ಪಟ್ಟಣದ ಕೋಟೆ ಬಡಾವಣೆಯ ದೇವಾಲಯ ರಸ್ತೆಯಲ್ಲಿರುವ ಈ ಕೋಟೆಯನ್ನು ಪಾಳೆಗಾರರು ತಮ್ಮ ರಾಜ್ಯ ರಕ್ಷಣೆಗಾಗಿ ನಿರ್ಮಿಸಿಕೊಂಡಿದ್ದರಂತೆ. ನಂತರ ಕ್ರಿ.ಶ. 10ರಿಂದ 14ನೇ ಶತಮಾನದವರೆಗೆ ಆಳಿದ ಹೊಯ್ಸಳರ ಕಾಲದಲ್ಲಿ ಸೈನಿಕರ ತಂಗುದಾಣವಾಗಿ, ಆಯುಧಗಾರವಾಗಿ ಯುದ್ಧ ಚಟುವಟಿಕೆಗಳಿಗೆ ಬಾಣಾವೂರು ಎಂಬ ಹೆಸರಿನ ಕೇಂದ್ರವಾಗಿತ್ತು. ಬೃಹದಾಕಾರದ ಕೋಟೆಯನ್ನೇ ಉಗ್ರಾಣವಾಗಿಸಿಕೊಂಡು ಆಯುಧಗಾರವನ್ನಾಗಿ ಮಾಡಿಕೊಂಡಿದ್ದರು ಎಂದು ಇತಿಹಾಸದಿಂದ ತಿಳಿಯುತ್ತದೆ.
