ಕಳೆದ ಬಾರಿ ಶೇ 67.3 ಫಲಿತಾಂಶ ಪಡೆದು, 15ನೇ ಸ್ಥಾನ ಪಡೆದಿದ್ದರೆ, ಈ ಬಾರಿ ಶೇ 68.4 ಸ್ಥಾನ ಪಡೆದು 16ನೇ ಸ್ಥಾನ ಪಡೆದಿದೆ.
ಈ ಬಾರಿ ದ್ವಿತೀಯ ಪಿಯುಸಿ ಪರೀಕ್ಷೆ ಮಾ.1ರಿಂದ 18ರ ತನಕ ನಡೆದಿದ್ದು, ಜಿಲ್ಲೆಯ 23 ಕೇಂದ್ರಗಳಲ್ಲಿ 13,724 ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದರು. 11,654 ಸಾಮಾನ್ಯ (ರೆಗ್ಯೂಲರ್) ವಿದ್ಯಾರ್ಥಿಗಳು, 1,481 ಪುನರಾವರ್ತಿತ ವಿದ್ಯಾರ್ಥಿಗಳು ಹಾಗೂ 589 ಖಾಸಗಿ ಅಭ್ಯರ್ಥಿಗಳು ಪರೀಕ್ಷೆ ಬರೆದಿದ್ದರು. ಈ ಪೈಕಿ ಕಲಾ ವಿಭಾಗದಲ್ಲಿ 6,233, ವಾಣಿಜ್ಯದಲ್ಲಿ 4,735, ವಿಜ್ಞಾನದಲ್ಲಿ 2,756 ವಿಭಾಗದ ವಿದ್ಯಾರ್ಥಿಗಳಿದ್ದರು.