‘ಹಾಸನಾಂಬ ಮಹಿಮೆ’ ಧ್ವನಿ ಸುರುಳಿ ಬಿಡುಗಡೆ 10ಕ್ಕೆ

7
26ಕ್ಕೆ ರಾಜ್ಯದಾದ್ಯಂತ ಚಿತ್ರ ಬಿಡುಗಡೆ

‘ಹಾಸನಾಂಬ ಮಹಿಮೆ’ ಧ್ವನಿ ಸುರುಳಿ ಬಿಡುಗಡೆ 10ಕ್ಕೆ

Published:
Updated:

ಹಾಸನ: ಜಿಲ್ಲೆಯ ಅಧಿದೇವತೆ ಕುರಿತು ಹಾಸನಾಂಬ ಸಿನಿ ಕ್ರಿಯೇಷನ್‌ ನಿರ್ಮಿಸಿರುವ ‘ಶ್ರೀ ಹಾಸನಾಂಬ ಮಹಿಮೆ’ ಚಿತ್ರದ ಹಾಡುಗಳನ್ನು ಅ. 10ರಂದು ಆದಿಚುಂಚನಗಿರಿ ಕಲ್ಯಾಣ ಮಂಟಪದಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ಚಿತ್ರದ ನಿರ್ದೇಶಕ ಓಂಕಾರಸ್ವಾಮಿ ಹೇಳಿದರು.

ಕೆಲ ದಿನಗಳಲ್ಲಿ ಹಾಸನಾಂಬ ಜಾತ್ರಾ ಮಹೋತ್ಸವ ನಡೆಯಲಿದ್ದು, ದೇವಿಯ ಚರಿತ್ರೆಯನ್ನು ರಾಜ್ಯದ ಜನರಿಗೆ ತಿಳಿಸುವ ಉದ್ದೇಶದಿಂದ ಚಲನಚಿತ್ರ ನಿರ್ಮಿಸಲಾಗಿದೆ. ಅ. 26 ರಂದು ಚಿತ್ರ ರಾಜ್ಯದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಪ್ರಮುಖ ಪಾತ್ರಗಳಲ್ಲಿ ಪೂಜಾಗಾಂಧಿ, ತಾರ, ಶುಭಪೂಂಜ, ಶ್ರೀನಿವಾಸ್ ಮೂರ್ತಿ, ರಮೇಶ್ ಭಟ್, ಬಣಕಲ್ ಮೂರ್ತಿ ಅಭಿನಯಿಸಿದ್ದಾರೆ. ಛಾಯಾಗ್ರಹಣ ಗೌರಿ ವೆಂಕಟೇಶ್, ಚೆನೈನ ಹೈಟೆಕ್ ಮಂಜು ನೃತ್ಯ ನಿರ್ದೇಶನ, ಸಿ.ಎಚ್.ಕುಮಾರ್ ಸಂಕಲನ ಹಾಗೂ ರಾಜ್ ಭಾಸ್ಕರ್‌ ಸಾಹಿತ್ಯ ಬರೆದಿದ್ದಾರೆ ಎಂದು ವಿವರಿಸಿದರು.

ಪ್ರಸ್ತುತ ಐತಿಹಾಸಿಕ ಮತ್ತು ಅಧ್ಯಾತ್ಮ ಚಿತ್ರಗಳನ್ನು ನಿರ್ಮಾಣ ಮಾಡುವುದು ಅತ್ಯಂತ ಕಷ್ಟದ ಕೆಲಸ. ಜತೆಗೆ ಚಿತ್ರಮಂದಿಗಳಿಗೆ ಬಂದು ಚಲನಚಿತ್ರ ವೀಕ್ಷಿಸುವವರ ಸಂಖ್ಯೆಯೂ ವಿರಳವಾಗುತ್ತಿದ್ದು, ನಿರ್ಮಾಪಕರು ನಷ್ಟ ಅನುಭವಿಸುವುದೇ ಹೆಚ್ಚಾಗಿದೆ ಎಂದರು.

ಚಿತ್ರವನ್ನು ಹಾಸನ, ಬೆಂಗಳೂರು, ಸಕಲೇಶಪುರ ಹಾಗೂ ಬೆಂಗಳೂರಿನ ಕಂಠಿರವ ಸ್ಟುಡಿಯೋದಲ್ಲಿ ಚಿತ್ರಿಕರಿಸಲಾಗಿದೆ ಎಂದು ತಿಳಿಸಿದರು.

ಚಿತ್ರದ ನಿರ್ಮಾಪಕ ಪ್ರಕಾಶ್, ಕರ್ನಾಟಕ ರಕ್ಷಣಾ ವೇದಿಕೆ ಜಿಲ್ಲಾ ಅಧ್ಯಕ್ಷ ಸಿ.ಡಿ.ಮನುಕುಮಾರ್, ಸತ್ಯನಾರಾಯಣ್ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !