ಗುಡ್ಡ ಏರುವ ಕಾರ್ಯಕ್ರಮ: ಡಿ.7ರ ರೇವತಿ ನಕ್ಷತ್ರದಂದು ಬೆಳಿಗ್ಗೆ 8 ರಿಂದ ಮಧ್ಯಾಹ್ನ 12 ಗಂಟೆವರೆಗೆ ಅಭಿಷೇಕ ಹಾಗೂ ಭಕ್ತ ಜನರ ಜವಳ ತೆಗೆಯುವ ಕಾರ್ಯಕ್ರಮ ನಡೆಯಲಿದೆ. ಮಧ್ಯಾಹ್ನ 3 ರಿಂದ 6 ಗಂಟೆವರೆಗೆ ವಿವಿಧ ಕಲಾ ತಂಡಗಳು, ನಂದಿಕೋಲ ಹಾಗೂ ಪಲ್ಲಕ್ಕಿಗಳೊಂದಿಗೆ ದೇವರು ಗುಡ್ಡ ಏರಿ ಗುಡ್ಡದ ಮಾಳಮ್ಮ ದೇವಿಗೆ ದರ್ಶನ ನೀಡಿ, ಮರಳಿ ರೇವಣಸಿದ್ಧೇಶ್ವರ ಹಳೆ ಗುಡಿಗೆ ಬರಲಿದ್ದು, ನಂತರ ಊರಲ್ಲಿನ ಹೊಸ ಗುಡಿಗೆ ಬರಲಿವೆ. ರಾತ್ರಿ 10 ಗಂಟೆಗೆ ಗೀಗೀ ಪದಗಳು ಜರುಗಲಿವೆ.