ಸೃಜನಶೀಲತೆ ಹೆಚ್ಚಿಸುವ ಲಲಿತ ಕಲೆ

6
ಚಿತ್ರಕಲೆ ಸ್ಪರ್ಧೆ ವಿಜೇತರಿಗೆ ಬಹುಮಾನ

ಸೃಜನಶೀಲತೆ ಹೆಚ್ಚಿಸುವ ಲಲಿತ ಕಲೆ

Published:
Updated:
Deccan Herald

ಹಾಸನ : ‘ಲಲಿತ ಕಲೆಗಳು ಸೃಜನಶೀಲತೆ ಹೆಚ್ಚಿಸುವುದರ ಜತೆಗೆ ಬುದ್ಧಿ ಮಟ್ಟ ವೃದ್ಧಿಸುವಲ್ಲಿ ಸಹಕಾರಿಯಾಗಿವೆ’ ಎಂದು ಕಲಾವಿದ ಬಾಬುರಾವ್ ನಡೋಣಿ ತಿಳಿಸಿದರು.

ನಗರದ ಮಲೆನಾಡು ಎಂಜಿನಿಯರಿಂಗ್ ಕಾಲೇಜಿನ ಸಭಾಂಗಣದಲ್ಲಿ ಶಾಂತಲಾ ಚಿತ್ರಕಲಾ ವಿದ್ಯಾಲಯದ ಆಶ್ರಯದಲ್ಲಿ ಆಯೋಜಿಸಿದ್ದ ಸಮೂಹ ಚಿತ್ರಕಲಾ ಪ್ರದರ್ಶನ ಸಮಾರೋಪ ಸಮಾರಂಭದಲ್ಲಿ ಮಾತನಾಡಿದರು.
ಮಾನವನ ಬದುಕಿಗೆ ಚಿತ್ರಕಲೆ ಅವಿಭಾಜ್ಯ ಅಂಗವಾಗಿದೆ. ನಾಗರೀಕತೆಯ ಬೆಳವಣಿಗೆಯನ್ನು ಚಿತ್ರಕಲೆಯಲ್ಲಿ ಗುರುತಿಸಬಹುದು ಎಂದರು.

ಲೇಖಕ ಗೊರೂರು ಅನಂತರಾಜು ಮಾತನಾಡಿ, ಸಾಹಿತ್ಯಕ್ಕೆ ಚಿತ್ರಕಲೆಯು ಪೂರಕ ಮಾಧ್ಯಮ. ನೂರಾರು ಪುಟಗಳ ಒಂದು ಪುಸ್ತಕದ ಮುಖಪುಟ ಕೃತಿಯ ಒಳನೋಟವನ್ನು ಸೂಚಿಸಬಲ್ಲದು. ಶಾಲಾ ಮಕ್ಕಳು ಚಿತ್ರ ಬಿಡಿಸುವ ಹವ್ಯಾಸ ಬೆಳೆಸಿಕೊಂಡಲ್ಲಿ ವಿಜ್ಞಾನ ವಿಷಯದಲ್ಲಿ ಹೆಚ್ಚು ಅಂಕ ಗಳಿಸಬಹುದು ಎಂದು ಅಭಿಪ್ರಾಯಪಟ್ಟರು.

ಪತ್ರಕರ್ತ ಆರ್.ಪಿ.ವೆಂಕಟೇಶಮೂರ್ತಿ ಮಾತನಾಡಿ, ಹಾಸನದಲ್ಲಿ ಚಿತ್ರಕಲೆ ಪ್ರದರ್ಶನಕ್ಕೆ ಸೂಕ್ತವಾದ ಕಲಾ ಗ್ಯಾಲರಿ ಅಗತ್ಯವಿದೆ. ಚಿತ್ರಕಲೆ, ಸಂಗೀತದ ಬಗ್ಗೆ ಅಧ್ಯಯನ ಮಾಡಿ ವಿಮರ್ಶೆ ಬರೆಯುವವರ ಕೊರತೆ ಇದೆ. ಪತ್ರಿಕೆ ಓದುಗರ ಸಂಖ್ಯೆ ಇಳಿಮುಖವಾಗುತ್ತಿದೆ ಎಂದು ವಿಷಾದಿಸಿದರು.

ಚಿತ್ರಕಲಾ ಸ್ಪರ್ಧೆಯಲ್ಲಿ ವಿಜೇತರಾದ ವಿದ್ಯಾರ್ಥಿಗಳಿಗೆ ಶಾಸಕ ಪ್ರೀತಂ ಜೆ.ಗೌಡ ಬಹುಮಾನ ವಿತರಿಸಿದರು. ಕಾಲೇಜಿನ ಡೀನ್ ಎಸ್.ಎನ್.ರವಿಶಂಕರ್, ಉಪ ಪ್ರಾಂಶುಪಾಲ ಎಂ.ಎಸ್. ರವಿಪ್ರಕಾಶ್, ಪ್ರಜ್ಞಾ ಇಂಗ್ಲಿಷ್‌ ಶಾಲೆಯ ಕಾರ್ಯದರ್ಶಿ ನಟರಾಜ್, ಬೆಳಗಾಂನ ವೈ.ಬಿ.ಆಶಾರಾಣಿ, ವಸಂತಕುಮಾರ್ ಇದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !