ಹಾವೇರಿ: ಆರೋಗ್ಯ ಇಲಾಖೆ ನೌಕರರು ಒಳಗೊಂಡಂತೆ ಜಿಲ್ಲೆಯಲ್ಲಿ ಸೋಮವಾರ 220 ಮಂದಿಗೆ ಕೋವಿಡ್-19 ದೃಢಪಟ್ಟಿದೆ ಹಾಗೂ 193 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟೆಣ್ಣವರ ತಿಳಿಸಿದ್ದಾರೆ.
ತಾಲ್ಲೂಕುವಾರು ವಿವರ:ಬ್ಯಾಡಗಿ-21, ಹಾನಗಲ್ -17, ಹಾವೇರಿ-66, ಹಿರೇಕೆರೂರು-41, ರಾಣೆಬೆನ್ನೂರು-40, ಸವಣೂರು-8, ಶಿಗ್ಗಾವಿ-26 ಹಾಗೂ ಇತರೆ ಒಬ್ಬರಿಗೆ ಸೋಂಕು ದೃಢಪಟ್ಟಿದೆ.
ಸೋಂಕಿನಿಂದ ಗುಣಮುಖರಾಗಿ ಬ್ಯಾಡಗಿ-1, ಹಾನಗಲ್-40, ಹಾವೇರಿ-86, ಹಿರೇಕೆರೂರು-29, ಶಿಗ್ಗಾವಿ-13, ರಾಣೆಬೆನ್ನೂರು-1, ಸವಣೂರು-17 ಹಾಗೂ ಇತರೆ ಆರು ಮಂದಿ ಬಿಡುಗಡೆ ಹೊಂದಿದ್ದಾರೆ.
ಮರಣ:ಸವಣೂರು ತಾಲ್ಲೂಕು ಚಿಲ್ಲೂರಬಡ್ನಿಯ 60 ವರ್ಷದ ಪುರುಷ ಹಾಗೂ ಹಾವೇರಿ ತಾಲ್ಲೂಕು ನೀರಲಗಿ ಗ್ರಾಮದ 70 ವರ್ಷದ ಪುರುಷ ಕೋವಿಡ್ನಿಂದ ಮೃತಪಟ್ಟಿದ್ದಾರೆ.