ಬರುವ ಪ್ರತಿಯೊಬ್ಬ ವಿದೇಶಿ ಪ್ರಜೆಯ ಬಗ್ಗೆ ಸಂಪೂರ್ಣ ವಿವರಗಳನ್ನು ಇಲ್ಲಿಯ ಪ್ರವಾಸಿ ಮಿತ್ರರು ಸಂಗ್ರಹಿಸುತ್ತಿದ್ದಾರೆ. ಯಾವ ದೇಶದಿಂದ ಬಂದಿದ್ದಾರೆ? ಯಾವಾಗ ಬಂದಿದ್ದು? ಭಾರತದ ಯಾವ ರಾಜ್ಯಗಳಿಂದ ಇಲ್ಲಿಗೆ ಬಂದಿದ್ದಾರೆ? ಮುಂದೆ ಎಲ್ಲಿಗೆ ಹೋಗುವವರಿದ್ದಾರೆ ಎಂಬ ಬಗ್ಗೆ ಸವಿಸ್ತಾರ ವಿವರವನ್ನು ದಾಖಲಿಸಿಟ್ಟುಕೊಳ್ಳಲಾಗುತ್ತಿದೆ. ಕೊರೊನಾ ಭೀತಿ ಎದುರಾದ ನಂತರ ಈಗಾಗಲೇ ಜಲಪಾತ ಪ್ರದೇಶಕ್ಕೆ 25ರಿಂದ 30 ವಿದೇಶಿ ಪ್ರವಾಸಿಗರು ಬಂದಿದ್ದು ಅವರು ಅಮೆರಿಕಾ, ರಷ್ಯಾ, ಸ್ವೀಡನ್, ಪೋಲೆಂಡ್ ದೇಶಕ್ಕೆ ಸೇರಿದವರಾಗಿದ್ದರು. ಸಾಮಾನ್ಯವಾಗಿ ಮಾರ್ಚ್ ತಿಂಗಳು ಶಾಲಾ ಮಕ್ಕಳ ಪರೀಕ್ಷಾ ಸಮಯ ಆಗಿರುವುದರಿಂದ ಸಹಜವಾಗಿ ಪ್ರವಾಸಿಗರ ಸಂಖ್ಯೆ ಕಡಿಮೆ ಇರುತ್ತದೆ. ಅದರ ಜೊತೆಗೆ ಕೊರೊನಾ ವೈರಸ್ ಮತ್ತು ಕೆಎಫ್ಡಿ ಭೀತಿ ಪ್ರವಾಸಿಗರ ಸಂಖ್ಯೆಯನ್ನು ಇಳಿಮುಖಗೊಳಿಸಿದೆ ಎಂದು ಪ್ರವಾಸೋದ್ಯಮ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.