ಹಾವೇರಿ: ಆರೋಗ್ಯ, ಶಿಕ್ಷಣ ಹಾಗೂ ಪೊಲೀಸ್ ಇಲಾಖೆ ಉದ್ಯೋಗಿಗಳು ಸೇರಿದಂತೆ ಜಿಲ್ಲೆಯಲ್ಲಿ ಸೋಮವಾರ 150 ಮಂದಿಗೆ ಕೋವಿಡ್-19 ದೃಢಪಟ್ಟಿದೆ ಹಾಗೂ 221 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟೆಣ್ಣವರ ತಿಳಿಸಿದ್ದಾರೆ.
ಜಿಲ್ಲೆಯಲ್ಲಿ ಈವರೆಗೆ 3,549 ಕೋವಿಡ್-19 ಪ್ರಕರಣಗಳು ದೃಢಪಟ್ಟಿವೆ. ಇಂದಿನವರೆಗೆ 2,177 ಮಂದಿ ಸೋಂಕಿನಿಂದ ಗುಣಮುಖರಾಗಿ ಬಿಡುಗಡೆ ಹೊಂದಿದ್ದಾರೆ ಹಾಗೂ ಸೋಮವಾರದ ಆರು ಮರಣ ಪ್ರಕರಣಗಳು ಸೇರಿ ಒಟ್ಟಾರೆ 80 ಮಂದಿ ಕೋವಿಡ್‍ನಿಂದ ಮೃತಪಟ್ಟಿದ್ದಾರೆ. ಒಟ್ಟಾರೆ 1,292 ಸಕ್ರಿಯ ಪ್ರಕರಣಗಳಿವೆ.
ತಾಲ್ಲೂಕುವಾರು ವಿವರ:ಸವಣೂರು-3, ಶಿಗ್ಗಾವಿ-8, ಬ್ಯಾಡಗಿ-9, ಹಿರೇಕೆರೂರು-9, ಹಾನಗಲ್-13, ರಾಣೆಬೆನ್ನೂರು-29, ಹಾವೇರಿ-79 ಸೋಂಕು ಪ್ರಕರಣಗಳು ಸೋಮವಾರ ದೃಢಪಟ್ಟಿವೆ.
ಬಿಡುಗಡೆ:ಸೋಮವಾರ ಸೋಂಕಿನಿಂದ ಗುಣಮುಖರಾಗಿ ಸವಣೂರು-5, ಶಿಗ್ಗಾಂವ-17, ರಾಣೆಬೆನ್ನೂರು-123, ಹಾವೇರಿ-20, ಬ್ಯಾಡಗಿ-45, ಹಾನಗಲ್-10, ಹಿರೇಕೆರೂರು ತಾಲ್ಲೂಕಿನ ಒಬ್ಬರು ಬಿಡುಗಡೆ ಹೊಂದಿದ್ದಾರೆ.
ಮರಣದ ವಿವರ:ಹಾವೇರಿ ತಾಲ್ಲೂಕಿನ ಕಳ್ಳಿಹಾಳ ಗ್ರಾಮದ 50 ವರ್ಷದ ಪುರುಷ (ಪಿ-285970), ಗಣಜೂರ ಗ್ರಾಮದ 64 ವರ್ಷದ ಪುರುಷ (ಪಿ-288850), ಹಾನಗಲ್ ತಾಲ್ಲೂಕಿನ ನರೇಗಲ್ ಗ್ರಾಮದ 60 ವರ್ಷದ ಮಹಿಳೆ (ಪಿ-288852), ಹಾವೇರಿಯ ದ್ಯಾಮವ್ವ ಗುಡಿ ಹತ್ತಿರದ 85 ವರ್ಷದ ಪುರುಷ (ಪಿ-284161), ಶಿವಾಜಿನಗರದ 44 ವರ್ಷದ ಪುರುಷ (ಪಿ-283699) ಹಾಗೂ ಶಿವಲಿಂಗನಗರದ 54 ವರ್ಷದ ಪುರುಷ (ಪಿ-285972) ಮೃತಪಟ್ಟಿದ್ದಾರೆ. ಇವರು ತೀವ್ರ ಉಸಿರಾಟದ ತೊಂದರೆಯಿಂದ ಆಸ್ಪತ್ರೆಗೆ ದಾಖಲಾದ ಸಂದರ್ಭದಲ್ಲಿ ರ‍್ಯಾಪಿಡ್‌ ಆಂಟಿಜೆನ್‌ ಪರೀಕ್ಷೆಯಲ್ಲಿ ಕೋವಿಡ್ ದೃಢಪಟ್ಟಿತ್ತು. ನಿಯಮಾನುಸಾರ ಅಂತ್ಯಸಂಸ್ಕಾರ ಮಾಡಲಾಗಿದೆ.
