ತಡಸ: ಭಾರಿ ಮಳೆಯಿಂದ ರೈತರು ಸಂತುಷ್ಟ

ಎರಡನೇ ಬಾರಿ ಮಾಡಿದ ಬಿತ್ತನೆಗೆ ಸಮರ್ಪಕ ನೀರು ಸಿಗುತ್ತಿದೆ. ತಡಸ ಸುತ್ತ ಮುತ್ತಲಿನ ಗ್ರಾಮಗಳಾದ ಮುತ್ತಳ್ಳಿ, ಅಡವಿ ಸೋಮಾಪೂರ, ಕುನ್ನುರ, ಮಮದಾಪೂರ, ದುಂಡಶಿ, ಹೊಸೂರು, ಕೋಣನಕೇರಿ ಗ್ರಾಮಗಳಲ್ಲಿ ಮಳೆಯಿಂದಾಗಿ ತಂಪು ಆವರಿಸಿಕೊಂಡಿದೆ.

ನಿರಂತರ ಮಳೆಯಿಂದ ಕೆರೆಕಟ್ಟೆ, ಹೊಂಡಗಳು ಸಂಪೂರ್ಣ ಭರ್ತಿಯಾಗುವ ಹಂತದಲ್ಲಿವೆ. 

‘ಬಿಡದೆ ಸುರಿಯುತ್ತಿರುವ ಮಳೆ ಭತ್ತಕ್ಕೆ ಅನುಕೂಲವಾಗಿದೆ. ಕಳೆ ಕೀಳಲು ಎಡೆ ಕುಂಟಿ ಹೊಡೆಯಲು ಸಹಕಾರಿ ಆಗಿದ್ದು ಗೋವಿನ ಜೋಳದ ಬೆಳೆಯು ಜವಳ ಹಿಡಿಯುವ ಹಾಗೆ ಕಾಣುತ್ತದೆ‘ ಎಂದು ರೈತ ಸಾದೇವ ಬಿರೊಳ್ಳಿ ಹೇಳಿದರು.