ಕಸಮುಕ್ತ ದೇಶದ ಸಂಕಲ್ಪ ಅಗತ್ಯ: ಶಿಲ್ಪಾನಾಗ್‌

7

ಕಸಮುಕ್ತ ದೇಶದ ಸಂಕಲ್ಪ ಅಗತ್ಯ: ಶಿಲ್ಪಾನಾಗ್‌

Published:
Updated:
Deccan Herald

ಹಾವೇರಿ: ಮನ ಪರಿವರ್ತನೆಯಿಂದ ದೇಶದ ಸ್ವಚ್ಛತೆ ಸಾಧ್ಯ. ಎಲ್ಲರೂ ಇದಕ್ಕೆ ಕೈಜೋಡಿಸಿ ಹಾವೇರಿ ಜಿಲ್ಲೆಯನ್ನು ಹಾಗೂ ದೇಶವನ್ನು ಕಸಮುಕ್ತವಾಗಿಸಲು ನಾವೆಲ್ಲರೂ ಸಂಕಲ್ಪ ಮಾಡೋಣ ಎಂದು ಜಿಲ್ಲಾ ಪಂಚಾಯ್ತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶಿಲ್ಪಾನಾಗ್‌ ಹೇಳಿದರು.

ಹಾನಗಲ್‌ ತಾಲ್ಲೂಕು ಆಡೂರು ಗ್ರಾಮದ ಸರ್ಕಾರಿ ಪ್ರೌಢಶಾಲೆಯಲ್ಲಿ ಸ್ವಚ್ಛ ಶನಿವಾರ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿ, ವಿದ್ಯಾರ್ಥಿಗಳಲ್ಲಿ ಸ್ವಚ್ಛತೆ ಹಾಗೂ ಶೌಚಾಲಯ ಬಳಕೆಯ ಅರಿವು ಮೂಡಿಸಲು ಎಲ್ಲ ಶಾಲೆಗಳಲ್ಲಿ ‘ಸ್ವಚ್ಛ ಶನಿವಾರ’ ಕಾರ್ಯಕ್ರಮ ಆಯೋಜಿಸಲಾಗುತ್ತಿದೆ ಎಂದರು.

ವಿದ್ಯಾರ್ಥಿಗಳು ಕೆಲಸದಲ್ಲಿ ಮೇಲು-ಕೀಳು ಭಾವನೆ ಬಿಟ್ಟು ಮನೆ ಕೆಲಸಗಳನ್ನು ಮಾಡುವುದರೊಂದಿಗೆ ಶಾಲಾ ಕೊಠಡಿ, ಆವರಣ ಹಾಗೂ ಶೌಚಾಲಯಗಳನ್ನು ಸ್ವಚ್ಚವಾಗಿ ಇಟ್ಟುಕೊಳ್ಳಬೇಕು. ವೈಯಕ್ತಿಕ ಸ್ವಚ್ಛತೆಗೆ ಹೆಚ್ಚಿನ ಆದ್ಯತೆ ನೀಡಬೇಕು, ಊಟದ ಮೊದಲು ಹಾಗೂ ಶೌಚದ ನಂತರ ಕೈಯನ್ನು ಸ್ವಚ್ಛವಾಗಿ ತೊಳೆದುಕೊಳ್ಳಬೇಕು ಎಂದರು.

ಮಹಾತ್ಮಾಗಾಂಧೀಜಿ ತಮ್ಮ ಕೆಲಸಗಳನ್ನು ತಾವೇ ಮಾಡಿಕೊಳ್ಳುವದದೊಂದಿಗೆ ಶೌಚಾಲಯ ಸಹ ಸ್ವಚ್ಛಗೊಳಿಸುತ್ತಿದ್ದು. ಕ್ವಿಟ್ ಇಂಡಿಯಾ ಹಾಗೂ ಕ್ಲಿನ್ ಇಂಡಿಯಾಗೆ ಕರೆ ನೀಡಿದರು. ಇಂದು ಭಾರತ ಸ್ವತಂತ್ರ ದೇಶವಾಗಿದೆ. ಭಾರತ ಮುಂದುವರಿದ ದೇಶವಾಗಿದೆ. ಆದರೆ ಸ್ವಚ್ಛತೆಯಲ್ಲಿ ಮಾತ್ರ ಹಿಂದೆ ಇದೆ ಎಂದರು.

ಕೈ ತೊಳೆಯುವ ವಿಧಾನ ಕುರಿತು ಸಿ.ಆರ್.ಪಿ. ಮಂಜುನಾಥ ಮಾಹಿತಿ ಹಾಗೂ ಮಕ್ಕಳಿಗೆ ಸ್ವಚ್ಛತೆ ಕುರಿತು ಪ್ರತಿಜ್ಞಾ ವಿಧಿ ಬೋಧಿಸಲಾಯಿತು.

ಹೆಚ್ಚುವರಿ ಜಿಲ್ಲಾಧಿಕಾರಿ ಶಾಂತಾ ಹುಲ್ಮನಿ, ಜಿಲ್ಲಾ ಪಂಚಾಯ್ತಿ ಉಪ ಕಾರ್ಯದರ್ಶಿ ಜಿ.ಗೋವಿಂದಸ್ವಾಮಿ, ಸಾರ್ವಜನಿಕ ಶಿಕ್ಷಣ ಇಲಾಖೆ ಉಪನಿರ್ದೇಶಕ ಅಂದಾನೆಪ್ಪ ವಡಗೇರಿ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !