ಮೂಕ ಜೋಡಿ ದಾಂಪತ್ಯ ಗೀತೆ

ಬುಧವಾರ, ಜೂನ್ 19, 2019
22 °C
ವರ ಖಾಸಗಿ ಕಂಪನಿ ನೌಕರ, ವಧು ಟೈಲರ್

ಮೂಕ ಜೋಡಿ ದಾಂಪತ್ಯ ಗೀತೆ

Published:
Updated:
Prajavani

ಹಾಸನ: ಹುಟ್ಟಿನಿಂದಲೂ ಅವರದ್ದು ಮೌನ ಬದುಕು. ಅವರ ಜೀವನದಲ್ಲಿ ಈಗ ಮದುವೆ ಸಂಭ್ರಮ.

ಆಲೂರು ಪಟ್ಟಣದ ಕಲ್ಯಾಣ ಮಂಟಪದಲ್ಲಿ ಮೂಕ ಜೋಡಿಯೊಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿತು.

ಮಂಡ್ಯ ಜಿಲ್ಲೆ ವೈಯಾರಹಳ್ಳಿ ಗ್ರಾಮದ ಮಾದಯ್ಯ ಅವರ ಮಗ ವೈ.ಎಂ.ಮಹೇಶ್‌ ಮತ್ತು ಪಾಳ್ಯ ಹೋಬಳಿ ಗುಂಡನಬೆಳ್ಳೂರು ಗ್ರಾಮದ ಮಂಜಣ್ಣ ಅವರ ಮಗಳು ಪವಿತ್ರಾ ಹಿರಿಯರ ಸಮ್ಮುಖದಲ್ಲಿ ಸತಿ– ಪತಿ ಆದರು.

ಮಹೇಶ್‌ ರಾಜ್ಯಮಟ್ಟದ ವಾಲಿಬಾಲ್‌ ಪಟುವಾಗಿದ್ದು, ಇತ್ತೀಚೆಗೆ ದೆಹಲಿಯಲ್ಲಿ ನಡೆದ ಪಂದ್ಯದಲ್ಲಿ ಭಾಗವಹಿಸಿದ್ದರು. ಇವರ ಪೋಷಕರಾದ ಮಾದಯ್ಯ ದಂಪತಿ ಕೂಲಿ ಮಾಡಿ ಜೀವನ ಸಾಗಿಸುತ್ತಿದ್ದಾರೆ.

ಮಹೇಶ್‌ ಐಟಿಐ ಓದಿ ಮೈಸೂರಿನ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ವಧು ಪವಿತ್ರಾ ಅವರ ತಂದೆ ಮಂಜಣ್ಣ ಅವರಿಗೆ ಮೂವರು ಹೆಣ್ಣು ಮಕ್ಕಳು. ದುರದೃಷ್ಟವಶಾತ್‌ ಮೂವರಲ್ಲಿ ಮೊದಲ ಎರಡು ಮಕ್ಕಳೂ ಮೂಕರು. ಹಿರಿಯ ಮಗಳೇ ಪವಿತ್ರಾ. ಎರಡನೇ ಮಗಳು ಸುಚಿತ್ರಾಳೂ ಮೂಕಳಾಗಿದ್ದು, ಮೈಸೂರಿನ ಖಾಸಗಿ ಮೂಗರ ಶಾಲೆಯಲ್ಲಿ ದ್ವಿತೀಯ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದಾಳೆ.

ಸಕಲೇಶಪುರದ ಕೌಡಳ್ಳಿಯ ಮೂಕರ ಶಾಲೆಯಲ್ಲಿ ಎಸ್ಸೆಸ್ಸೆಲ್ಸಿವರೆಗೆ ವ್ಯಾಸಂಗ ಮಾಡಿರುವ ಪವಿತ್ರಾ, ಟೈಲರಿಂಗ್‌ ವೃತ್ತಿ ಮಾಡಿಕೊಂಡಿದ್ದಾರೆ. ಮೂರನೇ ಮಗಳು ಸುಪ್ರಿತಾ ಐದನೇ ತರಗತಿ ಓದುತ್ತಿದ್ದಾಳೆ.

ಸಕಲೇಶಪುರದಲ್ಲಿ ನಡೆದ ಮದುವೆ ಒಂದರಲ್ಲಿ ಎರಡೂ ಕುಟುಂಬದವರು ಭೇಟಿಯಾಗಿ, ಮಾತುಕತೆ ನಡೆಸಿ ವಿವಾಹ ನೆರವೇರಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !