಗನೊಂದಿಗೆ ಟ್ರಾಕ್ಟರ್‌ನಿಂದ ಬೆಳೆ ನಾಶಪಡಿಸಿದರು.

‘ಎರಡು ವರ್ಷಗಳಿಂದ ನಷ್ಟ ಅನುಭವಿಸುತ್ತಿದ್ದೇನೆ. ಶುಂಠಿ ಬಿತ್ತನೆ ಮಾಡಿದಾಗಲೂ ನಷ್ಟವಾಗಿತ್ತು. ಈಗ ಕೋಸು ಬೆಳೆದರೂ ಪ್ರಯೋಜನವಾಗಲಿಲ್ಲ‘ ಎಂದು ಸತ್ಯನಾರಾಯಣ ಅಳಲು ತೋಡಿಕೊಂಡರು.