ಕೆಆರ್‌ಐಡಿಎಲ್ ಘಟಕ ಬಂದ್: ಶುದ್ಧ ನೀರಿಗಾಗಿ ಕಿ.ಮೀ.ಗಟ್ಟಲೇ ಅಲೆದಾಟ

‘ಜಿಲ್ಲೆಯಲ್ಲಿ 686 ಶುದ್ಧ ಕುಡಿಯುವ ನೀರಿನ ಘಟಕಗಳಿದ್ದು ಅದರಲ್ಲಿ 71 ಘಟಕಗಳು ಮಾತ್ರ ದುರಸ್ತಿಯಲ್ಲಿವೆ ಎಂಬುದಾಗಿ ಅಧಿಕಾರಿಗಳು ಹೇಳುತ್ತಿದ್ದಾರೆ. ಆದರೆ ವಾಸ್ತವದಲ್ಲಿ 71ಕ್ಕಿಂತ ಹೆಚ್ಚಿನ ಘಟಕಗಳು ಬಂದ್ ಆಗಿವೆ’ ಎಂದು ಜನರು ದೂರಿದರು. ‘ಅಧಿಕಾರಿಗಳು ಕಚೇರಿಯಲ್ಲೇ ಕುಳಿತೇ ಲೆಕ್ಕ ಹಾಕುತ್ತಾರೆ. ಘಟಕಗಳು ಇರುವ ಜಾಗಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸುವುದಿಲ್ಲ. ಇದರಿಂದಲೇ ಘಟಕಗಳು ಮೇಲಿಂದ ಮೇಲೆ ಬಂದ್ ಆಗುತ್ತಿದ್ದು ದುರಸ್ತಿ ಕೆಲಸವೂ ವಿಳಂಬವಾಗುತ್ತಿದೆ’ ಎಂದು ತಿಳಿಸಿದರು.