ಭಾನುವಾರ, ಸೆಪ್ಟೆಂಬರ್ 27, 2020
26 °C

‘ಸಮಾಜ ಸೇವೆಯೇ ಗುರಿಯಾಗಿರಲಿ’

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಹಾವೇರಿ: ಸಮಾಜ ಸೇವೆ ಮಾಡಬೇಕೆಂಬ ಉದ್ದೇಶ ಹೊಂದಿರುವ ಸಾಮಾಜಿಕ ಸೇವೆ ಸಂಸ್ಥೆಗಳ ಮುಖ್ಯ ಗುರಿ ಸಮಾಜ ಸೇವೆ ಆಗಿರಬೇಕು. ಸರಕಾರದ ಯೋಜನೆಗಳ ಅವಲಂಬಿತರಾಗಿ ಪರಾವಲಂಬಿಗಳಾಗಬಾರದು. ನಾನು ಬೆಳೆಯಬೇಕು ಜೊತೆಗೆ ಇತರರೂ ಬೆಳೆಯಬೇಕೆಂಬ ಎಂಬ ಧ್ಯೇಯೋದ್ದೇಶದ ಜೆಸಿ ಸಂಸ್ಥೆಯ ಕಾರ್ಯಗಳು ಶ್ಲಾಘನೀಯ ಎಂದು ಹುಕ್ಕೇರಿಮಠದ ಸದಾಶಿವ ಸ್ವಾಮೀಜಿ ಹೇಳಿದರು. 

ನಗರದ ರೇಣುಕಾಚಾರ್ಯ ಮಠದ ಆವರಣದಲ್ಲಿ ಬುಧವಾರ ನಡೆದ ಹಾವೇರಿ ಜೆಸಿ ಸಂಸ್ಥೆಯ ಜೆಸಿ ಸಪ್ತಾಹದ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು. 

ಜೆಸಿ ಸಂಸ್ಥೆಯ ಪೂರ್ವಾಧ್ಯಕ್ಷರಾದ ರವಿ ಗುಡಿಸಾಗರ ಮತ್ತು ಎಂ.ಎಸ್. ಪಾಟೀಲ ಅವರಿಗೆ ‘ಕಮಲ ಪತ್ರ’ ಎಂಬ ಸಂಸ್ಥೆಯ ಉನ್ನತ ಗೌರವ ನೀಡಲಾಯಿತು. ಸರ್ವಶ್ರೀ ಕೃಷ್ಣಾ ಮಂಗಳೂರ ಮುರಗೇಶ ಹುಂಬಿ, ಕಪಿಲ ರಾಠೋಡ, ಸಿದ್ಧಣ್ಣ ಮೆನಸಿನಹಾಳ ಹಾಗೂ ಎಂ.ಎಂ. ಹನುಮನಹಳ್ಳಿ ಅವರಿಗೆ ‘ವ್ಯಾಪಾರ ರತ್ನ’ ಪುರಸ್ಕಾರ ನೀಡಲಾಯಿತು.

ವಿಶ್ವ ಎಂಜಿನಿಯರ್‌ಗಳ ದಿನದ ಅಂಗವಾಗಿ ಎಂಜಿನಿಯರ್‌ಗಳಾದ ಸಿ.ಸಿ. ಹೊಸಮಠ ಮತ್ತು ಎಂ.ಎಂ. ಹೂಲಿಹಳ್ಳಿ ಅವರನ್ನು ಗೌರವಿಸಲಾಯಿತು. ಜೆಸಿ ಸಂಸ್ಥೆಯ ಅಧ್ಯಕ್ಷ ವೀರಯ್ಯ ಪ್ರಸಾದಿಮಠ ಅಧ್ಯಕ್ಷತೆ ವಹಿಸಿದ್ದರು. ನಿಕಟಪೂರ್ವ ಅಧ್ಯಕ್ಷರಾದ ಮಲ್ಲಿಕಾರ್ಜುನ ಶಾಂತಗಿರಿ, ಕಾರ್ಯದರ್ಶಿ ಚನ್ನಬಸಪ್ಪ ಮಾರ್ಯರ, ಜೂನಿಯರ್‌ ಜೆಸಿ ಅಧ್ಯಕ್ಷ ಭುವನ ಚೌಟಗಿ ಇದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.