ಮಳೆಗೆ ಕುಸಿದ ಸ್ಮಾರಕ: ರಕ್ಷಿಸಲು ಮನವಿ

ಮಂಗಳವಾರ, ಜೂನ್ 18, 2019
25 °C
ಬಾಣಾವಾರದ ಕೋಟೆಯ ಗೋಡೆಗೆ ಹಾನಿ

ಮಳೆಗೆ ಕುಸಿದ ಸ್ಮಾರಕ: ರಕ್ಷಿಸಲು ಮನವಿ

Published:
Updated:
Prajavani

ಬಾಣಾವರ: ಕಳೆದ ವಾರ ಬಿದ್ದ ಮಳೆಗೆ ಸಾವಿರಾರು ವರ್ಷ ಹಳೆಯದಾದ ಕೋಟೆಯ ಗೋಡೆಯೊಂದರ ಭಾಗ ಕುಸಿತು ಬಿದ್ದಿದೆ.

ಪಟ್ಟಣದ ಕೋಟೆ ಬಡಾವಣೆಯ ದೇವಾಲಯ ರಸ್ತೆಯಲ್ಲಿರುವ ಈ ಕೋಟೆಯನ್ನು ಪಾಳೆಗಾರರು ತಮ್ಮ ರಾಜ್ಯ ರಕ್ಷಣೆಗಾಗಿ ನಿರ್ಮಿಸಿಕೊಂಡಿದ್ದರಂತೆ. ನಂತರ ಕ್ರಿ.ಶ. 10ರಿಂದ 14ನೇ ಶತಮಾನದವರೆಗೆ ಆಳಿದ ಹೊಯ್ಸಳರ ಕಾಲದಲ್ಲಿ ಸೈನಿಕರ ತಂಗುದಾಣವಾಗಿ, ಆಯುಧಗಾರವಾಗಿ ಯುದ್ಧ ಚಟುವಟಿಕೆಗಳಿಗೆ ಬಾಣಾವೂರು ಎಂಬ ಹೆಸರಿನ ಕೇಂದ್ರವಾಗಿತ್ತು. ಬೃಹದಾಕಾರದ ಕೋಟೆಯನ್ನೇ ಉಗ್ರಾಣವಾಗಿಸಿಕೊಂಡು ಆಯುಧಗಾರವನ್ನಾಗಿ ಮಾಡಿಕೊಂಡಿದ್ದರು ಎಂದು ಇತಿಹಾಸದಿಂದ ತಿಳಿಯುತ್ತದೆ.

ಹೊಯ್ಸಳರ ತರುವಾಯ ವಿಜಯನಗರ ಇಕ್ಕೇರಿ ಅರಸರು, ನಂತರ ಮೈಸೂರು ಅರಸು ಚಿಕ್ಕದೇವರಾಜ ಅರಸರ (1690) ಆಳ್ವಿಕೆಗೆ ಒಳಪಟ್ಟಂತಹ ಬಾಣಾವರದಲ್ಲಿ ಕೋಟೆ ಕಾಲ ಕ್ರಮೇಣ ಶಿಥಿಲಗೊಂಡಿತ್ತು. ಊರಿನ ನಡುವೆ ಇದ್ದ ಕೋಟೆ– ಉಗ್ರಾಣ ಈಚೆಗೆ ಬಿದ್ದ ಭಾರಿ ಮಳೆಗೆ ಒಂದು ಭಾಗ ಕುಸಿದು ಬಿದ್ದಿದ್ದು ಗ್ರಾಮದ ಐತಿಹಾಸಿಕ ಸ್ಮಾರಕಕ್ಕೆ ಧಕ್ಕೆಯಾಗಿದೆ.

ಐತಿಹಾಸಿಕ ಪರಂಪರೆಯ ಕುರುಹಾದ ಇದನ್ನು ಸಂಬಂಧಪಟ್ಟ ಇಲಾಖೆಯವರು ದುರಸ್ತಿ ಮಾಡಿ ರಕ್ಷಿಸಬೇಕು ಎಂದು ಗ್ರಾಮಸ್ಥರು ಮನವಿ ಮಾಡಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !