<p>ಹಾವೇರಿ: ಜಿಲ್ಲೆಯ ಸವಣೂರಿನಲ್ಲಿ ನಕಲಿ ಗೊಬ್ಬರ ಮಾರಲು ಯತ್ನಿಸುತ್ತಿದ್ದ ತಂಡವನ್ನು ಕೃಷಿ ಇಲಾಖೆ ಅಧಿಕಾರಿಗಳು ಪತ್ತೆ ಮಾಡಿದ್ದು, 180 ಚೀಲ ನಕಲಿ ಗೊಬ್ಬರವನ್ನು ಜಪ್ತಿ ಮಾಡಿದ್ದಾರೆ.</p>.<p>ಸವಣೂರು ನಗರದ ಟೀಚರ್ ಕಾಲೊನಿಯ ಹೊರವಲಯದಲ್ಲಿರುವ ರಸ್ತೆಯ ಮೂಲಕ ಕ್ಯಾಂಟರ್ ವಾಹನದಲ್ಲಿ ನಕಲಿ ಗೊಬ್ಬರ ಸಾಗಿಸಲಾಗುತ್ತಿತ್ತು. ಈ ಬಗ್ಗೆ ಮಾಹಿತಿ ಸಂಗ್ರಹಿಸಿದ ಸಹಾಯಕ ಕೃಷಿ ನಿರ್ದೇಶಕರಾದ ಸವಿತಾ ಚಕ್ರಸಾಲಿ ಹಾಗೂ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ವಾಹನ ಸಮೇತ ಗೊಬ್ಬರವನ್ನು ಪತ್ತೆ ಮಾಡಿದ್ದಾರೆ.</p>.<p>ನಕಲಿ ಗೊಬ್ಬರದ ಬಗ್ಗೆ ಸವಿತಾ ಅವರು ಸವಣೂರು ಠಾಣೆಗೂ ದೂರು ನೀಡಿದ್ದಾರೆ. ಸಾಗಣೆ ವಾಹನದಲ್ಲಿದ್ದ ತಡಸದ ಮಂಜು ಹಾಗೂ ಕಲಘಟಗಿ ತಾಲ್ಲೂಕಿನ ಮುಕ್ಕಲ ಗ್ರಾಮದ ಪ್ರಕಾಶ ಗುರುಸಿದ್ದಪ್ಪ ಬೆನಕನಹಳ್ಳಿ ಎಂಬುವವರ ವಿರುದ್ಧ ಪ್ರಕರಣ ದಾಖಲಾಗಿದೆ.</p>.<p>‘ಆರೋಪಿಗಳು ಗುರುವಾರ ಬೆಳಿಗ್ಗೆ ಕ್ಯಾಂಟರ್ (ಕೆಎ 22 ಡಿ 6991) ವಾಹನದಲ್ಲಿ ಗೊಬ್ಬರ ಕೊಂಡೊಯ್ಯುತ್ತಿದ್ದರು. ‘ಧನಾ ಧನಾ ಕಾಶಾಧಾರ ಗೋಧಾವರಿ’ ಎಂಬ ಅಕ್ಷರ ಬರೆದ ಚೀಲಗಳು ವಾಹನದಲ್ಲಿದ್ದವು. ಕೃಷಿ ಉಪಯೋಗಕ್ಕೆ ಮಾತ್ರ ಎಂದೂ ಬರೆಯಲಾಗಿತ್ತು. ಉತ್ಪಾದಕರು ಹಾಗೂ ಮಾರ್ಕೆಟಿಂಗ್; ಕಲಬುರಗಿ ಬಿಕೆಸಿಟಿ ಎಂದು ನಮೂದಿಸಲಾಗಿತ್ತು’ ಎಂದು ಪೊಲೀಸರು ಹೇಳಿದರು.</p>.<p>‘ಚೀಲದಲ್ಲಿದ್ದ ರಸಾಯನಿಕ ಅಂಶಗಳನ್ನು ಗಮನಿಸಿದಾಗ, ಅದು ನಕಲಿ ಎಂಬುದು ಮೇಲ್ನೋಟಕ್ಕೆ ಗೊತ್ತಾಗಿದೆ. ಜೊತೆಗೆ, ಗೊಬ್ಬರದ ಬಗ್ಗೆ ಯಾವುದೇ ದಾಖಲೆಯನ್ನೂ ನೀಡಿಲ್ಲ. ಪರವಾನಗಿಯೂ ಇರಲಿಲ್ಲ. ₹ 2.03 ಲಕ್ಷ ಮೌಲ್ಯದ್ದು ಎನ್ನಲಾದ ತಲಾ 50 ಕೆ.ಜಿ. ತೂಕದ 180 ಚೀಲಗಳನ್ನು ಜಪ್ತಿ ಮಾಡಲಾಗಿದೆ’ ಎಂದು ತಿಳಿಸಿದರು.</p>.<p>‘ಯಾವುದೇ ಪರವಾನಗಿ ಇಲ್ಲದೇ, ರೈತರಿಗೆ ನಕಲಿ ಗೊಬ್ಬರ ಮಾರಾಟ ಮಾಡಲು ಕೊಂಡೊಯ್ಯಲಾಗುತ್ತಿತ್ತು. ರೈತರಿಗೆ ಮೋಸ ಮಾಡುವ ಜಾಲ ಇದಾಗಿರುವುದಾಗಿ ದೂರಿನಲ್ಲಿ ತಿಳಿಸಿದ್ದಾರೆ. ಗೊಬ್ಬರ ಎಲ್ಲಿಂದ ಬಂದಿತ್ತು ? ಎಲ್ಲಿಗೆ ಹೋಗುತ್ತಿತ್ತು ? ಎಂಬುದು ತನಿಖೆಯಿಂದ ತಿಳಿಯಬೇಕಿದೆ’ ಎಂದು ಹೇಳಿದರು.</p>.<p><em>ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ</em><br />260529-22-968771694</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹಾವೇರಿ: ಜಿಲ್ಲೆಯ ಸವಣೂರಿನಲ್ಲಿ ನಕಲಿ ಗೊಬ್ಬರ ಮಾರಲು ಯತ್ನಿಸುತ್ತಿದ್ದ ತಂಡವನ್ನು ಕೃಷಿ ಇಲಾಖೆ ಅಧಿಕಾರಿಗಳು ಪತ್ತೆ ಮಾಡಿದ್ದು, 180 ಚೀಲ ನಕಲಿ ಗೊಬ್ಬರವನ್ನು ಜಪ್ತಿ ಮಾಡಿದ್ದಾರೆ.</p>.<p>ಸವಣೂರು ನಗರದ ಟೀಚರ್ ಕಾಲೊನಿಯ ಹೊರವಲಯದಲ್ಲಿರುವ ರಸ್ತೆಯ ಮೂಲಕ ಕ್ಯಾಂಟರ್ ವಾಹನದಲ್ಲಿ ನಕಲಿ ಗೊಬ್ಬರ ಸಾಗಿಸಲಾಗುತ್ತಿತ್ತು. ಈ ಬಗ್ಗೆ ಮಾಹಿತಿ ಸಂಗ್ರಹಿಸಿದ ಸಹಾಯಕ ಕೃಷಿ ನಿರ್ದೇಶಕರಾದ ಸವಿತಾ ಚಕ್ರಸಾಲಿ ಹಾಗೂ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ವಾಹನ ಸಮೇತ ಗೊಬ್ಬರವನ್ನು ಪತ್ತೆ ಮಾಡಿದ್ದಾರೆ.</p>.<p>ನಕಲಿ ಗೊಬ್ಬರದ ಬಗ್ಗೆ ಸವಿತಾ ಅವರು ಸವಣೂರು ಠಾಣೆಗೂ ದೂರು ನೀಡಿದ್ದಾರೆ. ಸಾಗಣೆ ವಾಹನದಲ್ಲಿದ್ದ ತಡಸದ ಮಂಜು ಹಾಗೂ ಕಲಘಟಗಿ ತಾಲ್ಲೂಕಿನ ಮುಕ್ಕಲ ಗ್ರಾಮದ ಪ್ರಕಾಶ ಗುರುಸಿದ್ದಪ್ಪ ಬೆನಕನಹಳ್ಳಿ ಎಂಬುವವರ ವಿರುದ್ಧ ಪ್ರಕರಣ ದಾಖಲಾಗಿದೆ.</p>.<p>‘ಆರೋಪಿಗಳು ಗುರುವಾರ ಬೆಳಿಗ್ಗೆ ಕ್ಯಾಂಟರ್ (ಕೆಎ 22 ಡಿ 6991) ವಾಹನದಲ್ಲಿ ಗೊಬ್ಬರ ಕೊಂಡೊಯ್ಯುತ್ತಿದ್ದರು. ‘ಧನಾ ಧನಾ ಕಾಶಾಧಾರ ಗೋಧಾವರಿ’ ಎಂಬ ಅಕ್ಷರ ಬರೆದ ಚೀಲಗಳು ವಾಹನದಲ್ಲಿದ್ದವು. ಕೃಷಿ ಉಪಯೋಗಕ್ಕೆ ಮಾತ್ರ ಎಂದೂ ಬರೆಯಲಾಗಿತ್ತು. ಉತ್ಪಾದಕರು ಹಾಗೂ ಮಾರ್ಕೆಟಿಂಗ್; ಕಲಬುರಗಿ ಬಿಕೆಸಿಟಿ ಎಂದು ನಮೂದಿಸಲಾಗಿತ್ತು’ ಎಂದು ಪೊಲೀಸರು ಹೇಳಿದರು.</p>.<p>‘ಚೀಲದಲ್ಲಿದ್ದ ರಸಾಯನಿಕ ಅಂಶಗಳನ್ನು ಗಮನಿಸಿದಾಗ, ಅದು ನಕಲಿ ಎಂಬುದು ಮೇಲ್ನೋಟಕ್ಕೆ ಗೊತ್ತಾಗಿದೆ. ಜೊತೆಗೆ, ಗೊಬ್ಬರದ ಬಗ್ಗೆ ಯಾವುದೇ ದಾಖಲೆಯನ್ನೂ ನೀಡಿಲ್ಲ. ಪರವಾನಗಿಯೂ ಇರಲಿಲ್ಲ. ₹ 2.03 ಲಕ್ಷ ಮೌಲ್ಯದ್ದು ಎನ್ನಲಾದ ತಲಾ 50 ಕೆ.ಜಿ. ತೂಕದ 180 ಚೀಲಗಳನ್ನು ಜಪ್ತಿ ಮಾಡಲಾಗಿದೆ’ ಎಂದು ತಿಳಿಸಿದರು.</p>.<p>‘ಯಾವುದೇ ಪರವಾನಗಿ ಇಲ್ಲದೇ, ರೈತರಿಗೆ ನಕಲಿ ಗೊಬ್ಬರ ಮಾರಾಟ ಮಾಡಲು ಕೊಂಡೊಯ್ಯಲಾಗುತ್ತಿತ್ತು. ರೈತರಿಗೆ ಮೋಸ ಮಾಡುವ ಜಾಲ ಇದಾಗಿರುವುದಾಗಿ ದೂರಿನಲ್ಲಿ ತಿಳಿಸಿದ್ದಾರೆ. ಗೊಬ್ಬರ ಎಲ್ಲಿಂದ ಬಂದಿತ್ತು ? ಎಲ್ಲಿಗೆ ಹೋಗುತ್ತಿತ್ತು ? ಎಂಬುದು ತನಿಖೆಯಿಂದ ತಿಳಿಯಬೇಕಿದೆ’ ಎಂದು ಹೇಳಿದರು.</p>.<p><em>ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ</em><br />260529-22-968771694</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
